II Samuel 20:7 - Sră Goh 2018

⁷ Behơ̆, mpồl ling Jôap, cau Keret mơ cau Phelet bal mơ jơh ală cau ling pràn kơldang lik lòt hơđơm gơnoar at bồ Abisai dê. Bol khai lik lòt bơh di Jerusalem nàng ting jat Seba, kòn klau Bikri.

II Samuel 20:7 ပူးပေါင်းရင်းမြစ်များ

II Samuel 15:18

Jơh ală cau kwang hơđơm bơtau lòt sơrlèt rlau mơ bơtau, gơs jơh ală cau Keret, cau Phelet mơ jơh dô mpồl prau rhiang nă cau Gat neh lòt jat bơtau bơh Gat; bol khai lòt sơrlèt di đap cau bơtau.

II Samuel 20:23

Tŭ hơ̆ Jôap at bồ jơh mpồl ling Israel dê; Benayah, kòn klau Jehôyada at bồ ală cau Keret mơ Phelet

II Samuel 8:16

Jôap kòn klau Jeruyah la kwang dờng at bồ mpồl ling; Jehôsaphat kòn klau Ahilut la kwang cih bơta yal yau lơgar dê;

II Samuel 8:18

Benayah kòn klau Jehôyada la kwang at bồ cau Kerethit mơ cau Phelethit; mơ ală kòn klau Dabit la kwang bơyai broă cau bơtau dê.

I Ală Bơtau 1:33

gen bơtau đơs mơ bol khai lah: “Cèng tĕ ală cau duh broă cau tòm bol mê dê lòt jat bal mơ bol mê, mơ yò Salômôn kòn klau añ hào hơđang alàng ơseh tòm añ jê, mơ jun khai mù tus hơ Gihôn.

I Ală Bơtau 1:38

Behơ̆, Jadôk cau gơnoar ơn phan duh khoai, Nathan cau gơnoar hwơr, Benayah kòn klau Jehôyada, ală cau Keret mơ cau Phelet gen lòt tus, yò Salômôn hào hơđang alàng bơtau Dabit dê, mơ lam khai tus hơ Gihôn.

I Ală Bơtau 1:44

Cau bơtau neh sồr Jadôk cau gơnoar ơn phan duh khoai, Nathan cau gơnoar hwơr, Benayah kòn klau Jehôyada, ală cau Keret bal mơ ală cau Phelet lòt jat khai, mơ bol khai neh yò Salômôn hào hơđang alàng bơtau dê.

I Samuel 30:14

Bol hi neh brồ lơh Negep tòm Keret ù tiah gơrê mơ cau Juda, mơ Negep Kalep dê; mơ bol hi neh chu Jiklak.”