II Samuel 18:27 - Sră Goh 2018

²⁷ Cau ling kơp gàr đơs tai lah: “Añ kơlôi cau ntoat lài gơlơh be Ahimas, kòn klau Jadôk dê.” Bơtau đơs lah: “Khai la dô nă cau niam, mơ tus cèng jơnau yal niam.”

II Samuel 18:27 ပူးပေါင်းရင်းမြစ်များ

II Samuel 18:26

Gen cau ling kơp gàr gŏ dô nă cau ndai ntoat tus, khai hòi cau kơp gàr mpồng mơ lah: “Sền ne, gơs dô nă cau ndai tai ntoat is.” Bơtau đơs lah: “Khai kung la cau cèng jơnau yal niam sơl.”

I Ală Bơtau 1:42

Khai gam ơm đơs, ne Jônathan kòn klau Abiatha la cau gơnoar ơn phan duh khoai lòt tus. Adônija đơs mơ khai lah: “Mut tĕ, mê la dô nă cau di pal, ngan mê rơp cèng jơnau niam.”

II Ală Bơtau 9:20

Cau ling kơp gàr yal tai lah: “Cau kong sồr neh lòt tus hơ bol khai rau, mơya khai ò rê wơl. Bơta hào rơndeh cau lam rơndeh gơlơh tòm toh be Jehu, kòn klau Nimsi, bơh khai lam dô bă rhung rhang.”

Jơnau Pơnđik 25:13

Cau kong sồr lòt dòn song mơ cau sồr lòt, tòm toh be dà piar gơkơnhồl ngềt tòm ngai kơnhai toès; bơh khai bơtơl pràn hwềng soàn cau tòm he dê.

Jơnau Pơnđik 25:25

Jơnau niam bơh lơgar ngài tus, tòm toh be dà mrềt cau tơhìr in.

Esai 52:7

Hàng mơnĕ ò git nđò hơđang ală mơnơm, ală mpàng jơng ală cau cèng jơnau niam, bơto yal bơta lơngap lơngai, yal tơlik bơta dong klàs, mơ đơs mơ Siôn lah: “Yàng Tom Trồ mê at bồ!”

Rôma 10:15

Mơ dilah ò gơs cau geh sồr lòt, gen mbe rgơi bơto yal taih? Be neh cih lah: “Ală mpàng jơng cau bơto yal Jơnau Niam la hàng mơnĕ ò git lơh!”