II Samuel 20:19 - Sră Goh 2018

¹⁹ Bol hi la làng bol ơm ring lơngai mơ dòn song tòm Israel, ồng jòi nàng tơnroh dô nơm ƀòn dờng mơ la dô nă mè tòm Israel. Ñchi bơh tài ồng kòñ sa loan sre brê Yàng Jehôwa dê taih?”

II Samuel 20:19 ပူးပေါင်းရင်းမြစ်များ

Sơnròp Gơlik Gơs 18:23

Abraham lòt tus rềp mơ lùp lah: “Kơnràñ rơp tơnroh cau song ring bal mơ cau iơh bơsak sơl ơ?

II Samuel 14:16

Digơlan cau bơtau rơp iat mơ dong tă cau duh broă bơtau klàs bơh di tê cau kòñ tơnroh añ mơ kòn klau añ bơh di sre brê mơ Yàng Tom Trồ neh ai bol hi in.’

II Samuel 17:16

Behơ̆ tŭ do sồr mo dô nă cau kong sồr lòt yal mơ Dabit lah: ‘Bañ ơm mang đah ƀlàng ngềt ngơt dê; tiă tĕ đah ne bañ lơh òbat, rngòt bơtau mơ ală cau jat bơtau pal kòl sơbơng roh jơh.’”

II Samuel 20:18

Gen cau ùr đơs lah: “Cau yau òs đơs lah: ‘Lòt tĕ lùp cau tòm Abel’, mơ hơ̆ la broă bol khai neh lơh.

II Samuel 20:20

Jôap ho lah: “Ò, ò di behơ̆! Añ ò kòñ sa loan hala tơnroh!

II Samuel 21:3

Dabit lùp cau Gabaôn lah: “Ñchi bơta añ pal lơh bol mê in taih? Mbe añ kòñ lơh nàng tơwài glài nàng dan bol mê ai lơngai sre brê Yàng Jehôwa in taih?”

I Ală Bơtau 8:53

Ơ Jehôwa Yàng Tom Trồ! Bơh Yàng neh cah is bol khai bơh digùl ală làng bol hơđang ù, lơh gơs sre brê Yàng dê, jat be jơnau Yàng neh ho mơ Môise, la dĭ gơna Yàng, tòm tŭ Yàng cèng ồng pàng bol hi lik bơh lơgar Ejiptơ.”

Đơs Crih 106:5

Tồ añ in gŏ bơta bơtoah bơtoài cau sac rwah Kơnràñ dê, Hòn chò tòm bơta chò hòp làng bol Kơnràñ dê. Nàng añ jòng ro Yàng bal mơ sre brê Kơnràñ dê.

Đơs Crih 124:3

Gen bol khai neh sa loan ris bol he rau, Tòm tŭ bơta gơjrañ bol khai dê gơhào tòmdră mơ bol he;

Đơs Crih 33:12

Lơgar lơi gơs Yàng Jehôwa lơh gơs Yàng Tom Trồ he, Làng bol lơi geh Kơnràñ sac rwah lơh gơs phan jơtài Kơnràñ dê, gen geh lơngai ngan!

Đơs Crih 78:71

Kơnràñ cèng tơlik khai bơh di ală mpồl gam pô Nàng lơh gơs cau ê gàr Jakôp la làng bol Kơnràñ, Hơ̆ la Israel la sre brê Kơnràñ dê.

Jeremi 51:34

“Nebukatnessar, bơtau Babilôn, neh loan añ, Khai neh tơnlề añ; Khai neh lơh bol hi gơlik gri soh gòi; Khai neh loan bol hi be dô nơm bơs dờng; Khai lơh hòm kơndul khai mơ phan bơkah bol hi dê; Khai bơtrơh tơlik bol hi.”

Jeremi 51:44

Añ rơp lơh glài Bel tòm Babilôn, Rơp tă phan khai neh loan lik bơh bơr khai dê; Ală lơgar rơp ò ràn tus mơ khai tai. Dơrñang theng Babilôn kung rơp tơrlah tơrlơm!

Ñìm Rac 2:16

Jơh ală cau sò tơm ai dê ha bơr dờng tòmdră mơ ai, bol khai hwac, rkiat sề driau dờng lah: “Bol he neh sa loan khai! A, do la ngai bol he neh kơp gơn, lồi dut bol he neh sền gŏ gơ!”

