II Samuel 21:17 - Sră Goh 2018

¹⁷ Mơya Abisai, kòn klau Jeruyah, tus dong kòl Dabit; Abisai tòmlơh pha rlau mơ tơnchơt cau Philistin hơ̆. Gen ală cau duh broă Dabit dê srat să mơ khai mơ đơs lah: “Bơtau bañ gơs tŭ lơi lik lòt tòmlơh tai bal mơ bol hi, tồ ồs đèng Israel dê rơp ò kòl đơp chơt.”

II Samuel 21:17 ပူးပေါင်းရင်းမြစ်များ

II Samuel 14:7

Tŭ do jơh hìu nhă guh sòdră di cau duh broă bơtau dê; bol khai đơs lah: ‘Jào tĕ bol hi in cau neh tơnchơt oh khai tồ bol hi tơnchơt khai nàng sal tê oh khai in mơ khai neh tơnchơt; mơ bol hi kung tă gơnoar pơrdòn sre brê tai sơl.’ Bol khai kòñ tơnchơt dô nơm lơmpiat ồs gam wơl añ in, ò lòi wơl bau klau añ in sơnđan hala jơi bơtiàn lơi hơđang plai ù.”

II Samuel 18:2

Khai cah mpồl ling tòm pe mpồl: dô pơnah pe hơđơm gơnoar Jôap dê, dô pơnah pe hơđơm gơnoar Abisai oh Jôap dê, kòn klau Jeruyah dê, mơ dô pơnah pe hơđơm gơnoar Ittai cau Gat. Cau bơtau đơs mơ bol khai lah: “Să tòm añ kung rơp lik lòt bal mơ bol mê sơl.”

II Samuel 18:3

Mơya bol khai đơs lah: “Bơtau ò pal lik lòt; bơh dilah bol hi ntoat dô, bol khai rơp ò kơlôi dờng màng di bol hi; dilah nggùl tòm mpồl bol hi kong tơnchơt, bol khai kung ò sền dờng màng di bol hi. Mơya bơtau la kas màng kung be jơt rbô nă tòm bol hi. Gen tàng niam rlau bơtau ơm tòm ƀòn dờng, rcang nàng dong kòl bol hi.”

II Samuel 22:19

Bol khai brồ tus di añ tòm ngai rung rài añ jê, mơya Yàng Jehôwa dong kòl añ.

II Samuel 22:29

Ơ Yàng Jehôwa, ngan Kơnràñ la ồs đèng añ jê, Yàng Jehôwa pơnđàng sòl bơta klam jơngo añ jê.

I Ală Bơtau 11:36

Mơ Añ rơp lòi wơl kòn klau khai in dô jơi bơtiàn, behơ̆ dĭ gơna Añ la Dabit rgơi gam gơs sùm dô nơm ồs đèng di đap Añ tòm Jerusalem, la ƀòn dờng Añ neh sac rwah nàng ơn sơnđan Añ jê tềng hơ̆.

I Ală Bơtau 15:4

Bulah behơ̆, bơh Dabit gen Jehôwa Yàng Tom Trồ khai dê neh lòi khai in dô nơm ồs đèng tòm Jerusalem, bơtào kòn klau khai pơrdòn jat khai, mơ bơt bơtào kơ̆ Jerusalem;

Đơs Crih 132:17

Tềng hơ̆ Añ rơp lơh ngke Dabit dê gơhòn dờng; Añ neh rcang dô nơm ồs đèng cau geh bong mơñà Añ jê.

Đơs Crih 144:10

Yàng ai bơta pha lin rlau ală cau bơtau in, Yàng dong klàs Dabit la cau duh broă Kơnràñ dê.

Đơs Crih 46:1

Yàng Tom Trồ la tiah kìng crŭ mơ bơta pràn kơldang bol he dê; Kơnràñ gơs mat nàng dong kòl tòm bơta bòl glar.

Jeremi 40:15

Gen Jôhanan, kòn klau Kareah đơs òm mơ Gedalia tòm Mispa lah: “Dan ai añ in lòt, añ rơp tơnchơt Ismael, kòn klau Nethania, mơ ò gơs cau lơi git. Mbe rgơi lòi khai tă bơta kis ồng dê, mơ kòp nă cau Juda tơrgòm gùt dar ồng rơp nrah nring, mơ làng bol Juda gam wơl rơp chơt roh?”

Jang 5:35

Jang la be ồs đèng neh chu mơ pơnđàng, ai bol mê gen kòñ hòn chò ing tòm bơta àng khai dê.