II Samuel 19:24 - Sră Goh 2018

²⁴ Mephibôset sau klau Sol dê, kung lòt tus tòm mat mơ cau bơtau. Khai ò kơlôi rcang bơh jơng khai dê, ò siat sơnò tềp hala pìh ồi ào khai dê bơh di ngai bơtau lik lòt jơl tus di ngai bơtau rê wơl lơngap lơngai.

II Samuel 19:24 ပူးပေါင်းရင်းမြစ်များ

II Samuel 12:20

Gen Dabit guh bơh ù. Tơnơ̆ mơ tŭ khai neh um dà, bong mơñà ƀô, mơ tòmgơl ồi ào; khai lòt tus tòm hìu Yàng Jehôwa dê nàng duh khoai. Gen khai rê wơl hìu khai dê mơ sồr cau yò sa khai in, mơ khai neh sa.

II Samuel 15:30

Mơya Dabit kư̆ hào mơnơm Ôlibe, lòt ndang ñìm ndang, bồ gòm mơ lòt jơng gòi. Jơh ală cau lòt bal kung gòm bồ mơ ñìm tòm tŭ guh mơnơm.

II Samuel 16:3

Gen bơtau lùp lah: “Ntềng đah sau klau cau tòm mê dê taih?” Jiba đơs mơ bơtau lah: “Khai ơm wơl tòm Jerusalem bơh khai kơlôi lah: ‘Ngai do hìu Israel rơp jào wơl añ in lơgar ồng añ jê’.”

II Samuel 9:11

Gen Jiba đơs mơ bơtau lah: “Cau duh broă bơtau dê rơp lơh jơh ală bơta bơtau la cau tòm añ jê neh sồr añ lơh.” Mephibôset sa di cơnòng Dabit dê kung be dô nă kòn klau bơtau dê.

I Ală Bơtau 2:8

Kung gơs Simei kòn klau Gera, cau Benjamin bơh di Bahurim la cau neh srat rma añ iơh rmơh ngan tòm ngai añ lòt tus hơ Mahanaim. Mơya tòm tŭ khai mù wă rò añ di gah Jordan, añ neh ai sơnđan Yàng Jehôwa mơ srat să ho mơ khai lah: ‘Añ rơp ò tơnchơt mê mơ đào.’

Lik Ejiptơ 19:10

Yàng Jehôwa đơs mơ Môise lah: “Lòt tĕ tus hơ làng bol mơ lơh bol khai in sàng goh ngai do mơ ngai hìng. Sồr bol khai pìh ồi ào bol khai dê,

Esai 15:2

Cau Dibôn lòt tus hơ bơmồng nàng duh khoai, guh hơđang ală tiah jơnhoa nàng ñìm. Cau Môap ñìm rac pơt wòl bơh Debô mơ Medeba. Kòp nơm bồ neh kơlờl, mơ kòp nơm sơnò tềp neh koah.

Jeremi 41:5

gen gơs phàm jơt nă koah sơnò tềp, soh ào sèt, reh să he, bơh Sicem, Silô, Samari tus, at ală phan ơn mơ kòi mbo mơ sơnơm kơlhô tòm tê bol khai nàng cèng tus hơ hìu Yàng Jehôwa.

Mathiơ 6:16

“Tòm tŭ bol mê ơt sa, bañ lơh bơthĭ moat jrùng be cau ma blac, bơh bol khai lơh ñòp muh ñòp mat nàng cau in git bol khai ơt sa. Di ngan Añ đơs mơ bol mê, bol khai neh geh phan ƀàn bol khai dê rau.

Rôma 12:15

Chò tĕ bal mơ cau chò, ñìm tĕ bal mơ cau ñìm.

Hebrơ 13:3

Kah tĕ ală cau ơm jàm, be bol he kung ơm jàm bal mơ bol khai; kah tĕ ală cau kòl rồn bơklơn, bơh bol he kung gơs să jan be bol khai sơl.