II Samuel 19:35 - Sră Goh 2018

³⁵ Tŭ do añ neh phàm jơt sơnam rau. Añ rgơi đal git bơta niam mơ bơta ò niam sơl ơ? Cau duh broă bơtau dê rgơi liap ală phan khai sa mơ phan khai ñô sơl ơ? Añ gam rgơi kơno sap ală cau klau mơ cau ùr đơs chò sơl ơ? Ñchi bơh tài cau duh broă bơtau dê bơtơl ơnòng kơnjơ̆ hơđang cau tòm añ jê la bơtau in taih?

II Samuel 19:35 ပူးပေါင်းရင်းမြစ်များ

II Samuel 13:25

Bơtau ho lah: “Ò di, ơ kòn añ jê; jơh tơl nă bol hi ò tus; bol hi rơp lơh kơnjơ̆ rlau tai kòn in.” Bulah Apsalôm pơnđơl jà Dabit kung ò lòt, mơya ai lơngai Apsalôm in.

II Samuel 15:33

Dabit đơs mơ khai lah: “Dilah mê lòt bal mơ añ gen mê rơp gơlik dô ơnòng kơnjơ̆ añ in.

II Samuel 19:36

Cau duh broă bơtau dê rơp tiă hiòng Jordan mơ lòt dô êt tai bal mơ bơtau, mơya ñchi bơh tài bơtau kòñ jòng ro añ mơ dô nơm phan ƀàn behơ̆ taih?

Ejra 2:65

rlau mơ ală cau klau mơ ală cau ùr duh broă ntum bol khai la poh rbô pe rhiang pe jơt poh nă; mơ bol khai kung gơs bàr rhiang nă cau klau mơ cau ùr đơs chò.

Nehemi 7:67

rlau mơ ală dĭ klau dĭ ùr làng bol dê, khà bol khai la poh rbô pe rhiang pe jơt poh nă. Bol khai kung gơs bàr rhiang poan jơt pram nă ùr klau đơs chò.

Sră Jop 12:11

Trồm tồr ò di lòng jơnau đơs, kung be bơta bơkah liap phan sa ò ơ?

Sră Jop 6:30

Gơs bơta tìs lơi tòm lơmpiat añ jê sơl? Bơr añ jê ò git đal bơta iơh bơsak ò ơ?”

Đơs Crih 90:10

Rài kis bol hi dê tus di poh jơt sơnam. Hala dilah pràn kơldang gen tus di phàm jơt sơnam, Mơya jơh ală nam hơ̆ mìng la bòl glar mơ kalke, Bơh rài kis mhar jơh mơ bol hi sang rài.

Lik Ejiptơ 12:4

Dilah hìu nhă lơi gơs mìng dô êt nă cau lơm, ò jai sa jơh dô nơm belàt kòn, gen bol khai pal sa bal mơ hìu nhă cau ơm rềp rlau jơh mơ bol khai, tơnơ̆ mơ tŭ neh kòp khà cau neh gơs tòm hìu nhă hơ̆. Bol mê pal lơh nền pal gơs kàr lơi belàt jat be pràn kòp nă cau rgơi sa.

Lik Ejiptơ 2:8

Kòn ùr bơtau ho lah: “Ơi, lòt tĕ.” Gen kòn ùr hơ̆ lòt mơ hòi mè kòn dềt dê tus.

Cau Bơto 2:8

Añ kung tơrgòm prap màh priă, mơ ală phan màng ală cau bơtau dê, mơ ală ƀòn dờng. Añ gơs ală cau đơs chò, cau ùr mơ cau klau, bal mơ bơta hừh nùs tòm poac să mơ oă bau ùr cồng.

Hebrơ 5:14

Mơya phan sa kơldang gen lòi ală cau neh dờng in, la ală cau kơnòm di bơta lơh jat mơ bơtê git bơta chài rgơi nàng cah is bơta niam mơ bơta iơh.

I Pier 2:3

dilah oh mi neh git làm bơta kơ̆ dơn Yàng dê.