II Samuel 22:42 - Sră Goh 2018

⁴² Bol khai kơp gơn, mơya ò gơs cau lơi dong klàs bol khai, bol khai hòi dan mơ Yàng Jehôwa mơya Kơnràñ ò ho wơl bol khai in.

II Samuel 22:42 ပူးပေါင်းရင်းမြစ်များ

Sră Jop 27:9

Yàng Tom Trồ rơp iat jơnau bol khai hòi dan tòm tŭ tus bơta bòl glar hơđang bol khai sơl?

Jơnau Pơnđik 1:28

Gen bol khai rơp hòi rac mơ añ, mơya añ rơp ò ho wơl; Bol khai rơp jơh nùs jòi jat añ mơya ò bàn.

Esai 1:15

Tòm tŭ bol mê pò tê bol mê dê, Añ rơp cang kìng mat Añ bơh di bol mê. Bulah dilah bol mê hòi dan oă jơnau, Añ rơp ò iat. Tê bol mê dê bềng mhàm.

Esai 17:7

“Tòm ngai hơ̆, cau rơp rmê sền di Bơtau Crơng Gơs he, mơ wèt mat tơnggòr di Bơtau Sàng Goh Israel dê.

Esai 17:8

Bol khai rơp ò sền di ală cơnòng duh khoai, la broă lơh tê bol khai dê; bol khai ò rmê di ală jrong duh khoai rùp ràk Asera dê, mơ ală cơnòng chu kơlhô mơ ràs tê bol khai neh lơh gơs.

Ejekiel 20:3

“Ơ kòn mơnus, đơs tĕ mơ ală cau kwang kra Israel dê mơ yal tĕ bol khai in lah: Jehôwa Yàng Tom Trồ đơs lah: ‘Ñchi bơh tài bol mê neh lòt tus nàng hòi lùp Añ taih?’ Jehôwa Yàng Tom Trồ đơs lah: ‘Di ngan kung be Añ kis, Añ rơp ò lòi bol mê hòi lùp Añ.’

Mice 3:4

Gen bol khai rơp hòi mơ Yàng Jehôwa, mơya Kơnràñ rơp ò ho wơl bol khai in. Tŭ hơ̆ Kơnràñ rơp pồn mat Kơnràñ dê bơh bol khai, tài bơh bol khai neh lơh bơta iơh bơsak.

I Samuel 28:6

Khai hòi lùp Yàng Jehôwa, mơya Yàng Jehôwa ò ho wơl khai in bơh bơta mpau, hala bơh Urim, hala bơh ală cau gơnoar hwơr.