II Samuel 19:13 - Sră Goh 2018

¹³ Kung đơs tĕ mơ Amasa lah: ‘Mê ò di la poac mhàm añ jê ơ? Dilah mê ò lơh gơs cau kwang ling ala Jôap di đap añ bơh tŭ do, gen dan Yàng Tom Trồ lơh glài añ kơnjơ̆.’”

II Samuel 19:13 ပူးပေါင်းရင်းမြစ်များ

Sơnròp Gơlik Gơs 29:14

Gen Laban đơs lah: “Ngan behơ̆, mê la poac mhàm añ jê.” Gen Jakôp ơm mơ khai dô kơnhai.

II Samuel 17:25

Apsalôm neh pồ bơtào Amasa lơh gơs kwang dờng at bồ mpồl ling ala Jôap. Mơ tai, Amasa la kòn klau dô nă cau Israel sơnđan la Itra, lài neh bau mơ Abigail la kòn ùr Nahas dê, bi ùr Jeruyah, mè Jôap dê.

II Samuel 18:11

Jôap đơs mơ khai lah: “Ñchi bơh tài tàng mê neh gŏ khai taih? Ñchi bơh tài mê ò lơh khai dùh tòm ù tềng hơ̆ taih? Dilah mê neh tơnchơt khai gen añ neh chò hòp ai mê in jơt pet priă mơ dô nơm che kơt but.”

II Samuel 20:4

Gen bơtau đơs mơ Amasa lah: “Pơjum tơrgòm tĕ ală cau Juda tus mơ añ tòm pe ngai; mơ să tòm mê kung pal gơs mat tềng do.”

II Samuel 3:27

Tòm tŭ Apner neh rê wơl hơ Hebrôn, Jôap cèng khai is dô đah tòm mpồng ƀòn dờng dê, khai lơh be kòñ đơs is mơ khai. Mơ tềng hơ̆ Jôap srơp khai di kơndul mơ tơnchơt tơn, nàng sal tê bơh mhàm Asael, oh Jôap dê.

II Samuel 5:1

Gen jơh ală jơi bơtiàn Israel tus hơ Dabit tòm Hebrôn, mơ đơs lah: “Sền do, bol hi la poac mhàm tòm bơtau dê.

II Samuel 8:16

Jôap kòn klau Jeruyah la kwang dờng at bồ mpồl ling; Jehôsaphat kòn klau Ahilut la kwang cih bơta yal yau lơgar dê;

I Ală Bơtau 19:2

Gen Jesebel sồr dô nă cau lòt tus hơ Eli mơ đơs lah: “Dan ală yàng lơh añ kơnjơ̆ rlau behơ̆, dilah añ ò lơh bơta kis mê dê be bơta kis dô nă tòm bol khai, jơ do ngai hìng.”

I Yal Yau 12:18

Gen Yàng Hwềng tus hơđang Amasai, cau at bồ mpồl pe jơt nă, mơ khai đơs lah: “Ơ Dabit, bol hi gơrê bal mơ ồng! Ơ kòn klau Jese, bol hi ơm đah mơ ồng! Dan ồng geh lơngap lơngai, lơngap lơngai, Dan ală cau dong kòl ồng kung geh lơngap lơngai! Bơh Yàng Tom Trồ ồng dê la Bơtau rơp dong kòl ồng.” Behơ̆, Dabit dòp rò bol khai mơ bơtào bol khai gơs cau at bồ ală mpồl cau lòt jat khai.

Rutơ 1:17

Mè chơt tiah lơi gen añ rơp chơt tiah hơ̆, mơ geh tơp tềng hơ̆ sơl. Dan Yàng Jehôwa lơh añ dô bă kơnjơ̆ ngan dilah gơs bơta lơi rlau mơ bơta chơt gơcah is añ mơ mè.”