II Samuel 19:1 - Sră Goh 2018

¹ Cau yal Jôap in lah: “Cau bơtau ơm ñìm mơ pơt wòl bơh Apsalôm”

II Samuel 19:1 ပူးပေါင်းရင်းမြစ်များ

Sơnròp Gơlik Gơs 37:35

Jơh tơl nă kòn klau kòn ùr khai dê pơjum nàng pơndòm pơniang khai, mơya khai ò bài mơ đơs lah: “Añ kơlôi moat sùm jơl tus di tŭ añ mù tòm lơgar làng ƀồc tus mơ kòn añ!” Behơ̆ bèp Jôsep ñìm rac bơh kòn khai dê.

II Samuel 18:12

Mơya cau hơ̆ ho lah: “Bulah añ gơs tòm tê añ dô rbô pet priă neh kơr, añ kung ò khin pò tê tòmdră kòn klau bơtau dê. Bơh tồr bol hi neh kơno bơtau ai jơnau sồr ồng, Abisai mơ Ittai lah: ‘Tài bơh añ; bol mê pal sền gàr tĕ cau pơnu Apsalôm.’

II Samuel 18:14

Jôap ho lah: “Añ rơp ò lơh roh tŭ mơ mê be do.” Behơ̆ khai at pe nơm tà tòm tê khai mơ tơng gơ di plai nùs Apsalôm tòm tŭ Apsalôm gam kis hơđang tòm cha.

II Samuel 18:20

Jôap ho khai lah: “Mê ò di la cau cèng jơnau yal niam tòm ngai do. Mê rgơi cèng jơnau yal niam tòm dô ngai ndai, mơya ngai do mê bañ lơh behơ̆ tài bơh kòn klau bơtau dê neh chơt.”

II Samuel 18:33

Cau bơtau jê sồt moat jrùng ngan, khai guh hơ ơdŭ tap hơđang mpồng ƀòn dờng mơ ñìm. Khai lòt ndang ñìm ndang đơs lah: “Ơ Apsalôm kòn klau añ! Ơ kòn klau añ, kòn klau añ Apsalôm! Kơp kòñ añ chơt ala kòn! Ơ Apsalôm, kòn klau añ, kòn klau añ!”

II Samuel 18:5

Bơtau ai jơnau sồr Jôap, Abisai, mơ Ittai in lah: “Tài bơh añ, dan bol mê gơwèt niam mơ cau pơnu Apsalôm.” Mơ jơh mpồl ling neh kơno lơm tòm tŭ bơtau ai jơnau sồr jơh ală cau kwang at bồ mpồl ling in gơwèt mơ Apsalôm.

II Samuel 19:2

Behơ̆ bơta pha lin tòm ngai hơ̆ gơlik wơl bơta moat jrùng jơh dô mpồl ling dê, tài bơh jơh mpồl ling neh kơno đơs tòm ngai hơ̆ lah: “Bơtau moat jrùng jê sồt bơh bơta chơt kòn klau bơtau dê.”

Jơnau Pơnđik 17:25

Kòn tùl gơla la dô bơta moat jrùng bèp in, Mơ dô bơta sràt bơtang mè neh deh khai.

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.