II Samuel 18:17 - Sră Goh 2018

¹⁷ Bol khai tă ƀồc Apsalôm sơrbì tòm dô nơm trồm dờng tòm brê, mơ rơndap lŭ hơđang khai dô gơnru dờng ngan. Tòm tŭ jơh ală cau Israel dô rê hơ hìu bol khai dê.

II Samuel 18:17 ပူးပေါင်းရင်းမြစ်များ

II Samuel 19:5

Gen Jôap mut tòm hìu tus hơ bơtau mơ đơs lah: “Ngai do bơtau neh jơm mơ bơta ƀàssìl di muh mat ală cau duh broă bơtau, la ală cau neh dong klàs bơta kis bơtau dê, ală kòn klau mơ ală kòn ùr bơtau dê, bal mơ ală bau ùr mơ ală bau cồng bơtau dê.

II Samuel 19:8

Behơ̆, bơtau ñă ntào mơ lòt tus nggui di mpồng ƀòn dờng. Tòm tŭ làng bol kơno yal lah: “Bơtau neh tus nggui di mpồng ƀòn,” gen jơh mpồl làng bol tus di đap bơtau. Mơ tai, cau Israel neh dô rê hơ hìu bol khai dê.

II Samuel 19:9

Jơh ală làng bol tòm pơndang bal làm jơh tòm jơi bơtiàn Israel dê, lah: “Cau bơtau neh dong tă bol he bơh di tê ală cau sò tơm bol he dê, mơ neh dong tă bol he bơh di tê cau Philistin; mơ tŭ do, bơtau neh dô lik bơh di lơgar tài bơh Apsalôm;

II Samuel 20:1

Tŭ hơ̆ gơs dô nă cau ală alai sơnđan la Seba, kòn klau Bikri, cau Benjamin. Khai uh kơlwòk mơ hòi driau dờng lah: “Bol he ò gơs pơnah lơi mơ Dabit, kung ò gơs phan lơi mơ kòn klau Jese. Ơ Israel, jơh tơl nă rê wơl tĕ hơ sàl he dê!”

II Samuel 20:22

Gen cau ùr hơ̆ tus hơ jơh làng bol mơ bơyai jơnau jak chài khai dê, bol khai koh bồ Seba, kòn klau Bikri, mơ sơrbì Jôap in. Gen Jôap uh kơlwòk, mpồl ling khai dê lik bơh di ƀòn dờng, kòp nă rê wơl hìu bol khai dê. Mơ Jôap rê wơl hơ cau bơtau tòm Jerusalem.

II Ală Bơtau 14:12

Mpồl ling Juda gơkòl mpồl ling Israel lơh gơprah; gen mpồl ling Juda ntoat dô, kòp nă rê wơl hơ sàl he.

II Ală Bơtau 8:21

Tŭ hơ̆, Jôram lòt tus hơ Jair, cèng bal jơh ală rơndeh tòmlơh khai dê. Khai lik lòt tòm trồ mang brồ lơh cau Edôm, mơ ală kwang at bồ rơndeh tòmlơh bol khai dê gam gơrwàng gùt dar khai. Mơya mpồl ling bơtau dê ntoat dô mơ rê hìu bol khai dê.

Jơnau Pơnđik 10:7

Kirsơnre cau song ring geh jòng ro; Mơya sơnđan cau iơh bơsak roh thit mo.

Yal Wơl 21:20

Bol khai rơp đơs mơ ală cau kwang kra lah: ‘Kòn klau do bol hi dê la dô nă kòn kơldang bồ mơ jak tòmdră. Khai ò dòn bơr bol hi. Khai la dô nă kòn klau ơm gơlềng gơlàng jròk ñô sa.’

Yal Wơl 21:21

Gen jơh ală cau klau tòm ƀòn dờng khai dê rơp cơm lŭ tơnchơt khai. Bol mê pal tă sang bơta iơh bơsak bơh digùl bol mê. Jơh Israel rơp kơno bơta hơ̆ mơ rngòt.”

Jôsue 10:27

Tòm tŭ mattơngai mut, Jôsue ai gơnoar sồr cau tơmù ală ƀồc hơ̆ bơh di ală chi mơ sơrbì bol khai tòm rgồng lŭ la tiah bol khai neh pồn să bơh lài. Bol khai dap ală lŭ dờng gam jơl tus di ngai do.

Jôsue 7:26

Mơ rơndap lŭ dô gơnru dờng hơđang ƀồc Akan, gam tus ngai do. Gen Yàng Jehôwa rài bơta gơjrañ duh hơng Kơnràñ dê. Gen tàng, tiah hơ̆ geh sơnđan la thòng Akôr jơl tus di ngai do.

Jôsue 8:29

Khai yồng bơtau Ahi hơđang dô nơm chi jơl tus di mho; tŭ mattơngai mut, Jôsue ai jơnau sồr tơmù ƀồc khai bơh di chi mơ sơrbì gơ di mpồng ƀòn, mơ bol khai rơndap lŭ dô gơnru dờng hơđang gơ gam tềng hơ̆ tus di ngai do.

I Samuel 4:10

Behơ̆ cau Philistin tòmlơh, mơ cau Israel kong alah, mơ bol khai dô rê tòm sàl kòp nă bol khai dê. Gơs bơta tơnchơt la dờng ngan, tềng hơ̆ cau Israel gơpừ chơt pe jơt rbô nă cau ling.