II Samuel 5:21 - Sră Goh 2018

²¹ Cau Philistin sang lòi ală rùp ràk bol khai dê tềng hơ̆, Dabit mơ ală cau kwang ling khai dê ai cèng jơh.

II Samuel 5:21 ပူးပေါင်းရင်းမြစ်များ

Esai 37:19

sơrbì ală yàng bol khai dê tòm ồs mơ tơnroh jơh tài bơh bol gơ ò di la ală yàng ngan, mơya mìng chi mơ lŭ bơh tê kòn mơnus mòn gơs.

Jeremi 43:12

Añ rơp sing ồs chu ală hìu bơmồng ală yàng Ejiptơ dê; Nebukatnessar rơp chu hala cèng ală rùp ràk hơ̆; bơtau hơ̆ kơñau jơh hir lơgar Ejiptơ, kung be cau ê belàt dòñ goh sai rồ tòm ào khai, mơ lik lòt lơngap lơngai.

Jeremi 48:7

Ngan behơ̆, bơh mê neh gơn kơnòm di pràn tòm mê dê mơ phan màng mê dê, Gen mê kung rơp kong tòmpìt ai, Kemôs rơp kong cèng pơrdô Bal mơ ală cau gơnoar ơn phan duh khoai mơ ală kwang bàng gơ.

Daniel 11:8

Tòm tŭ rê wơl, khai kung cèng tus tòm lơgar Ejiptơ ală rùp duh khoai kas màng bal mơ ală phan ngui mơ màh mơ priă tai sơl. Tòm dô êt nam, khai dơh wơl ò brồ lơh bơtau đah đang.

Yal Wơl 7:25

Ală rùp duh khoai ală yàng bol khai dê, bol mê pal chu jơh tòm ồs. Bañ hàm hà priă mơ màh di bol gơ, mơ bañ ai gơ să tòm bol mê in, rngòt bol mê rơp gơkòl yar dă gơ dê, bơh gơ la cù kìr di đap Jehôwa Yàng Tom Trồ bol mê dê.

Yal Wơl 7:5

Bol mê pal lơh gơwèt hơ bol khai be do: Sòr tơrlah ală cơnòng duh khoai bol khai dê, jan bơcah ală lŭ duh khoai bol khai dê, koh tơnroh ală jrong duh khoai Asera bol khai dê mơ chu ală rùp ràk bol khai dê tòm ồs.