II Samuel 20:9 - Sră Goh 2018

⁹ Jôap đơs mơ Amasa lah: “Ơ bi añ jê, bi niam să sơl?” Lồc behơ̆ Jôap pò tê ma at di sơnò tềp Amasa dê nàng cum khai.

II Samuel 20:9 ပူးပေါင်းရင်းမြစ်များ

II Samuel 15:5

Tòm tŭ gơs cau lơi tus rềp nàng cùn khoai khai, gen Apsalôm pò tê yò tơngguh khai mơ cum khai.

II Samuel 17:25

Apsalôm neh pồ bơtào Amasa lơh gơs kwang dờng at bồ mpồl ling ala Jôap. Mơ tai, Amasa la kòn klau dô nă cau Israel sơnđan la Itra, lài neh bau mơ Abigail la kòn ùr Nahas dê, bi ùr Jeruyah, mè Jôap dê.

II Samuel 18:29

Cau bơtau lùp lah: “Cau pơnu Apsalôm lơngap lơngai sơl?” Ahimas ho lah: “Tòm tŭ Jôap sồr cau duh broă bơtau dê, gen añ neh gŏ gơs bơta nggồr nggàc dờng ngan, mơya añ ò git hơ̆ la ñchi.”

II Samuel 3:27

Tòm tŭ Apner neh rê wơl hơ Hebrôn, Jôap cèng khai is dô đah tòm mpồng ƀòn dờng dê, khai lơh be kòñ đơs is mơ khai. Mơ tềng hơ̆ Jôap srơp khai di kơndul mơ tơnchơt tơn, nàng sal tê bơh mhàm Asael, oh Jôap dê.

I Ală Bơtau 2:32

Yàng Jehôwa rơp tơm wơl hơđang bồ khai mhàm khai neh lơh gơhòr, tài bơh bèp añ la Dabit ò git, khai neh brồ lơh mơ sreh tơnchơt bàr nă cau niam rlau mơ song ring rlau mơ khai, hơ̆ la Apner, kòn klau Ner dê, kwang dờng at bồ mpồl ling Israel dê, mơ Amasa kòn klau Jether, kwang dờng at bồ mpồl ling Juda dê.

Đơs Crih 55:21

Jơnau đơs khai dê ntiar rlau mơ dơngi dà toh, Mơya tòm nùs gơs bơta kơlìn gơtoă; Ală jơnau khai dê lơbơn rlau mơ mơñà, Mơya ngan la đào rlai.

Jơnau Pơnđik 26:23

Bơr sơndồi ngac ngar mơ nùs iơh bơsak, ò gơkrơi be gri mơ ù ƀềp màh priă bơcă.

Jơnau Pơnđik 27:6

Cau bơyô lơh jê sồt, hơ̆ bơh nùs dòn song; ai bơta cum ƀô cau gơjrañ mañ dê la ma blac.

Jeremi 41:2

Ismael kòn klau Nethania, bal mơ jơt nă cau lòt bal mơ khai ñă ntào ai đào srơp Gedalia kòn klau Ahikam sau Saphan, tơnchơt khai la cau mơ bơtau Babilôn pồ bơtào lơh kwang at bồ tòm lơgar.

Mice 7:2

Ală cau dòn song neh roh thit jơh bơh lơgar; ò gơs dô nă cau song ring lơi gam wơl. Bol khai jơh tơl nă kơp mòc nàng lơh gơhòr mhàm; kòp nă dang bơtơng kup cau ndai.

Ală Kwang Cahrña 3:15

Mơya tòm tŭ làng bol Israel rac dan mơ Yàng Jehôwa, gen Kơnràñ tơngguh bol khai in dô nă cau dong tă la Ehut, kòn klau Gera, cau Benjamin, mòng tê kiau. Làng bol Israel sồr khai cèng phan boh dia Eglôn bơtau Môap in.