II Samuel 24:19 - Sră Goh 2018

¹⁹ Behơ̆ Dabit lơh jat be jơnau Yàng Jehôwa neh sồr Gat đơs mơ khai.

II Samuel 24:19 ပူးပေါင်းရင်းမြစ်များ

Sơnròp Gơlik Gơs 6:22

Nôe lơh ală broă do be jơnau Yàng Tom Trồ neh sồr.

II Samuel 24:18

Tòm ngai hơ̆ Gat lòt tus hơ Dabit mơ đơs lah: “Guh tĕ mơ bơt dô nơm cơnòng duh khoai Yàng Jehôwa in tòm làn jă kòi Arauna dê, cau Jebusit.”

II Samuel 24:20

Tòm tŭ Arauna sền, khai gŏ cau bơtau mơ ală cau duh broă bơtau lòt tus, gen khai lik lòt mơ cùn khoai blup mat tòm ù di đap cau bơtau.

I Yal Yau 21:19

Behơ̆ Dabit guh jat be jơnau Gat neh nting sồr, hơ̆ la jơnau khai neh đơs ai sơnđan Yàng Jehôwa.

II Yal Yau 20:20

Bol khai guh gòñ bơh rìng àng, mơ lik lòt hơ ƀlàng ngềt ngơt Tekôa; mơ tòm tŭ bol khai lik lòt, Jehôsaphat ñă ntào mơ đơs lah: “Dan iat añ, ơ Juda mơ làng bol Jerusalem! Dòn tĕ di Jehôwa la Yàng Tom Trồ bol mê dê, gen bol mê rơp geh ntào kơ̆; dòn tĕ ală cau gơnoar hwơr Kơnràñ dê.”

II Yal Yau 36:16

Mơya bol khai ñŏ tơnhial di ală cau kong sồr Kơnràñ dê, sền òsơp di ală jơnau Kơnràñ dê, mơ bơtat bơtròh ală cau gơnoar hwơr Kơnràñ dê, tian gơs bơta gơjrañ dờng Yàng Jehôwa dê gơhào khuh dờng ngan tòmdră mơ làng bol Kơnràñ dê mơ ò gơs gùng lơi rgơi dong.

Nehemi 9:26

Bulah behơ̆, bol khai ò dòn bơr, sòdră di Kơnràñ, sang lòi bơta boh lam Kơnràñ dê, tơnchơt ală cau gơnoar hwơr Kơnràñ dê, la ală cau neh yal tơnggit bol khai in, nàng lam bol khai rê wơl hơ Kơnràñ. Bol khai neh lơh oă bơta tràl sơrbil.

Hebrơ 11:8

Bơh bơta dòn Abraham, tòm tŭ geh hòi sac, khai dòn bơr mơ lik lòt tus hơ tiah khai rơp dòp lơh gơs sre brê; khai lik lòt mơ ò git ntềng đah khai lòt.