II Samuel 5:10 - Sră Goh 2018

¹⁰ Mơ Dabit sơlo ơm sơlo pràn rlau, tài bơh Jehôwa la Yàng Tom Trồ Gơnap Gơnoar Hơđang Jơh ơm bal mơ khai.

II Samuel 5:10 ပူးပေါင်းရင်းမြစ်များ

Sơnròp Gơlik Gơs 21:22

Tòm tŭ hơ̆ bơtau Abimelek mơ Pikôl, cau gơnoar dờng at bồ ling khai dê, đơs mơ Abraham lah: “Yàng Tom Trồ ơm bal mơ mê tòm kòp broă mê lơh.

II Samuel 3:1

Neh gơs bơta tòmlơh jŏ jòng digùl hìu Dabit mơ hìu Sol. Dabit sơlo ơm sơlo pràn, tòm tŭ hìu Sol sơlo ngai sơlo lơbơn òsô.

II Samuel 7:9

Añ neh ơm bal mơ mê tiah lơi mê lòt, mơ neh tơnroh jơh ală cau sò tơm mê dê bơh di đap mê. Tŭ do Añ rơp lơh sơnđan mê gơlik dờng màng kung be ală sơnđan ală cau dờng màng rlau jơh tòm plai ù.

II Samuel 8:14

Khai bơt ală theng kơp gàr kơ̆ cê tòm làm lơgar Edôm, mơ jơh làng bol Edôm kong duh Dabit. Yàng Jehôwa ai Dabit in bơta pha rlau tòm ală tiah khai neh lòt tus.

II Samuel 8:6

Khai bơtào ală theng kơp gàr kơ̆ cê tòm ƀòn dờng Damas lơgar Aram, mơ cau Aram kong duh broă Dabit, mơ pal kong dap dia, Yàng Jehôwa ai Dabit in bơta pha rlau tòm ală tiah khai lòt tus.

Sră Jop 17:9

Bulah behơ̆, cau song ring rơp ntào kơ̆ tòm ală gùng dà khai dê, Mơ ală cau gơs tê sàng goh rơp sơlo ngai sơlo pràn rlau.

Đơs Crih 24:10

Bơtau gơklŏ do la ñcau taih? Hơ̆ la Yàng Jehôwa Mpồl Ling dê, Să tòm Kơnràñ la Bơtau gơklŏ. (Selah)

Đơs Crih 46:11

Yàng Jehôwa Mpồl Ling dê ơm bal mơ bol he, Yàng Tom Trồ Jakôp dê la tiah kìng crŭ bol he dê. (Selah)

Đơs Crih 46:7

Yàng Jehôwa Mpồl Ling dê ơm bal mơ bol he, Yàng Tom Trồ Jakôp dê la tiah kìng crŭ bol he dê. (Selah)

Jơnau Pơnđik 4:18

Mơya gùng lòt cau song ring dê la kung be bơta àng àng drim dê, Gơ pơnđàng sòl sơlo àng rlau tai jơl tus di trồ gùl ngai.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Sră Age 2:4

‘Mơya tŭ do, ơ Jerubabel, khin cha tĕ!’ Yàng Jehôwa đơs behơ̆. ‘Ơ Jôsua, kòn klau Jehôjadak, cau gơnoar dờng lam bồ ơn phan duh khoai, khin cha tĕ!’ Yàng Jehôwa đơs behơ̆. ‘Jơh làng bol tòm lơgar, khin cha tĕ mơ lơh broă. Bơh Añ ơm bal mơ bol mê,’ Yàng Jehôwa Gơnap Gơnoar Dờng Làm Jơh đơs behơ̆.

Luka 2:52

Yàng Jesu sơlo jak chài, să jan sơlo dờng, sơlo niam nùs Yàng Tom Trồ mơ cau sơl.

Rôma 8:31

Gen mbe bol he kòñ đơs bơh ală bơta hơ̆ taih? Dilah Yàng Tom Trồ ơm đah mơ bol he, gen gơs ñcau sò tơm dê bol he taih?

I Samuel 18:12

Sol rngòt di Dabit, tài bơh Yàng Jehôwa ơm bal mơ khai, mơ Kơnràñ neh sang lòi Sol.

I Samuel 18:14

Dabit gơlik cồng nha dờng tòm kòp ală broă khai lơh; tài bơh Yàng Jehôwa ơm bal mơ khai.

I Samuel 18:5

Broă lơi Sol sồr Dabit lơh gen Dabit lơh gơlik cồng nha niam tian gơs Sol bơtào khai hơđang tòm mpồl ling. Bơta hơ̆ niam nùs jơh làng bol mơ niam nùs ală cau duh broă Sol sơl.