II Samuel 24:25 - Sră Goh 2018

²⁵ Dabit bơt bơtào tềng hơ̆ dô nơm cơnòng duh khoai Yàng Jehôwa in, mơ ơn ală phan ơn chu pơrguc bal mơ ală phan ơn bơta ring lơngai. Gen Yàng Jehôwa ho wơl jơnau hòi dan lơgar in, mơ bơta rung rài hơđang Israel gơ ơm dơh wơl.

II Samuel 24:25 ပူးပေါင်းရင်းမြစ်များ

Sơnròp Gơlik Gơs 12:7

Yàng Jehôwa tơlik mat mơ Abram mơ đơs lah: “Añ rơp ai jơi bơtiàn mê in lơgar do.” Gen tềng hơ̆ Abram lơh dô nơm cơnòng duh khoai Yàng Jehôwa in la Bơtau neh tơlik mat mơ khai.

Sơnròp Gơlik Gơs 22:9

Bol khai tus di tiah Yàng Tom Trồ neh sồr, tềng hơ̆ Abraham lơh cơnòng duh khoai, dap lòng hơđang, cap Isak kòn khai, mơ ơn hơđang lòng di cơnòng duh khoai.

Sơnròp Gơlik Gơs 8:20

Nôe lơh dô nơm cơnòng duh khoai Yàng Jehôwa in. Khai kup ală phan poan jơng goh, ală sềm goh, ơn phan chu duh khoai hơđang cơnòng duh khoai.

II Samuel 21:14

Bol khai tơp ntìng ƀồc Sol mơ Jônathan, kòn klau khai dê, tòm bơtô ƀồc Kis bèp Sol dê, tòm Sela, tòm Benjamin, mơ lơh jat jơh ală bơta be bơtau neh sồr. Tơnơ̆ mơ hơ̆ Yàng Tom Trồ ho wơl jơnau hòi dan lơgar in.

II Samuel 24:14

Dabit đơs mơ Gat lah: “Añ ơm tòm bơta bòl glar moat jrùng dờng ngan! Lòi tĕ bol he dùh tòm tê Yàng Jehôwa bơh bơta kòñ nđàc Kơnràñ dê la dờng ngan; mơya bañ lòi añ dùh tòm tê kòn mơnus.”

I Ală Bơtau 1:1

Tòm tŭ bơtau Dabit neh kra să mơ sơnam jòng; gen bulah cau tơntơ̆ oă ồi khai in, khai kung ò rgơi gơs ram.

Ejekiel 16:42

Gen bơta gơjrañ dờng Añ jê tòmdră mơ ai rơp rài, mơ bơta ƀoah pơrñat Añ jê rơp pơrlac ngài bơh di ai; Añ rơp ơm mŏ mŏ, ò gơjrañ tai.

Khà Làng Bol 17:13

Cau lơi tus rềp di Hìu Ing Duh Khoai Yàng Jehôwa dê kung rơp chơt. Mơ jơh tơl nă bol hi rơp roh rui ơ?”

Ală Kwang Cahrña 21:4

Ngai tơnơ̆, làng bol guh gòñ bơh drim bơt dô nơm cơnòng duh khoai tềng hơ̆ mơ ơn phan duh khoai chu pơrguc mơ phan ơn duh khoai ring lơngai.

Ală Kwang Cahrña 6:24

Gen Gideôn bơt bơtào tềng hơ̆ dô nơm cơnòng duh khoai Yàng Jehôwa in, mơ tơmoh sơnđan la Jehôwa Salom. Tòm Ôphra ƀòn cau Abiejrit dê cơnòng duh khoai hơ̆ gam tus di ngai do.

I Samuel 13:9

Behơ̆ khai đơs lah: “Cèng tĕ añ in phan ơn duh khoai chu pơrguc mơ ală phan ơn duh khoai ring lơngai.” Mơ Sol ơn phan duh khoai chu pơrguc.

I Samuel 14:35

Gen Sol bơt dô nơm cơnòng duh khoai Yàng Jehôwa in; hơ̆ la cơnòng duh khoai sơnròp mơ khai neh bơt Yàng Jehôwa in.

I Samuel 7:17

Gen khai rê wơl hơ Rama la tiah gơs hìu ơm khai dê, tềng hơ̆ khai kung cahrña Israel, mơ khai bơt bơtào dô nơm cơnòng duh khoai Yàng Jehôwa in tềng hơ̆.

I Samuel 7:9

Behơ̆ Samuel kup dô nơm kòn belàt gam pô mơ ơn gơlơh gơs phan ơn chu pơrguc Yàng Jehôwa in. Khai rac dan mơ Yàng Jehôwa Israel in mơ Yàng Jehôwa dòp jơnau khai.