II Samuel 22:51 - Sră Goh 2018

⁵¹ Kơnràñ la theng bơta dong klàs bơtau Kơnràñ dê, Kơnràñ yal tơlik bơta kòñ gơboh kơ̆ dơn cau geh bong mơñà Kơnràñ in, hơ̆ la ai Dabit mơ jơi bơtiàn khai in jơl tus sùm sùm.”

II Samuel 22:51 ပူးပေါင်းရင်းမြစ်များ

II Samuel 22:2

Khai đơs lah: “Yàng Jehôwa la pơnai lŭ añ jê, la theng kìng crŭ añ jê, mơ la Bơtau dong klàs añ jê;

II Samuel 23:1

Do la ală jơnau đơs lồi dut Dabit dê: “Jơnau đơs Dabit dê, kòn klau Jese, hơ̆ la jơnau đơs cau geh Yàng Tom Trồ yò tơngguh, cau geh bong mơñà bơh Yàng Tom Trồ Jakôp dê, cau jak đơs chò Israel dê.

II Samuel 7:16

Hìu mê mơ lơgar bơtau mê dê rơp geh bơtào kơ̆ nền gam sùm sùm di đap mê; sơbàn mê rơp geh bơtào kơ̆ gam sùm sùm.’”

Đơs Crih 144:10

Yàng ai bơta pha lin rlau ală cau bơtau in, Yàng dong klàs Dabit la cau duh broă Kơnràñ dê.

Đơs Crih 18:50

Yàng Jehôwa ai bơtau Kơnràñ in bơta pha lin rlau dờng ngan, Mơ ai bơta kòñ gơboh kơ̆ dơn bơtau geh bong mơñà Kơnràñ dê, Hơ̆ la ai Dabit in, mơ jơi bơtiàn khai in jơl tus sùm sùm.

Đơs Crih 21:1

Ơ Yàng Jehôwa, tòm bơta pràn Kơnràñ dê bơtau hòn chò, Tòm bơta dong kòl Kơnràñ dê khai hòn chò hừh hơh.

Đơs Crih 3:3

Mơya, ơ Yàng Jehôwa, Kơnràñ la khèl cang kìng añ jê; Kơnràñ la bơta gơklŏ añ jê, mơ la Bơtau pò tơngguh bồ añ jê.

Đơs Crih 48:3

Digùl ală gơlang gơ dê Yàng Tom Trồ neh ràng tơlik să tòm Kơnràñ be dô bă tiah kìng crŭ kơ̆ cê.

Đơs Crih 89:20

Añ neh jòi bàn Dabit la cau duh broă Añ jê, Mơ neh bong khai in mơ mơñà sàng goh Añ jê,

Đơs Crih 89:24

Bơta dòn song mơ bơta kòñ gơboh kơ̆ dơn Añ jê rơp ơm bal mơ khai, Tòm sơnđan Añ jê gơnoar pràn khai dê rơp geh yò tơngguh hơđang.

Đơs Crih 89:26

Khai rơp hòi di Añ lah: ‘Yàng la Bèp Añ, La Yàng Tom Trồ Añ, mơ la pơnai lŭ bơta dong klàs Añ jê.’

Đơs Crih 89:29

Añ rơp bơtào jơi bơtiàn khai dê gam sùm sùm, Mơ sơbàn khai dê gam jŏ jòng be ală tap trồ.

Đơs Crih 89:36

Jơi bơtiàn khai dê rơp gam gơs sùm sùm, Mơ sơbàn khai dê rơp gam jŏ jòng di đap Añ be mattơngai.

Đơs Crih 91:2

Gen Añ rơp đơs mơ Yàng Jehôwa lah: “Kơnràñ la tiah kìng crŭ mơ la theng kơ̆ cê añ jê, Kung la Yàng Tom Trồ añ jê, añ dòn kơnòm di Kơnràñ.”

Jeremi 30:9

Mơya bol khai rơp duh broă Jehôwa Yàng Tom Trồ bol khai dê, Mơ Dabit bơtau bol khai dê, Mơ Añ rơp tơngguh bol khai in.’

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”