II Samuel 18:28 - Sră Goh 2018

²⁸ Gen Ahimas driau dờng mơ bơtau lah: “Jơh ală bơta niam lơm.” Khai tơmbic să blup mat tòm ù di đap bơtau, mơ đơs lah: “Jòng ro Jehôwa Yàng Tom Trồ bơtau dê! Kơnràñ neh jào cau neh pò tê tòmdră mơ cau tòm añ jê la bơtau.”

II Samuel 18:28 ပူးပေါင်းရင်းမြစ်များ

Sơnròp Gơlik Gơs 14:20

Pal jòng ro Yàng Tom Trồ Hơđang Rlau Jơh, Bơtau neh jào ală cau sò tơm tòm tê mê dê!” Tòm jơh ală phan Abram neh ai wơl, Abram ơn dô pơnah jơt khai in.

Sơnròp Gơlik Gơs 24:27

mơ đơs lah: “Pal jòng ro Yàng Jehôwa la Yàng Tom Trồ Abraham cau tòm añ jê! Kơnràñ ò sang bơta kòñ nđàc mơ jơnau song Kơnràñ dê bơh cau tòm añ jê. Ai să tòm añ, Yàng Jehôwa neh lam añ tus hơ hìu oh mi cau tòm añ jê.”

II Samuel 1:2

Tòm ngai dơ̆ pe, gơs dô nă cau tus bơh sàl ling Sol dê, ồi ào neh sèt mơ bồ bềng thul. Tòm tŭ khai tus di đap Dabit gen khai tơmbic să di ù mơ khoai.

II Samuel 14:4

Tòm tŭ cau ùr bơh Tekôa lòt tus hơ cau bơtau, khai tơmbic să tòm ù mơ khoai, mơ đơs lah: “Khoai bơtau, dan dong kòl añ!”

II Samuel 22:27

Gơwèt mơ cau sàng goh, Yàng yal tơlik să tòm Kơnràñ la sàng goh, mơya gơwèt mơ cau gơs nùs rkwet rkwe, Yàng yal tơlik să tòm Kơnràñ la sò tơm.

II Yal Yau 20:26

Tòm ngai poan, bol khai pơjum bal tòm thòng Beraka, tềng hơ̆ bol khai jòng ro Yàng Jehôwa. Tài bơh hơ̆ tàng bol khai sơnđan thòng hơ̆ la Beraka jơl tus di ngai do.

Đơs Crih 115:1

Ơ Yàng Jehôwa, ò di gơrê mơ bol hi, mơya bơta gơklŏ gơrê mơ sơnđan Kơnràñ dê. Bơh bơta kòñ gơboh kơ̆ dơn mơ bơta dòn song Kơnràñ dê, Pal gơrê mơ sơnđan Kơnràñ.

Đơs Crih 124:6

Jòng ro Yàng Jehôwa, Bơh Kơnràñ ò jào phi bol he be phan dòm sề bol khai in.

Đơs Crih 31:8

Yàng ò bơtào añ tòm tê cau sò tơm, Kơnràñ ơn jơng añ jê di tiah ơnàng.

Lik Ejiptơ 18:10

Khai đơs lah: “Pal jòng ro Yàng Jehôwa la Bơtau neh dong tă mê klàs bơh tê cau Ejiptơ mơ Pharaôn, mơ dong tă làng bol bơh tê cau Ejiptơ dê.

I Samuel 17:46

Ngai do Yàng Jehôwa rơp jào mê tòm tê añ, añ rơp lơh mê gơpừ di tiah mơ koh bồ mê. Ngai do añ rơp ai ƀồc mpồl ling cau Philistin dê ală sềm hơđang trồ in mơ ală phan poan jơng tòm ù in; mơ jơh lơgar dunnia rơp git lah gơs dô nă Yàng Tom Trồ tòm Israel.

I Samuel 24:18

Ngai do mê neh yal tơlik añ in bơta niam mê neh lơh gơwèt mơ añ; hơ̆ la mê neh ò tơnchơt añ tòm tŭ Yàng Jehôwa neh jào añ tòm tê mê.

I Samuel 25:23

Tòm tŭ Abigail gŏ Dabit gen khai sơrbac sơrbang mù bơh alàng mơ tơmbic să blup mat tòm ù di đap Dabit.

I Samuel 26:8

Abisai đơs mơ Dabit lah: “Yàng Tom Trồ neh jào cau sò tơm ồng dê tòm tê ồng ngai do, gen tàng tŭ do lòi añ pơng khai tòm ù dô tê lơm mơ đào; añ ò càng srơp tai dơ̆ bàr.”