II Samuel 22:14 - Sră Goh 2018

¹⁴ Yàng Jehôwa lơh kơnàs ntơr bơh hơđang trồ; Bơtau Hơđang Rlau Jơh tơlik sap đơs Kơnràñ dê.

II Samuel 22:14 ပူးပေါင်းရင်းမြစ်များ

Sră Jop 40:9

Tŭ hơ̆, Añ rơp jòng ro mê Lah tê ma mê cèng bơta pha lin mê in.

Lik Ejiptơ 19:6

mơya bol mê rơp gơlik gơs Añ in dô nơm lơgar cau gơnoar ơn phan duh khoai mơ dô nơm làng bol sàng goh.’ Hơ̆ la ală jơnau mê pal đơs mơ cau Israel.”

Esai 30:30

Yàng Jehôwa rơp lơh cau in kơno sap đơs ryŭ ryơm Kơnràñ dê, mơ rơp ai bol khai in sền gŏ tơwòr tê Kơnràñ dê tơndùh bơta gơjrañ dờng bal mơ ồs sa pơrguc, càl khồm druh, càl rbut dờng, mơ mìu piar.

Ejekiel 10:5

Ntas ală pơnđar ceruƀim dê geh kơno mpong tus di rơng hìu đah bơdìh, gơlơh kung be sap Yàng Tom Trồ Gơnap Gơnoar Dờng dê tòm tŭ Kơnràñ đơs.

Yal Tơlik 11:19

Chòp hìu duh khoai Yàng Tom Trồ ơm hơđang trồ geh pò tơlik, lòi cau in gŏ tòm hìu duh khoai hơ̆ gơs Đài Bơta Ho Bal Kơnràñ dê; gen gơs puhlèp, jơnau ntas dờng, ntơr kơnàs, lơnggơr ù mơ mìu piar dờng.

Ală Kwang Cahrña 5:20

Ală sơmañ bơh hơđang trồ neh tòmlơh bơh di ală gùng lòt bol gơ dê, bol gơtòmlơh mơ Sisera.

I Samuel 2:10

Ală cau tòmdră di Yàng Jehôwa rơp kong lề lac; bơh đang trồ Kơnràñ rơp tơndùh ntơr kơnàs hơđang bol khai. Yàng Jehôwa rơp cahrña ală tiah lồi dut plai ù dê; Kơnràñ rơp ai bơta pràn kơldang cau bơtau Kơnràñ in, mơ yò tơngguh gơnoar cau geh bong mơñà Kơnràñ dê.”

I Samuel 7:10

Tòm tŭ Samuel gam ơn phan ơn chu pơrguc hơ̆, gen cau Philistin tus rềp nàng brồ lơh Israel. Mơya Yàng Jehôwa lơh ntơr kơnàs nggồr dờng ngan tòm ngai hơ̆ tòmdră mơ cau Philistin, lơh bol khai in nsràng rngòt mơ bol khai ntoat dô bơh di đap Israel.