II Samuel 20:12 - Sră Goh 2018

¹² Amasa bic tòm mhàm khai dê digùl gùng; mơ cau ling hơ̆ gŏ jơh ală mpồl ling ơm dơh wơl tềng hơ̆. Tòm tŭ khai gŏ jơh tơl nă ơm dơh wơl tòm tŭ tus di ƀồc Amasa, gen khai hwài ƀồc Amasa bơh di gùng me tus tòm dô nơm ƀlàng sre mơ tơntơ̆ dô nơm ào jrùh hơđang ƀồc.

II Samuel 20:12 ပူးပေါင်းရင်းမြစ်များ

II Samuel 17:25

Apsalôm neh pồ bơtào Amasa lơh gơs kwang dờng at bồ mpồl ling ala Jôap. Mơ tai, Amasa la kòn klau dô nă cau Israel sơnđan la Itra, lài neh bau mơ Abigail la kòn ùr Nahas dê, bi ùr Jeruyah, mè Jôap dê.

II Samuel 2:23

Mơya Asael ò bài ơm wơl, mơ kư̆ ting jat Apner, gen Apner ai ngkơr đào khai dê srơp di kơndul Asael bluh tus di ngkòi. Asael gơpừ di tiah mơ chơt mo tềng hơ̆. Kòp nă cau ơm dơh wơl tòm tŭ tus di tiah Asael gơpừ chơt.

II Samuel 20:11

Dô nă cau tòm mpồl ling Jôap dê ntào rềp di gah Amasa đơs lah: “Ñcau kòñ jat Jôap mơ gơrê bal mơ Dabit gen jat tĕ Jôap!”

II Samuel 20:13

Tòm tŭ ƀồc Amasa neh tă bơh di gùng me rau, gen jơh ală ling lòt jat Jôap nàng ting jat Seba, kòn klau Bikri.

Đơs Crih 55:23

Mơya, ơ Yàng Tom Trồ, Yàng rơp tơmut bol khai tòm trồm bơta roh rui; Hơ̆ la cau kòñ lơh gơtuh mhàm mơ cau blac pơrlồm ò geh kis tus digùl ngai Yàng neh lơh nền bol khai in. Ai añ, añ rơp dòn kơnòm di Yàng.

Đơs Crih 9:16

Yàng Jehôwa neh yal tơlik să tòm Kơnràñ mơ lơh bơta cahrña; Cau iơh bơsak gơkòl kơt tòm broă tê he lơh. (Higaion. Selah)