II Samuel 23:16 - Sră Goh 2018

¹⁶ Behơ̆ pe nă cau ling jak tòmlơh hơ̆ lòt gan di mpồl ling Philistin, ƀơ̆ dà tòm tơrlung di gah mpồng ƀòn Betlehem mơ cèng brê Dabit in. Khai ò bài hùc mơya rsìh dà hơ̆ di đap Yàng Jehôwa,

II Samuel 23:16 ပူးပေါင်းရင်းမြစ်များ

Sơnròp Gơlik Gơs 35:14

Khai bơtào dô nơm jrong lŭ di tiah mơ Yàng Tom Trồ neh đơs mơ khai, khai ơn phan pơdơng ñô mơ tuh mơñà hơđang gơ.

II Samuel 23:9

Tơnơ̆ mơ khai gen gơs Eleajar kòn klau Dôdô, sau Ahôhi. Khai neh ơm bal mơ Dabit tòm tŭ bol khai pơrlòng ală cau Philistin la cau neh pơjum bal tềng hơ̆ nàng tòmlơh. Ală cau Israel ruc wơl,

I Yal Yau 11:18

Behơ̆ pe nă cau hơ̆ lòt gan sàl mpồl ling cau Philistin dê, bơ̆ dà bơh di tơrlung rềp di mpồng Betlehem mơ cèng brê Dabit in. Mơya Dabit ò bài hùc dà hơ̆, khai tuh dà hơ̆ di đap Yàng Jehôwa mơ đơs lah:

Cau Bơto 4:12

Dilah cau ơm is mìng dô nă kong cau ndai sòdră, bàr nă rơp ntào tòmdră mơ khai; dô nơm che wac pe dang kalke gơltac gơ.

Ñìm Rac 2:19

Guh tĕ driau nggà tòm trồ mang, tòm tŭ rơp sơntòm kơp gàr; Tuh tơlik nùs ai kung be dà di đap mat Yàng Jehôwa. Pò tĕ tê ai hơ Kơnràñ bơh bơta kis ală kòn dềt ai dê, bol khai bòl glar òsô tài bơh jơgloh tòm kòp nơm bồ gùng.

Khà Làng Bol 28:7

Phan ơn pơdơng pơnjat bal la dô pơnah poan hin phan hùc gơs kañ bal mơ kòp nơm belàt. Tuh tĕ phan ơn pơdơng duh khoai Yàng Jehôwa in tòm Tiah Sàng Goh.

Broă 20:24

Mơya añ ò kòp bơta kis añ la kwơ, mìng kòñ lơh sir bơta ntoat pơrlòng añ jê mơ gơnoar broă añ neh dòp leng bơh di Yàng Jesu, nàng lơh cơng bơh Jơnau Niam bơta nđàc Yàng Tom Trồ dê.

Rôma 5:7

Mơ tai, ò hoan gơs cau kong chơt ala cau song ring in, digơlan gơs cau ƀà khin chơt ala cau lơbơn niam in.

II Kôrintô 5:14

Bơh bơta kòñ gơboh Bơtau Krist dê lơh rngoh rngac bol hi, bơh bol hi kơlôi lah dilah gơs dô nă Cau neh chơt bơh tơl nă cau, gen tơl nă cau neh chơt sơl.

Philip 2:17

Bulah añ pal kong tuh tơlik be phan pơdơng ñô rsìh hơđang phan ơn duh khoai mơ phan ơn bơta dòn ală oh mi dê, gen añ kung hừh nùs mơ hòn chò bal mơ jơh ală oh mi sơl.

I Samuel 19:5

Khai neh phi bơta kis khai dê tòm tŭ khai tơnchơt Gôliat. Yàng Jehôwa neh ai Israel in bơta pha lin rlau dờng ngan, bèp neh gŏ bơta hơ̆ mơ hòn chò. Behơ̆, ñchi bơh tài bèp lơh tìs kòñ tơnchơt dô nă cau ò gơs glài la Dabit taih?”

I Samuel 7:6

Behơ̆ bol khai neh pơjum bal tòm Mispa, mơ bơ̆ dà mơ tuh gơ di đap Yàng Jehôwa. Bol khai ơt sa tòm ngai hơ̆, mơ đơs lah: “Bol hi neh tìs glài tòmdră mơ Yàng Jehôwa.” Mơ Samuel la cau cahrña Israel tòm Mispa.