II Samuel 22:32 - Sră Goh 2018

³² Bơh ñcau la Yàng Tom Trồ rlau mơ Yàng Jehôwa taih? Mơ ñcau la Pơnai lŭ rlau mơ Yàng Tom Trồ bol he dê taih?

II Samuel 22:32 ပူးပေါင်းရင်းမြစ်များ

II Samuel 23:3

Yàng Tom Trồ Israel dê neh đơs, Pơnai Lŭ dờng Israel dê neh đơs mơ añ lah: ‘Tòm tŭ cau lơi at bồ làng bol dô bă song ring, hơ̆ la khai at bồ tòm bơta duh rngòt di Yàng Tom Trồ,

II Samuel 7:22

Gen tàng, Yàng la dờng ngan, ơ Jehôwa Yàng Tom Trồ, bơh ò gơs Yàng lơi ndròm be Yàng, mơ ò gơs Yàng Tom Trồ lơi rlau mơ mìng dô nă Yàng, jat be jơh ală bơta tồr bol hi neh kơno.

Esai 44:6

Yàng Jehôwa la cau Bơtau At Bồ mơ la Bơtau Dong Tơwài Israel dê, la Yàng Jehôwa Gơnap Gơnoar Dờng đơs be do: “Añ la Bơtau sơnròp mơ Añ la Bơtau lồi dut; rlau mơ Añ ò gơs Yàng Tom Trồ lơi.

Esai 44:8

Bañ rơm să, bañ rngòt. Añ ò di neh yal mơ mê bơh yau òr mơ yal tơnggit gơ ò ơ? Bol mê la cau lơh cơng Añ jê. Gơs Yàng Tom Trồ lơi ndai tai rlau mơ Añ sơl? Ò gơs pơnai lŭ lơi ndai; Añ git ò gơs dô nơm lơi ndai!”

Esai 45:21

Yal tơnggit tĕ, ràng tơlik tĕ gơ, lòi bol khai tòmbơyai bal. Ñcau neh yal bơta do bơh lài òr taih? Ñcau neh yal tơnggit gơ bơh tŭ neh jŏ jòng taih? Ò di Añ, la Yàng Jehôwa ò ơ? Rlau mơ Añ ò gơs Yàng Tom Trồ lơi ndai tai! Ò gơs Yàng Tom Trồ song ring mơ Yàng Dong Klàs; rlau mơ mìng dô nă Añ.

Jeremi 10:16

Ò di be Yàng Jehôwa la pơnah sre brê Jakôp dê, Tài bơh Kơnràñ neh crơng gơs jơh ală phan, mơ Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Gơnap Gơnoar.”

Yal Wơl 32:31

Bơh Pơnai Lŭ bol khai dê ò di be Pơnai Lŭ bol he dê, ală cau sò tơm bol he dê la bơrngơl gơla.

Yal Wơl 32:39

Sền tĕ tŭ do, Añ la Bơtau hơ̆! Ò gơs yàng lơi ndai rlau mơ Añ. Añ tơnchơt mơ lơh kis wơl, Añ lơh sồt jê mơ rơp sơmbòi wơl; ò gơs cau lơi rgơi dong tă bơh di tê Añ.

Yal Wơl 4:35

Ală bơta hơ̆ neh ràng tơlik bol mê in sền gŏ tồ bol mê rgơi git lah Jehôwa la Yàng Tom Trồ; rlau mơ Kơnràñ ò gơs yàng lơi ndai.

I Samuel 2:2

Ò gơs cau lơi sàng goh be Yàng Jehôwa, ò gơs cau lơi rlau mơ Kơnràñ; ò gơs Pơnai Lŭ lơi ndròm be Yàng Tom Trồ bol he dê.