II Samuel 19:19 - Sră Goh 2018

¹⁹ mơ khai đơs mơ bơtau lah: “Dan cau tòm añ jê bañ kòp añ la cau neh tìs glài, dan bañ kah wơl bơta tìs cau duh broă cau tòm añ jê neh lơh tòm ngai bơtau la cau tòm añ jê lik bơh Jerusalem, dan bơtau bañ prap bơta hơ̆ tòm nùs.

II Samuel 19:19 ပူးပေါင်းရင်းမြစ်များ

II Samuel 13:20

Apsalôm, bi klau khai, lùp khai lah: “Ngan sơl la Amnôn bi klau oh dê neh bic mơ oh ơ? Tŭ do ơm tĕ mŏ mŏ, ơ oh ùr añ jê, bơh khai la bi klau oh dê. Bañ ai lơh jê nùs oă bơh bơta hơ̆.” Behơ̆ Tamar ơm is moat jrùng tòm hìu Apsalôm, bi klau khai dê.

II Samuel 13:33

Behơ̆, dan kơnràñ la cau tòm añ jê bañ ơn nùs di jơnau yal lah, jơh ală kòn klau bơtau dê neh chơt; bơh mìng dô nă Amnôn neh chơt lơm.”

II Samuel 19:18

Tòm tŭ bol khai tiă gan tiah thòl, nàng tơntiă jơh hìu nhă bơtau dê, mơ lơh niam nùs bơtau. Simei, kòn klau Gera dê, tơmbic să di đap cau bơtau, tòm tŭ khai mòr tiă gan hiòng Jordan,

Đơs Crih 32:2

Lơngai cau lơi in Yàng Jehôwa ò kòp bơta iơh bơsak khai in, Mơ tòm hwềng nùs ò gơs bơta ma blac.

Đơs Crih 79:8

Dan Yàng bañ kah wơl mơ tòmdră di bol hi bơh ală tồi glài iơh bơsak ồng pàng bol hi dê; Dan Yàng ai nùs kòñ nđàc mhar tus dong kòl bol hi; Bơh bol hi kong bòl glar oă ngan.

Cau Bơto 10:4

Dilah cau at bồ gơhào gơjrañ mơ mê gen bañ lik bơh tiah ơm mê dê; bơh bơta ring ngềt kơryan bơta tìs tòm glài dờng.

Esai 43:25

Añ, să tòm Añ la Bơtau jùt sang jơh ală bơta tìs glài mê dê; tài bơh să tòm Añ, Añ ò kah tai ală bơta tồi glài mê dê.

Jeremi 31:34

Bol khai kòp nă rơp ò bơto cau gơp ƀòn he hala oh mi he, mơ lah: ‘Đal git tĕ Yàng Jehôwa!’ Tài bơh bol khai jơh tơl nă rơp đal git Añ, cau dềt kung be cau dờng.” Yàng Jehôwa đơs: “Añ rơp toh bơta iơh bơsak bol khai dê, mơ ò kah bơta tìs bol khai tai.”

Khà Làng Bol 12:11

Arôn đơs mơ Môise lah: “Ơ cau tòm añ jê, dan bañ tòmdră mơ bol hi bơh tồi glài mơ bol hi neh tìs dô bă tùl gơla behơ̆.

Mathiơ 27:4

mơ đơs lah: “Añ neh tìs glài bơh neh bơtào mhàm ò gơs glài.” Mơya bol khai đơs lah: “Broă hơ̆ gơs ñchi gơkwă mơ bol hi taih? Kong mê dê!”

II Kôrintô 5:19

Bơh Yàng Tom Trồ neh ơm tòm Bơtau Krist, lơh dunnia in gơtòmsòr wơl mơ Kơnràñ, ò kòp bơta tìs glài bol khai dê bơh yau òr, mơ neh jào bol hi in gơnoar broă lơh cau in gơtòmsòr wơl.

I Samuel 22:15

Ngai hơ̆ la dơ̆ sơnròp añ hòi lùp Yàng Tom Trồ khai in sơl ơ? Ngan la ò di behơ̆ ò! Dan bơtau bañ tuh glài di añ la cau duh broă bơtau dê hala di hìu nhă bèp añ jê bơh cau duh broă bơtau dê ò git dô êt lơi bơh jơh ală bơta do.”

I Samuel 25:25

Dan cau tòm añ jê bañ kòp cau iơh bơsak hơ̆ la Nabal. Khai ngan la tòm toh be sơnđan khai dê; sơnđan khai la tùl gơla, mơ bơta tùl gơla ơm bal mơ khai. Mơya đah mơ añ la cau duh broă kơnràñ dê, añ ò gŏ ală cau mơ cau tòm añ jê neh sồr lòt tus.

I Samuel 26:21

Gen Sol đơs lah: “Añ neh lơh tìs. Ơ Dabit kòn añ, rê wơl tĕ. Añ rơp ò lơh iơh di mê tai, tài bơh bơta kis añ jê geh sền dờng màng di đap mê tòm ngai do; añ neh lơh dô bơta bơrngơl gơla, mơ añ neh lơh dô bơta tìs dờng ngan.”