II Samuel 24:15 - Sră Goh 2018

¹⁵ Behơ̆, Yàng Jehôwa đùh bơta pluh plàng hơđang Israel bơh àng drim ngai hơ̆ jơl tus di tŭ lồi dut tơngai neh lơh nền, mơ poh jơt rbô nă cau chơt bơh Dan tus hơ Beerseba.

II Samuel 24:15 ပူးပေါင်းရင်းမြစ်များ

II Samuel 24:2

Behơ̆ bơtau đơs mơ Jôap mơ ală cau kwang at bồ mpồl ling ơm bal mơ khai lah: “Lòt tĕ làm jơh ală jơi bơtiàn Israel, bơh Dan tus Beerseba, mơ kòp khà làng bol, nàng añ in git gơs nđò.”

I Yal Yau 21:14

Behơ̆ Yàng Jehôwa đùh bơta pluh plàng hơđang Israel, mơ poh jơt rbô nă cau klau Israel gơpừ chơt.

I Yal Yau 27:24

Jôap kòn klau Jeruya rơp sơntòm kòp khà ală cau klau mơya òhềt kòp sir. Bơta gơjrañ dờng neh tus hơđang Israel tài bơh bơta kòp khà do, mơ ntum khà neh ò cih tòm sră yal broă kòp nam bơtau Dabit dê.

I Yal Yau 27:4

Cau kwang at bồ mpồl ling kơnhai bàr la Dôdai cau Ahô; Miklôt la cau at bồ mpồl khai dê. Gơs bàr jơt poan rbô cau tòm mpồl khai dê.

Esai 37:36

Gen cau gơnrơh Yàng Jehôwa dê mut tòm sàl ling cau Asiri dê mơ tơnchơt dô rhiang phàm jơt pram rbô nă cau. Tòm tŭ rìng àng drim gŏ bol khai neh chơt jơh.

Habakuk 3:2

Khoai Yàng Jehôwa! Añ neh kơno bơh bơta tiơng pơnro Kơnràñ dê; Ơ Yàng, añ rngòt rngơt ngan bơh ală broă lơh Kơnràñ dê. Dan lơh pa wơl ală broă hơ̆ tòm rài bol hi dê, Dan yal cau in git gơtòm tŭ tơngai bol hi dê; Tòm tŭ Kơnràñ gơjrañ dờng, dan kah wơl bơta nđàc sơngit!

Khà Làng Bol 25:9

Mơya ntum khà cau neh chơt tòm bơta pluh plàng hơ̆ la bàr jơt poan rbô nă.

Mathiơ 24:7

Bơh làng bol do rơp bơtào tòmsò mơ làng bol ne, lơgar do tòmlơh mơ lơgar ndai. Oă tiah rơp gơs jơgloh rung mơ tơrlơm ù.

Yal Tơlik 6:8

Mơ añ gŏ, ne, gơs dô nơm ơseh pàl pàl. Cau hào ơseh hơ̆ sơnđan la Bơta chơt, mơ Lơgar Làng ƀồc jat bơh tơnơ̆ khai. Neh ai bol khai in geh gơnoar tơnchơt dô pơnah poan tòm plai ù, la tơnchơt mơ đào, mơ jơgloh rung, mơ pluh plàng mơ ală phan poan jơng jàñ bơsak tòm plai ù.

I Samuel 6:19

Kòn sau Jekônia dê ò hòn chò bal mơ làng bol tòm Bet Semes, tòm tŭ bol khai wă rò Đài Yàng Jehôwa dê, mơ Kơnràñ tơnchơt poh jơt nă cau klau tòm bol khai, tài bơh bol khai neh sền tòm dơlam Đài Yàng Jehôwa dê. Làng bol ñìm rac tài bơh bơta lơh glài kơnjơ̆ Yàng Jehôwa dê gơwèt mơ bol khai.