II Samuel 18:18 - Sră Goh 2018

¹⁸ Tòm rài kis Apsalôm dê, khai neh ai mơ bơt să tòm khai in dô nơm jrong tòm Thòng Bơtau, bơh khai đơs lah: “Añ ò gơs kòn klau nàng lòi kirsơnre sơnđan añ jê.” Khai tơmoh sơnđan jrong hơ̆ jat sơnđan să tòm khai dê, mơ gơ geh sơnđan la Jrong Kirsơnre Apsalôm jơl tus di ngai do.

II Samuel 18:18 ပူးပေါင်းရင်းမြစ်များ

Sơnròp Gơlik Gơs 11:4

Bol khai đơs tai lah: “Behơ̆ bol he bơt tĕ dô nơm ƀòn, mơ bơt dô nơm gơlang jơnhoa tus hơ trồ, bol he lơh tĕ gơs pơnro sơnđan bol he in, rngòt bol he lòt gơprah gơpring tòm ù mòn!”

Sơnròp Gơlik Gơs 11:9

Tài bơh hơ̆ sơnđan ƀòn hơ̆ la Babel, bơh Yàng Jehôwa neh lơh sơlồng sơlàng jơnau đơs làm ù dê, mơ bơh tềng hơ̆ Kơnràñ lơh kòn mơnus in lòt gơprah gơpring làm ù tiah.

Sơnròp Gơlik Gơs 14:17

Tơnơ̆ mơ tŭ Abram neh lơh alah Kedorlaomer mơ ală bơtau dô bă bal mơ khai, gen bơtau Sôdôm lòt kơp rò khai tòm thòng Sabe, hơ̆ la thòng bơtau dê.

II Samuel 14:27

Apsalôm tơnggơs pe nă kòn klau mơ dô nă kòn ùr. Kòn ùr sơnđan la Tamar; khai la dô nă cau ùr hàng mơnĕ ngan.

Đơs Crih 109:13

Lòi jơi bơtiàn khai dê kòl tơnroh, Mơ sơnđan khai dê kòl jùt roh tòm rài tơnơ̆!

Đơs Crih 49:11

Bơtô ƀồc bol khai la hìu ơm bol khai dê gam sùm sùm, La tiah ơm bol khai dê tòm jơh ală rài, Bulah bol khai neh gơs ù tiah tòm bol khai dê.

Esai 22:16

‘Ñchi broă song ring mê gơs tềng do taih? Ñcau la gơp bơtiàn mê dê tềng do, mơ mê tò să tòm mê in dô nơm bơtô ƀồc tềng do; phàt dô nơm bơtô ƀồc tòm tiah jơnhoa, phàt mê in dô bă tiah ơm tòm pơnai lŭ taih?

Jeremi 22:30

Yàng Jehôwa đơs be do: “Cih tĕ cau do tòm ală cau ò gơs kòn sau, Tòm ală cau jơh rài kis ò geh cồng nha; Bơh jơh kòn sau khai rơp ò gơs dô nă cau lơi bơtoah bơtoài, nggui hơđang sơbàn Dabit mơ at bồ tòm Juda tai!”

Daniel 4:30

gen khai ai jơnau đơs lah: “Do ò di la Babilôn dờng mơ añ neh bơt bơtào bơh gơnoar pràn añ jê nàng lơh gơs ƀòn tòm bơtau dê, mơ ràng tơlik bơta gơklŏ ryŭ ryơm añ jê ơ?”

Khà Làng Bol 32:42

Mơ Nôba tòmpìt ai Kenat mơ ală ƀòn gùt dar gơ mơ sơnđan gơ la Nôba jat sơnđan să tòm khai dê.

I Samuel 15:12

Rìng àng drim Samuel guh gòñ mơ lòt tìp Sol, mơya gơs cau yal khai in lah: “Sol neh mù tus hơ Gilgal, tềng hơ̆ khai neh bơtào dô nơm jrong kah kirsơnre bơh bơta gơklŏ khai dê, mơ khai neh mù hơ Gilgal.”