II Samuel 5:11 - Sră Goh 2018

¹¹ Hiram bơtau Tirơ, sồr cau kong sồr lòt tus hơ Dabit, cèng bal chi nho rề, ală cau chài lơh chi, cau chài bơt lŭ nàng bơt dô nơm gơlang Dabit in.

II Samuel 5:11 ပူးပေါင်းရင်းမြစ်များ

II Samuel 5:12

Gen Dabit đal git lah Yàng Jehôwa neh bơtào kơ̆ khai lơh gơs bơtau at bồ hơđang Israel, mơ Kơnràñ neh yò tơngguh lơgar bơtau khai dê, tài bơh làng bol Israel Kơnràñ dê.

II Samuel 7:1

Tòm tŭ bơtau Dabit neh ơm tòm gơlang khai dê rau, mơ Yàng Jehôwa neh ai khai in ơm rlô lơngai bơh di jơh ală cau sò tơm gùt dar khai,

II Samuel 7:2

gen khai đơs mơ cau gơnoar hwơr Nathan lah: “Sền do, añ ơm tòm gơlang mơ nho rề, mơya Đài Yàng Tom Trồ dê gam ơm tòm dô nơm sàl.”

I Ală Bơtau 5:15

Salômôn kung gơs poh jơt rbô nă cau lơh broă kơnjơ̆, mơ phàm jơt rbô nă cau phàt lŭ hơđang mơnơm,

I Ală Bơtau 5:18

Behơ̆ ală cau bơt hìu Salômôn mơ cau bơt hìu Hiram dê, mơ ală cau Gibal chài phàt lŭ. Bol khai rcang chi mơ lŭ nàng bơt hìu duh khoai.

I Yal Yau 14:1

Hiram bơtau Tirơ sồr cau lòt tus hơ Dabit bal mơ ală chi nho rề, ală cau chài bơt lŭ mơ cau chài lơh chi nàng bơt dô nơm gơlang Dabit in.

Ejra 3:7

Gen bol khai ai jền priă ală cau chài bơt lŭ mơ ală cau chài lơh chi, mơ ai ală phan sa phan ñô, mơ mơñà làng bol Sidôn mơ Tirơ in nàng bol khai jat gùng dàlềng mơ cèng nho rề bơh Liban tus hơ Jôppa, jat gơnoar Sirus bơtau Persia neh ai bol khai in.

Đơs Crih 30:1

Ơ Yàng Jehôwa, añ jòng ro Kơnràñ, bơh Kơnràñ neh yò tơngguh añ, Mơ ò ai gơnoar ală cau sò tơm in hòn chò bơh di añ.

Ejekiel 26:2

“Ơ kòn mơnus, tài bơh Tirơ neh đơs bơh Jerusalem lah: ‘Ha ha! Mpồng dờng ală làng bol dê neh tơrlah rau! Ală mpồng gơ dê neh pò añ in; tŭ do gơ neh kòl tơnroh jơh hir mơ añ rơp geh gơbơtơl tai.’

Jôsue 19:29

Nhàr gơ wơl hơ Ramah, lòt tus hơ ƀòn dờng kơ̆ cê Tirơ, gen nhàr gơwèt hơ Hôsah, mơ gơ tus hơ dàlềng tòm kơnhwàl Akjip.