II Samuel 19:27 - Sră Goh 2018

²⁷ Mơ khai neh yă blac añ mơ cau tòm añ jê la bơtau. Mơya cau tòm añ jê la bơtau kung be cau gơnrơh Yàng Tom Trồ dê. Gen tàng lơh tĕ bơta lơi gơlơh niam gơwèt mơ bơtau.

II Samuel 19:27 ပူးပေါင်းရင်းမြစ်များ

II Samuel 14:17

Cau duh broă bơtau dê neh kơlôi lah: ‘Kơp kòñ jơnau đơs cau tòm añ jê la bơtau ai añ in bơta rlô; bơh cau tòm añ jê la bơtau ò gơkrơi be dô nă cau gơnrơh Yàng Tom Trồ dê git nền bơta niam mơ bơta iơh.’ Dan Jehôwa Yàng Tom Trồ bơtau dê ơm bal mơ bơtau!”

II Samuel 14:20

Cau duh broă bơtau dê la Jôap neh lơh bơta do nàng tòmgơl bơta neh gơlik gơs. Cau tòm añ jê gơs bơta jak chài kung be cau gơnrơh Yàng Tom Trồ dê, git jơh ală bơta gơlik gơs tòm lơgar.”

II Samuel 16:3

Gen bơtau lùp lah: “Ntềng đah sau klau cau tòm mê dê taih?” Jiba đơs mơ bơtau lah: “Khai ơm wơl tòm Jerusalem bơh khai kơlôi lah: ‘Ngai do hìu Israel rơp jào wơl añ in lơgar ồng añ jê’.”

II Samuel 16:4

Bơtau đơs mơ Jiba lah: “Behơ̆ jơh ală phan gơrê bal mơ Mephibôset gen tŭ do gơlik gơs phan tòm mê dê rau.” Jiba đơs lah: “Añ cùn khoai bơtau, dan añ in geh bơta nđàc di đap mat cau tòm añ jê la bơtau.”

II Samuel 19:17

Gơs dô rbô nă cau Benjamin lòt jat bơtau. Mơ Jiba la cau duh broă hìu Sol dê, bal mơ jơt pram nă kòn klau khai dê, mơ bàr jơt nă cau duh broă khai dê. Bol khai lòt mhar tus di hiòng Jordan lài mơ bơtau.

II Samuel 9:13

Mephibôset ơm tòm Jerusalem tài bơh khai sa di cơnòng bơtau dê sùm, mơ khai gơlte jơh bàr đah jơng.

II Samuel 9:3

Bơtau lùp lah: “Gơs cau lơi gam wơl bơh hìu Sol dê nàng añ rgơi yal tơlik bơta nđàc Yàng Tom Trồ dê khai in sơl ơ?” Jiba ho cau bơtau lah: “Gam gơs dô nă kòn klau Jônathan dê; khai gơlte bàr đah jơng.”

Đơs Crih 101:5

Añ rơp tơnroh cau đơs joh òm di cau gơp ƀòn he; Ai cau lơi gơs mat be tòm, mơ nùs pơnhừ să, gen añ rơp ò bài kong.

Đơs Crih 15:3

Khai la cau gơs lơmpiat ò đơs joh, Ò lơh iơh di oh mi bơyô he dê, Ò sih bơta ƀàssìl di cau gơp ƀòn he dê.

Lik Ejiptơ 20:16

Bol mê bañ lơh cơng blac di cau ơm rềp mơ bol mê.

Jeremi 9:4

Kơrhia tĕ bơh cau gơp ƀòn he, Bañ dòn kơnòm di dô nă cau lơi tòm oh mi he; Bơh kòp nă oh mi la cau pơrlồm, Mơ kòp nă cau gơp ƀòn lòt gùt dar be cau yă blac.

I Samuel 29:9

Akis ho lah: “Añ git lah mê ò lơh bơta tìs lơi di đap mat añ kung be dô nă cau gơnrơh Yàng Tom Trồ dê, bulah behơ̆, ală kwang at bồ ling cau Philistin dê neh đơs lah: ‘Khai ò di lòt bal mơ bol he tòm bơta tòmlơh.’