II Samuel 19:37 - Sră Goh 2018

³⁷ Dan ai gơnoar cau duh broă bơtau in rê wơl, nàng añ in chơt tòm ƀòn tòm añ jê, rềp di gah bơtô ƀồc mè bèp añ jê. Mơya do la Kimham, cau duh broă bơtau dê; lòi khai tiă hiòng bal mơ cau tòm añ jê la bơtau. Dan bơtau lơh tĕ khai in bơta lơi niam nùs bơtau.”

II Samuel 19:37 ပူးပေါင်းရင်းမြစ်များ

Sơnròp Gơlik Gơs 47:30

Tŭ añ bic bal mơ mò pàng añ rau, cèng tĕ añ bơh Ejiptơ mơ tơp añ tòm tiah bơtô ƀồc mò pàng añ jê.” Jôsep ho lah: “Añ rơp lơh jat be jơnau bèp sồr.”

Sơnròp Gơlik Gơs 48:21

Mơ Israel đơs mơ Jôsep lah: “Do, añ rơp chơt mơya Yàng Tom Trồ rơp ơm bal mơ mê mơ lam bol mê rê wơl hơ lơgar mò pàng he dê.

Sơnròp Gơlik Gơs 50:13

mơ cèng ƀồc khai hơ lơgar Kanaan, mơ tơp tòm trồm lŭ ƀlàng Makpela dê, tòm toh mơ Mamre mơ Abraham neh blơi bal mơ ƀlàng sre Eprôn dê, cau Hetit, nàng lơh gơs tiah tơp ƀồc.

II Samuel 19:36

Cau duh broă bơtau dê rơp tiă hiòng Jordan mơ lòt dô êt tai bal mơ bơtau, mơya ñchi bơh tài bơtau kòñ jòng ro añ mơ dô nơm phan ƀàn behơ̆ taih?

II Samuel 19:38

Bơtau đơs lah: “Kimham rơp tiă hiòng bal mơ añ, mơ añ rơp lơh khai in bơta lơi niam nùs mê dê. Mơ jơh ală bơta lơi mê kòñ bơh di añ gen añ rơp lơh mê in.”

II Samuel 19:40

Tòm tŭ bơtau neh tiă hiòng mơ lòt hơ Gilgal, Kimham tiă bal mơ bơtau. Jơh ală mpồl ling Juda, mơ nggùl mpồl ling Israel cèng bơtau lòt gùng.

I Ală Bơtau 13:22

mơya neh rê wơl sa ƀañ hùc dà tiah mơ Yàng Jehôwa neh bơkơ̆u ‘Ò ai sa ƀañ hala hùc dà tềng hơ̆,’ gen ƀồc mê rơp ò geh tơp tòm bơtô ƀồc ồng pàng mê dê.”

I Ală Bơtau 2:7

Lơh tĕ bơta niam lơnhơn gơwèt hơ ală kòn klau Barjilai cau Galaat, mơ ai bol khai in nggui digùl ală cau sa di cơnòng sa bal mơ kòn. Bơh bol khai neh dòn song mơ añ tòm tŭ añ ntoat dô bơh di Apsalôm bi kòn dê.

I Ală Bơtau 4:5

Ajaria, kòn klau Nathan, la cau lam bồ ală cau kwang at bồ kơnhwàl; Jabut, kòn klau Nathan, lơh gơs dô nă cau gơnoar ơn phan duh khoai mơ cau bơyai broă is cau bơtau dê;

Jeremi 41:17

Bol khai rơp sơntòm lòt mơ dơh wơl tòm Gerut Kimham, rềp Betlehem, nàng dô tus hơ Ejiptơ,

II Timôthe 4:6

Bơh añ neh kòl tuh tơlik be phan pơdơng rau, mơ ngai sang rài añ jê mòr rềp rau.

Jôsue 23:14

Tŭ do añ rơp lòt gùng mơ jơh dunnia pal lòt. Bol mê git tòm nùs tòm hwềng bol mê dê, tòm jơh ală jơnau ho pơgon niam mơ Jehôwa Yàng Tom Trồ bol mê dê neh ai bol mê in, ò gơs dô jơnau lơi ò gơlik tòm toh. Kòp jơnau ho pơgon neh gơlik di ngan bol mê in, ò gơs jơnau lơi ò gơlik tòm toh.

II Pier 1:14

bơh añ git lah ò gam jŏ tai añ rơp sang să jan do, be Yàng Jesu Krist bol he dê neh yal añ in git.