II Samuel 19:20 - Sră Goh 2018

²⁰ Bơh cau duh broă bơtau dê đal git lah añ neh tìs glài, gen tàng ngai do añ neh lòt tus tềng do lài mơ jơh ală cau tòm hìu nhă Jôsep dê nàng tòm mat mơ bơtau la cau tòm añ jê.”

II Samuel 19:20 ပူးပေါင်းရင်းမြစ်များ

Sơnròp Gơlik Gơs 48:14

Israel ai tê ma khai dê mơ ƀư hơđang bồ Epraim kòn oh, ai tê kiau khai ƀư hơđang bồ Manase. Khai gơs dô bơta kơlôi is mơ ƀư tê behơ̆, tài bơh Manase la cau bi.

Sơnròp Gơlik Gơs 48:20

Ngai hơ̆ khai ai lơngai bàr nă kòn klau hơ̆ in mơ đơs lah: “Hơ̆ la bơh bol mê mơ làng bol Israel rơp ai lơngai bal lah: ‘Dan Yàng Tom Trồ ai mê in be Epraim mơ Manase.’” Behơ̆, Jakôp ơn Epraim lài mơ Manase.

II Samuel 16:5

Tòm tŭ Dabit tus rềp di Bahurim, gơs dô nă cau bơh mpồl hìu nhă bal mơ Sol lik bơh hơ̆. Khai sơnđan la Simei kòn klau Gera, mơ khai lik mơ srat rma.

II Samuel 19:21

Gen Abisai, kòn klau Jeruyah, đơs lah: “Simei ò pal kong tơnchơt bơh bơta hơ̆ ò ơ? Tài bơh neh srat sơntơm cau geh bong mơñà Yàng Jehôwa dê.”

II Samuel 19:9

Jơh ală làng bol tòm pơndang bal làm jơh tòm jơi bơtiàn Israel dê, lah: “Cau bơtau neh dong tă bol he bơh di tê ală cau sò tơm bol he dê, mơ neh dong tă bol he bơh di tê cau Philistin; mơ tŭ do, bơtau neh dô lik bơh di lơgar tài bơh Apsalôm;

I Ală Bơtau 12:20

Tòm tŭ cau Israel kơno lah Jerôbôam neh rê wơl, gen sồr cau lòt jà khai tus mơ mpồl jơnum, mơ bơtào khai lơh gơs bơtau hơđang jơh Israel. Ò gơs cau lơi jat hìu Dabit tềng hơ̆, mìng jơi bơtiàn Juda lơm.

I Ală Bơtau 12:25

Gen Jerôbôam bơt bơtào Sicem hơđang tiah kơh mơnơm Epraim, mơ ơm tơn tềng hơ̆. Khai lik lòt bơh hơ̆ mơ bơt bơtào Phenuel.

Jeremi 22:23

Mê la cau ơm tòm Liban lơh rsòn tòm chi pơnggŏ ne, Ngan mê rơp rơnđơh tòm tŭ bơta jê sồt tus hơđang mê, Jê sồt kung be cau ùr jê deh.”

Sră Ôse 5:15

Gen Añ rơp rê wơl hơ tiah ơm Añ jê, jơl tus di tŭ bol khai đal git tồi glài bol khai dê, mơ jòi jat muh mat Añ; Tòm bơta bòl glar, bol khai rơp jơh nùs rac dan bơta niam nùs Añ jê.

Sră Ôse 5:3

Añ git Epraim, mơ Israel ò geh pồn ndơp bơh di Añ. Ơ Epraim, bơh mê neh lơh dri tơlàr, Israel neh gơlik ƀơ̆ ƀơl.