II Samuel 19:7 - Sră Goh 2018

⁷ Behơ̆, tŭ do bơtau lik tĕ mo mơ đơs ală jơnau chồl nùs ală cau duh broă bơtau dê. Añ sơnio Yàng Jehôwa mơ srat să lah dilah bơtau ò tơlik mat, gen rơp ò gơs dô nă cau lơi gam ơm wơl mơ bơtau mang do; mơ bơta hơ̆ rơp la iơh rlau mơ jơh ală bơta rung rài neh gơlik tus hơđang bơtau bơh tŭ gam pơnu jơl tus di ngai do”

II Samuel 19:7 ပူးပေါင်းရင်းမြစ်များ

Sơnròp Gơlik Gơs 34:3

Nùs nhơm khai gơđềt mơ Dina, kòn ơruh Jakôp; khai kòñ gơboh di cau ơruh hơ̆, mơ ai jơnau niam đơs mơ khai.

II Samuel 19:6

Bơh bơtau kòñ gơboh di ală cau gơjrañ di bơtau, mơ gơjrañ di ală cau kòñ gơboh di bơtau. Bơtau yal tơlik loh làng lah ală cau kwang at bồ ling mơ ală cau bol khai dê la ò kwơ gơwèt mơ bơtau. Añ sền gŏ lah bơtau rơp niam nùs dilah Apsalôm gam kis tòm ngai do, mơ jơh tơl nă bol hi neh chơt jơh.

Jơnau Pơnđik 14:28

Làng bol oă ngan hơ̆ la bơta gơklŏ cau bơtau dê; Làng bol gơs dô êt, cau kwang kong ơlah.

Jơnau Pơnđik 19:15

Bơta alah lơh cau in bic lơhă; Cau òbat nyà rơp kong jơgloh tơhìr.

Esai 40:1

Yàng Tom Trồ bol mê dê đơs lah: “Pơndòm pơniang tĕ, pơndòm pơniang tĕ làng bol Añ jê.

Sră Ôse 2:14

Gen tàng tŭ do Añ rơp jà pơndòm khai, Añ rơp lam khai tus tòm ƀlàng ngềt ngơt, mơ ai jơnau bơkah lơngồt đơs mơ khai.