II Samuel 23:10 - Sră Goh 2018

¹⁰ mơya khai ơm kơ̆ di tiah khai dê mơ tòmlơh pha mơ cau Philistin jơl tus di tŭ mpàng tê khai lơgah mơ gơlik gơlte, gơđềt bal mơ ngkơr đào khai dê. Tòm ngai hơ̆, Yàng Jehôwa ai cau Israel in geh pha lin dờng ngan. Mpồl ling rê wơl mơ Eleajar, mơya mìng ai phan bơh di cau neh chơt lơm.

II Samuel 23:10 ပူးပေါင်းရင်းမြစ်များ

II Samuel 23:12

Mơya Samma ntào kơ̆ digùl sre. Khai dong tò gơ mơ tơnchơt cau Philistin, mơ Yàng Jehôwa ai cau Israel in geh pha lin rlau dờng ngan.

II Ală Bơtau 5:1

Naaman, kwang dờng at bồ mpồl ling bơtau Aram dê, la dô nă cau gơs gơnoar mơ geh dờng ryŭ di dap cau tòm khai, bơh khai Yàng Jehôwa cèng bơta pha lin cau Aram in. Bulah cau do la dô nă cau ling jak mơ pràn kơldang, gơkòl jê sồt bơh kòp dun.

I Yal Yau 11:13

Khai neh ơm bal mơ Dabit tòm Pas Dammim tòm tŭ ală cau Philistin pơjum bal nàng tòmlơh. Tòm dô bă tiah gơs ƀlàng sre bềng kòi mi, mpồl ling ntoat dô bơh di cau Philistin.

Đơs Crih 108:13

Kơnòm dê Yàng Tom Trồ bol hi rơp tòmlơh dô bă khin cha, Bơh să tòm Kơnràñ rơp jă ală cau sò tơm di bol hi.

Đơs Crih 144:10

Yàng ai bơta pha lin rlau ală cau bơtau in, Yàng dong klàs Dabit la cau duh broă Kơnràñ dê.

Đơs Crih 68:12

Bol khai yal lah: “Ală cau bơtau at bồ ală mpồl ling ntoat dô, bol khai ntoat dô!” Ai ală cau ùr ơm tòm hìu tòmpà phan neh tòmpìt geh.

Esai 53:12

Gen tàng Añ rơp ai Kơnràñ in dô pơnah bal mơ ală cau dờng ryŭ, Kơnràñ rơp tòmpà ală phan tòmpìt geh bal mơ ală cau pràn kơldang, tài bơh Kơnràñ neh tuh bơta kis Kơnràñ dê jơl chơt, mơ neh kong kòp bal mơ cau tìs glài. Bơh Kơnràñ neh àñ tồi glài oă cau in, mơ hòi dan ala ală cau tìs glài in.

Rôma 15:18

Bơh añ ò khin đơs bơh ală bơta ndai rlau mơ bơta Bơtau Krist kơnòm di añ lơh gơs nàng tề lam làng bol bơdìh tus hơ bơta dòn bơr, bơh jơnau đơs mơ broă lơh,

II Kôrintô 4:5

Mơ tai, bol hi ò bơto yal bơh să tòm he dê, mơya bơto yal bơh Jesu Krist la Yàng, mơ să tòm bol hi tài bơh Yàng Jesu mơ lơh gơs dĭ gơna oh mi in.

Jôsue 10:10

Yàng Jehôwa lơh bol hơ̆ in gơnsràng rngòt mơ kong alah di đap Israel. Cau Israel geh pha dờng ngan tòm Gabaôn mơ ting jat bol hơ̆ tòm gùng kơh Bet Hôrôn mơ tơnchơt bol khai rò gùng jơl tus di Ajekah mơ Makedah.

Jôsue 10:42

Jôsue tòmlơh pha rlau mơ jơh ală cau bơtau do mơ tòmpìt ai jơh ală lơgar bol khai dê tòm dô dơ̆ lòt tòmlơh, tài bơh Jehôwa Yàng Tom Trồ Israel dê neh tòmlơh Israel in.

Jôsue 11:8

Mơ Yàng Jehôwa jào phi bol khai tòm tê Israel. Israel lơh bol hơ̆ mơ ting jat bol khai tus di lồi gùng lòt hơ Sidôn Dờng, mơ Misrephôt Maim, mơ hơ thòng Mispa tòm đah mattơngai lik, bol khai tơnchơt jơh ò lòi dô nă lơi gam kis.

Ală Kwang Cahrña 15:14

Tòm tŭ khai neh tus rềp di Lehi, gen làng bol Philistin driau dờng mơ ràn tus hơ khai. Hwềng Yàng Jehôwa dê tus hơđang khai pràn ngan. Ală che cap di tê khai gơlik kung be jrềng ồs sa, che cap gơrung jơh bơh di tê khai.

Ală Kwang Cahrña 15:18

Tơnơ̆ hơ̆ Samsôn tơhìr dà oă ngan, gen khai rac dan mơ Yàng Jehôwa mơ đơs lah: “Yàng neh ai cau dĭ gơna Kơnràñ in bơta pha lin dờng do, mơ tŭ do añ pal kong chơt tơhìr mơ dùh tòm tê ală cau ò kong siat gơltau sơl ơ?”

I Samuel 11:13

Mơya Sol đơs lah: “Ò gơs cau lơi rơp kong tơnchơt tòm ngai do, bơh la ngai mơ Yàng Jehôwa neh dong tă Israel.”

I Samuel 14:23

Behơ̆ Yàng Jehôwa dong tă Israel tòm ngai hơ̆; mơ bơta tòmlơh gơ lòt gan rlau Bet Aben, mơ mpồl ling Sol dê jơh ală pơgap jơt rbô nă. Bơta tòmlơh làm tus hơ tiah kơh mơnơm Epraim dê.

I Samuel 14:6

Jônathan đơs mơ cau ling àñ phan tòmlơh khai dê lah: “Tus tĕ, bol he lòt hơ tiah ơm kơp gàr ală cau ò siat gơltau hơ̆ dê mơ lòi bol khai sền gŏ he. Digơlan Yàng Jehôwa rơp lơh broă ala bol he in. Ò gơs bơta lơi rgơi kơryan Yàng Jehôwa tòm bơta dong tă, bơh oă cau hala bơh dô êt cau.”

I Samuel 17:53

Cau Israel rê wơl bơh ting jat cau Philistin gen bol khai phà tòmpìt sàl bol hơ̆ dê.

I Samuel 19:5

Khai neh phi bơta kis khai dê tòm tŭ khai tơnchơt Gôliat. Yàng Jehôwa neh ai Israel in bơta pha lin rlau dờng ngan, bèp neh gŏ bơta hơ̆ mơ hòn chò. Behơ̆, ñchi bơh tài bèp lơh tìs kòñ tơnchơt dô nă cau ò gơs glài la Dabit taih?”