Ñìm Rac 2:2

Yàng neh tơnroh ò nđàc sơngit, jơh ală tiah ơm Jakôp dê. Tòm bơta gơjrañ Kơnràñ dê, Kơnràñ neh lơh tơrlơm ală theng kơ̆ cê kòn ùr Juda dê; Kơnràñ neh tơmù tus di ù, tòm bơta ƀàssìl lơgar mơ ală kwang at bồ gơ dê.

Ñìm Rac 2:5

Yàng neh gơlik gơs be dô nă cau sò tơm, Kơnràñ neh tơnroh Israel; Kơnràñ neh tơnroh jơh ală gơlang bơtau gơ dê, lơh tơrlah tơrling ală theng kơ̆ cê; mơ bơtơl bơta ñìm rac, pơt wòl digùl kòn ùr Juda.

Khà Làng Bol 16:32

mơ ù ha bơr gơ mơ sa loan bol khai, bal mơ ală cau tòm hìu nhă bol khai dê mơ jơh ală cau jat Kôra bal mơ jơh ală phan mơna khai dê.

Khà Làng Bol 26:10

Ù tiah neh ha bơr gơ dê mơ sa loan bol khai bal mơ Kôra, ală cau jat Kôra kong chơt tòm tŭ ồs sa bàr rhiang pram jơt nă cau klau. Mơ bol khai lơh gơs dô nơm tềl bơto pơhìn.

I Kôrintô 15:54

Tòm tŭ să jan òs ồm lề do neh soh să jan ò ồm lề, mơ să jan òs chơt do neh soh să jan ò tŭ lơi chơt, gen rơp gơlik di ngan be jơnau neh cih lah: “Bơta chơt neh kòl bơta pha lin rlau sa loan.”

II Kôrintô 5:4

Bol he rac ròc mơ kơnjơ̆ kơnjut tòm tŭ gam ơm tòm hìu ing do, bơh bol he ò di kòñ hồ bơta do mơya kòñ soh bơta ne tai, nàng bơta lơi òs chơt gơkòl bơta kis sa loan.

Yal Wơl 20:10

Tòm tŭ bol mê lòt tus brồ lơh dô nơm ƀòn dờng, lài ngan ai tĕ làng bol hơ̆ gơs tŭ nàng bơtào bơta ho bal ring lơngai.

Yal Wơl 32:9

Bơh pơnah gơrê bal mơ Yàng Jehôwa la làng bol Kơnràñ dê. Jakôp la sre brê neh tă khà ai Kơnràñ in.

I Timôthe 2:2

ală cau bơtau in, mơ jơh ală cau gơnoar at bồ in, nàng bol he in geh kis dô bă ring lơngai mơ lơngap lơngai tòm bơta duh rngòt mơ dòn duh tòm jơh ală bơta.

Ală Kwang Cahrña 5:7

Ală ƀòn dềt tòm Israel gơkòl sang lòi, jơl tus di tŭ añ la Debôra ñă ntào, kung be dô nă cau mè tòm Israel.

I Samuel 10:1

Gen Samuel ai dô nơm gri mơñà mơ tuh hơđang bồ Sol, cum khai mơ đơs lah: “Yàng Jehôwa neh bong mơñà pồ bơtào mê lơh gơs cau at bồ làng bol Israel Kơnràñ dê! Mê rơp at bồ hơđang làng bol Yàng Jehôwa mơ mê rơp dong tă bol khai klàs bơh tê ală cau sò tơm gùt dar. Do la tềl sơnio mê in la Yàng Jehôwa neh bong mơñà mê in lơh gơs cau at bồ hơđang sre brê Kơnràñ dê.

I Samuel 26:19

Tŭ do, dan cau tòm añ jê la bơtau ơm iat ală jơnau cau duh broă bơtau dê. Dilah Yàng Jehôwa neh chồl bơtrut bơtau tòmdră mơ añ, gen dan Kơnràñ dòp dô nơm phan ơn. Mơya dilah hơ̆ la kòn mơnus neh lơh bơta hơ̆, dan bol khai kòl srat rma di đap Yàng Jehôwa! Bơh bol khai neh bơtrơh tơlik añ ngai do bơh di pơnah añ jê tòm sre brê Yàng Jehôwa dê. Bol khai đơs lah: ‘Lòt tĕ, duh broă ală yàng ndai.’