II Samuel 24:13 - Sră Goh 2018

¹³ Behơ̆ Gat neh lòt tus hơ Dabit mơ đơs mơ khai lah: “Rơp gơlik gơs hơđang bơtau poh nam jơgloh rung tòm lơgar, hala pe kơnhai bơtau pal ntoat dô di đap cau sò tơm ting jat, hala pe ngai pluh plàng tòm lơgar bơtau dê. Behơ̆ tŭ do kơlôi sơnơng tĕ mơ lơh nền bơta añ pal ho wơl mơ Bơtau neh sồr añ lòt tus.”

II Samuel 24:13 ပူးပေါင်းရင်းမြစ်များ

II Samuel 21:1

Tŭ hơ̆ gơs dô bơta jơgloh rung tòm pe sơnam tòm rài Dabit dê, bơh nam do tus nam ne; mơ Dabit hòi lùp Yàng Jehôwa. Yàng Jehôwa đơs lah: “Hơ̆ la bơh glài lơh gơtuh mhàm Sol mơ hìu nhă khai dê, tài bơh khai neh tơnchơt cau Gabaôn.”

II Samuel 24:12

“Lòt tĕ mơ đơs mơ Dabit lah: ‘Yàng Jehôwa đơs be do: “Añ ai mê in pe bơta nàng sac rwah. Sac tĕ dô bơta mơ Añ rơp ngui nàng lơh glài mê.”’”

II Ală Bơtau 8:1

Tŭ hơ̆ Elise đơs mơ cau ùr, la mè kòn klau mơ khai neh hòi kis wơl lah: “Ñă tĕ, lòt bal mơ hìu nhă ai, ơm tiah lơi ai rgơi ơm, bơh Yàng Jehôwa neh hòi bơta jơgloh rung tus tòm lơgar tòm poh nam.”

I Yal Yau 21:12

pe nam jơgloh rung, hala pe kơnhai phà tơnroh bơh ală cau sò tơm mê dê, tòm tŭ cau sò tơm at đào ting bàn mê, hala pe ngai kong đào Yàng Tom Trồ dê, hơ̆ la kòp jê pluh plàng tòm lơgar, gơs cau gơnrơh Yàng Jehôwa dê tơnroh làm bă tiah tòm Israel.’ Behơ̆ tŭ do, lơh nền tĕ bơta ho wơl nàng añ ho wơl mơ bơtau neh sồr añ.”

Đơs Crih 91:6

hala ò rngòt di pluh plàng gơtòp tòm klam jơngo, kung ò rngòt di bơta chơt roh tòm tŭ gùl ngai.

Lik Ejiptơ 7:25

Dô poh neh rlau tơnơ̆ mơ tŭ Yàng Jehôwa pòng hiòng dà Nil.

Ejekiel 14:13

“Ơ kòn mơnus, dilah dô nơm lơgar tìs glài mơ Añ tài bơh ò dòn song, mơ Añ pò tê tòmdră mơ gơ, pơndut phan sa gơ dê, dùh bơta jơgloh rung hơđang gơ, mơ tơnroh ală kòn mơnus bal mơ ală phan poan jơng,

Lebi 26:20

Bơta pràn kơldang bol mê dê gơlik gơs ò kwơ tài bơh ù tiah rơp ò gơlik cồng nha gơ dê, ală chi tòm lơgar kung ò gơlik plai gơ dê.

Lebi 26:25

Mơ Añ rơp cèng đào tus hơđang bol mê nàng sal tê bơh bơta bol mê gơltac bơta ho bal. Tòm tŭ bol mê ruc wơl tòm ală ƀòn dờng bol mê dê, Añ rơp đùh bơta kòp jê pluh plàng digùl bol mê, mơ bol mê rơp kong jào phi tòm tê ală cau sò tơm bol mê dê.

Luka 4:25

Añ đơs song mơ bol mê, tòm rài Eli tòm trồ gơkòl til kơ̆ tòm pe nam prau kơnhai, jơh lơgar gơs jơgloh rung dờng; tŭ hơ̆ tòm Israel gơs oă cau ùr bơnrau,

Yal Wơl 28:22

Yàng Jehôwa rơp đùh bơta kòp jê chơt roh hơđang bol mê, kòp bơsiă reh jòr mơ kòp pŭ, bơta kòp prơm mơ chơt pluh, gơs bơta jơgloh rung mơ bơta prang duh trơàl, ro rañ mơ dà tŭ but bơsềt, ală bơta hơ̆ rơp ting jat bol mê jơl tus di tŭ bol mê roh rui.

Yal Wơl 28:25

Yàng Jehôwa rơp lòi bol mê kong alah di đap ală cau sò tơm bol mê dê. Bol mê rơp bơh dô đah brồ lơh bol khai mơya rơp ntoat dô tòm poh đah, mơ bol mê rơp gơlik gơs dô nơm phan cù kìr di đap jơh ală lơgar hơđang ù.

Yal Wơl 28:27

Yàng Jehôwa rơp tơndùh hơđang bol mê bơta kòp jê toh kiat lơgar Ejiptơ dê bal mơ kòp as kràng lơu, toh mồr, kùh mơ bol mê ò rgơi geh sơmbòi.

Yal Wơl 28:35

Yàng Jehôwa rơp ngui toh kiat jê sồt ngan gơlơh bòl glar di gơltang mơ jơng bol mê mơ bol mê ò geh sơmbòi, gơ rơp sa rì bơh di kơndòl jơng bol mê dê tus hơ cồng bồ bol mê dê.

Yal Wơl 28:52

Bol khai rơp gòm gơrwàng gùt dar jơh ală ƀòn dờng tòm làm jơh lơgar bol mê dê jơl tus di tŭ ală dơrñang jơnhoa kơ̆ cê mơ bol mê dòn kơnòm rơp tơrlah jơh.

I Samuel 25:17

Behơ̆ tŭ do git tĕ bơta hơ̆ mơ sền sơwì ñchi mò pal lơh, bơh bơta iơh neh geh lơh nền tòmdră mơ cau tòm he dê mơ jơh hìu nhă khai dê. Khai ngan la dô nă cau gơs nùs nhơm iơh, ò gơs dô nă cau lơi rgơi đơs mơ khai.”