II Samuel 3:35 - Sră Goh 2018

³⁵ Gen jơh làng bol tus rềp mơ dan Dabit sa dô êt phan sa tòm tŭ trồ gam ngai; mơya Dabit srat să lah: “Dan Yàng Jehôwa lơh añ dô bă kơnjơ̆ rlau jơh, dilah añ sa piang lă hala phan sa lơi ndai lài mơ tŭ mattơngai mut!”

II Samuel 3:35 ပူးပေါင်းရင်းမြစ်များ

II Samuel 1:12

Bol khai pơt wòl ñìm rac, mơ ơt sa jơl tus di trồ mho bơh Sol, bơh Jônathan kòn klau khai, bơh làng bol Yàng Jehôwa dê, mơ bơh hìu Israel, tài bơh bol khai neh kong sreh tơnchơt bơh đào.

II Samuel 12:17

Ală cau kwang kra tòm hìu nhă khai dê ntào di gah khai nàng yò tơngguh khai bơh di ù, mơya khai ò bài, mơ kung ò sa phan sa lơi bal mơ bol khai.

II Samuel 3:34

Tê mê ò kòl kơt, jơng mê ò dò che sreng; Mê gơpừ chơt be dô nă cau gơpừ chơt di đap cau iơh bơsak.” Mơ jơh làng bol ñìm tai.

II Samuel 3:36

Jơh làng bol kah prap bơh jơnau hơ̆ mơ ai lơh niam nùs; ngan behơ̆, jơh ală bơta cau bơtau lơh la niam nùs bol khai lơm.

II Samuel 3:9

Behơ̆ dan Yàng Tom Trồ lơh di añ dô bă kơnjơ̆, dilah ò gơlik gơs ală bơta Yàng Jehôwa neh srat să ho bal mơ Dabit, mơ añ rơp bơtào kơ̆ khai in,

I Yal Yau 10:12

jơh ală cau klau pràn kơldang khin cha bol khai dê ñă lòt mơ ai ƀồc Sol mơ ală kòn klau khai dê mơ cèng tus hơ Jabes. Gen bol khai chu ală ƀồc hơ̆ tòm tiah dô nơm chi cha tòm Jabes, mơ bol khai ơt sa tòm poh ngai.

Jeremi 16:7

Ò gơs cau lơi cèng phan sa cau ñìm ƀồc in nàng pơndòm pơniang bol khai; ò gơs cau lơi bơh bơta chơt cau bèp hala cau mè mơ dòp mơngàn tòmpà bơta moat jrùng.

Ejekiel 24:17

Rac ròc òm mơya ò di dờng jơnau, ò ñìm bơh cau chơt in. Pùt chèo di bồ mê mơ jă khŏ di jơng; bañ cang sơnò tềp hala sa piang lă cau còp iang.”

Ejekiel 24:22

Mơ bol mê rơp lơh kung be añ neh lơh; bol mê rơp ò jơm bơr đah đang, kung ò sa phan cau cèng còp iang.

Ală Kwang Cahrña 20:23

Bol khai guh ñìm di đap Yàng Jehôwa jơl tus di mho mơ hòi lùp Yàng Jehôwa lah: “Bol hi pal guh tòmlơh tai mơ cau Benjamin la oh mi bol hi dê sơl?” Yàng Jehôwa ho lah: “Guh tĕ tòmlơh mơ bol khai.”

Ală Kwang Cahrña 20:26

Gen cau Israel, jơh tơl nă guh tus hơ Betel, nggui tềng hơ̆ mơ ñìm di đap Yàng Jehôwa. Bol khai ñìm mơ ơt sa tòm ngai hơ̆ jơl tus mho mơ ơn ală phan ơn duh khoai chu pơrguc mơ ală phan ơn duh khoai ring lơngai Yàng Jehôwa in.

Rutơ 1:17

Mè chơt tiah lơi gen añ rơp chơt tiah hơ̆, mơ geh tơp tềng hơ̆ sơl. Dan Yàng Jehôwa lơh añ dô bă kơnjơ̆ ngan dilah gơs bơta lơi rlau mơ bơta chơt gơcah is añ mơ mè.”

I Samuel 3:17

Heli lùp lah: “Ñchi bơta Kơnràñ neh đơs mơ mê taih? Bañ pồn bơh di añ. Dan Yàng Tom Trồ lơh mê in kung behơ̆ mơ kơnjơ̆ rlau ngan, dilah mê pồn mơ añ jơnau lơi Kơnràñ neh đơs mơ mê.”