II Samuel 19:39 - Sră Goh 2018

³⁹ Behơ̆, jơh làng bol tiă hiòng Jordan, mơ bơtau tiă lòt tus hơ đah ne. Cau bơtau cum mơ ai lơngai Barjilai in, mơ Barjilai rê wơl hơ hìu khai dê.

II Samuel 19:39 ပူးပေါင်းရင်းမြစ်များ

Sơnròp Gơlik Gơs 14:19

Khai ai lơngai Abram in mơ đơs lah: “Dan Yàng Tom Trồ Hơđang Rlau Jơh, la Bơtau crơng gơs trồ mơ tiah, ai lơngai Abram in!

Sơnròp Gơlik Gơs 28:3

Dan Yàng Tom Trồ Gơnap Gơnoar Làm Jơh ai lơngai mê in, lơh mê in tơnggơs bơtơl oă mơ gơlik gơs dô mpồl làng bol dờng.

Sơnròp Gơlik Gơs 31:55

Laban guh bơh drim, cum ală sau mơ ală kòn ùr khai, mơ ai lơngai bol khai in gen rê wơl hơ hìu khai.

Sơnròp Gơlik Gơs 45:15

Khai kung cum ală bi khai mơ ñìm. Gen oh mi khai tòmbơhbơr mơ khai.

Sơnròp Gơlik Gơs 47:10

Jakôp ai lơngai Pharaôn in dô dơ̆ tai, lồc behơ̆ lik lòt bơh di đap khai.

Sơnròp Gơlik Gơs 47:7

Gen Jôsep lam Jakôp bèp khai dê tus tòm mat mơ Pharaôn. Jakôp ai lơngai Pharaôn in.

II Samuel 13:25

Bơtau ho lah: “Ò di, ơ kòn añ jê; jơh tơl nă bol hi ò tus; bol hi rơp lơh kơnjơ̆ rlau tai kòn in.” Bulah Apsalôm pơnđơl jà Dabit kung ò lòt, mơya ai lơngai Apsalôm in.

II Samuel 14:33

Behơ̆, Jôap lòt tus hơ cau bơtau mơ yal ală jơnau hơ̆. Gen bơtau hòi Apsalôm tus, khai tus tòm gơlang bơtau, tơmbic să blup mat tòm ù di đap bơtau. Mơ bơtau cum Apsalôm.

II Samuel 19:38

Bơtau đơs lah: “Kimham rơp tiă hiòng bal mơ añ, mơ añ rơp lơh khai in bơta lơi niam nùs mê dê. Mơ jơh ală bơta lơi mê kòñ bơh di añ gen añ rơp lơh mê in.”

II Samuel 6:18

Tơnơ̆ mơ tŭ Dabit neh sir ơn ală phan ơn chu pơrguc mơ ală phan ơn bơta ring lơngai gen khai ai lơngai làng bol in tòm sơnđan Yàng Jehôwa At Bồ Hơđang Rlau Jơh.

II Samuel 6:20

Gen Dabit rê wơl nàng ai lơngai hìu nhă khai in. Mơya Mikal kòn ùr Sol dê, lik rò khai mơ đơs lah: “Mbe lơi bơtau Israel dê lơh să tòm khai in geh màng ryŭ tòm ngai do, ơm să kuh di đap mat ală dĭ ùr cau duh broă khai dê, lơh kung be dô nă cau làng òs, ơm să kuh ò git ƀàssìl!”

I Ală Bơtau 19:20

Gen Elise sang kơnrồ khai dê, ntoat jat Eli mơ đơs lah: “Dan lòi añ rê cum mè bèp añ sir, gen añ rơp jat ồng.” Eli ho lah: “Lòt tĕ mơ rê wơl; bơh añ ò lơh ñchi lơi di mê.”

Khà Làng Bol 24:25

Lồc behơ̆, Balaam ñă ntào rê hìu mơ Balak lòt tòm gùng khai dê.

Luka 2:34

Gen Simeôn ai lơngai bol khai in, mơ đơs mơ Mari mè Kơnràñ lah: “Do, kòn do neh geh bơtào gơs nàng lơh oă cau tòm Israel in gơtup pừ hala tơngguh wơl, kung lơh dô nơm tềl gơkòl tòmdră wơl.

Broă 20:37

Jơh tơl nă bol hơ̆ ñìm oă ngan, koar di ngko Pol mơ cum tơngac khai.

I Tesalônika 5:26

Ai tĕ bơta còp să sàng goh mơ còp să jơh ală oh mi.

Rutơ 1:14

Behơ̆ bol khai ñìm tai. Orpa cum tơngac po me khai mơ lòt, mơya Rutơ kư̆ ơm bal mơ po me khai dê.

I Samuel 24:22

Dabit srat să tòmho bơta hơ̆ mơ Sol. Gen Sol rê hìu, mơya Dabit mơ ală cau khai dê guh rê hơ theng kơ̆ cê khai dê.