II Samuel 18:19 - Sră Goh 2018

¹⁹ Gen Ahimas, kòn klau Jadôk đơs lah: “Lòi añ ntoat yal bơtau in jơnau yal niam bơh Yàng Jehôwa neh dong tă khai klàs bơh tê ală cau sò tơm khai dê.”

II Samuel 18:19 ပူးပေါင်းရင်းမြစ်များ

II Samuel 15:27

Bơtau kung đơs mơ Jadôk cau gơnoar ơn phan duh khoai lah: “Rê wơl tĕ lơngap lơngai tòm ƀòn dờng, mê bal mơ Abiatha bal mơ bàr nă kòn klau mê dê, Ahimas kòn klau mê, mơ Jônathan kòn Abiatha.

II Samuel 15:36

Bàr nă kòn klau bol khai dê la Ahimas kòn klau Jadôk, mơ Jônathan kòn klau Abiatha neh ơm tềng hơ̆ bal mơ bol khai. Bơh bol khai mê rơp yal wơl añ in jơh ală jơnau mê kơno.”

II Samuel 17:17

Jônathan mơ Ahimas neh ơm tòm En Rôgel. Dô nă cau ùr duh broă lòt tus yal tơnggit bol khai in, mơ bol khai lòt yal wơl bơtau Dabit in, bơh bol khai ò khin mut tòm ƀòn dờng.

II Samuel 18:20

Jôap ho khai lah: “Mê ò di la cau cèng jơnau yal niam tòm ngai do. Mê rgơi cèng jơnau yal niam tòm dô ngai ndai, mơya ngai do mê bañ lơh behơ̆ tài bơh kòn klau bơtau dê neh chơt.”

II Samuel 18:23

Khai ho lah: “Bulah mbe lơi, añ rơp ntoat jat khai.” Behơ̆, Jôap đơs lah: “Ntoat tĕ!” Gen Ahimas ntoat jat gùng tòm ƀlàng ring, mơ khai tus lài mơ cau Kus.

II Samuel 18:31

Gen cau Kus tus mơ yal lah: “Gơs jơnau yal niam tus mơ cau tòm añ jê la bơtau! Bơh Yàng Jehôwa neh dong tò bơtau ngai do, dong tă bơtau bơh gơnoar pràn jơh ală cau neh guh nàng tòmdră mơ bơtau.”

Đơs Crih 10:14

Yàng neh gŏ rau; ngan, Yàng sền sơwì bơta lơh iơh mơ bơta bòl glar jê sồt, Nàng ai tê tòm Kơnràñ dê mơ sal wơl. Ai cau òsô gen rơp jào să he Yàng in; Yàng la Bơtau dong kòl cau kòn đòi.

Đơs Crih 10:18

Nàng cahrña dô bă song ngan broă cau kòn đòi dê, mơ cau gơkòl rồn bơklơn, Tồ kòn mơnus in, la cau neh bơh ù mơ lik, gen ò rgơi lơh cau in rngòt rngơt tai.

Đơs Crih 7:6

Ơ Yàng Jehôwa, dan guh tòm bơta gơjrañ Kơnràñ dê, guh mơ tòmdră mơ bơta gơhào gơjrañ cau sò tơm añ jê; Ơ Yàng Tom Trồ añ jê, dan kah rngal; Kơnràñ neh sồr bơtào bơta cahrña rau.

Đơs Crih 9:16

Yàng Jehôwa neh yal tơlik să tòm Kơnràñ mơ lơh bơta cahrña; Cau iơh bơsak gơkòl kơt tòm broă tê he lơh. (Higaion. Selah)

Đơs Crih 9:4

Bơh Kơnràñ neh dong tò gơnoar di pal añ jê, Kơnràñ nggui di sơbàn mơ cahrña dô bă song ring.

Jeremi 51:31

Ling jun sră do tìp mơ ling jun sră ne, Cau kong sồr do tìp cau kong sồr ne Yal bơtau Babilôn in git lah ƀòn dờng bơtau hơ̆ dê neh gơkòl tòmpìt jơh hir,

Rôma 12:19

Ơ oh mi kòñ gơboh, să tòm he bañ sal tê dê cau lơi, mơya lòi tĕ bơta hơ̆ bơta gơjrañ dờng Yàng Tom Trồ in; bơh neh cih lah: “Yàng đơs lah: Bơta sal tê gơrê mơ Añ, Añ rơp sal wơl.”