II Samuel 22:28 - Sră Goh 2018

²⁸ Kơnràñ dong tă cau pơndêt să; mơya mat Yàng sền đal ală cau pơnhừ să nàng tơmù bol khai.

II Samuel 22:28 ပူးပေါင်းရင်းမြစ်များ

Đơs Crih 12:5

Yàng Jehôwa đơs lah: “Tŭ do Añ rơp guh, Tài bơh cau rƀah gơkòl rồn bơklơn, mơ cau siơ̆u siar pơt wòl; Añ rơp ơn khai tòm tiah ring lơngai, la tiah khai kơp kòñ.”

Đơs Crih 131:1

Ơ Yàng Jehôwa, nùs añ ò yò tơngguh, Mat añ ò tơnggòr jơnhoa ir, Añ ò jòi să tòm añ in ală broă dờng ir, hala ală broă krơi is ir añ in.

Đơs Crih 138:6

Bulah Yàng Jehôwa ơm hơđang jòng, Mơya kung wèt sền ală cau ò diă ò diơng; Ai cau pơnhừ să gen Kơnràñ đal git bol khai bơh ngài.

Đơs Crih 140:12

Añ git lah Yàng Jehôwa dong tò cau siơ̆u siar, Mơ cahrña song ring cau rƀah in.

Lik Ejiptơ 10:3

Gen Arôn mơ Môise lòt tus hơ Pharaôn mơ đơs lah: “Yàng Jehôwa la Yàng Tom Trồ làng bol Hebrơ dê neh đơs be do: ‘Mê ò tơnliah să di đap Añ jơl tus di tŭ lơi taih? Lòi tĕ làng bol Añ jê lik lòt nàng bol khai duh khoai Añ.

Lik Ejiptơ 18:11

Tŭ do añ git lah Yàng Jehôwa la dờng rlau mơ jơh ală yàng ndai, bơh Kơnràñ neh lơh bơta hơ̆ ală cau neh pơnhừ să gơwèt mơ Israel”.

Jơnau Pơnđik 21:4

Muh mat pơnhừ, nùs jòng să, mơ ồs đèng cau iơh dê la tồi glài.

Esai 2:17

Bơta pơnhừ să kòn mơnus dê rơp kong tơmù, mơ bơta jòng să ală cau dê rơp kong tơnliah; lòi mìng Yàng Jehôwa lơm rơp geh yò tơngguh tòm ngai hơ̆.

Esai 37:23

Mê neh lah sơrpah mơ đơs tràl sơrbil di ñcau taih? Mê neh dờng bơr tòmdră mơ pò mat jòng să mơ ñcau taih? Hơ̆ la tòmdră mơ Bơtau Sàng Goh Israel dê?

Esai 5:15

Behơ̆ kòn mơnus rơp kong tơmù; jơh tơl nă rơp kong tơnliah, gar mat cau pơnhừ să rơp kong tơmù.

Esai 63:9

Tòm jơh ală bơta bòl glar bol khai dê, ò gơs cau kong sồr hala cau gơnrơh, mơya bơta gơs mat Kơnràñ dê neh dong klàs bol khai. Tòm bơta kòñ gơboh mơ kòñ nđàc Kơnràñ dê, Kơnràñ neh dong tơwài bol khai; Kơnràñ neh yò tơngguh bol khai mơ kơnđơt kơnđu bol khai tòm jơh ală ngai yau òr.

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Mathiơ 5:3

“Lơngai ală cau gơs nùs rƀah bòl glar in, bơh lơgar đang trồ la bal mơ ală cau hơ̆!

Luka 14:11

Bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”