II Samuel 17:20 - Sră Goh 2018

²⁰ Tòm tŭ ală cau Apsalôm dê tus di hìu cau ùr do mơ lùp lah: “Ntềng đah Ahimas mơ Jônathan taih?” Cau ùr ho lah: “Bol khai neh tiă rlau hơ croh dà rau.” Ală cau hơ̆ sơwì jòi mơya ò bàn cau lơi, gen rê wơl hơ Jerusalem.

II Samuel 17:20 ပူးပေါင်းရင်းမြစ်များ

II Samuel 15:34

Mơya dilah mê rê wơl hơ ƀòn dờng mơ đơs mơ Apsalôm lah: ‘Ơ bơtau, bơh lài añ la cau duh broă bèp bơtau dê,’ gen mê rgơi dong añ mơ lơh roh kai gơrmơ̆i Ahitôphel dê.

Lik Ejiptơ 1:19

Ală cau ùr đơng deh ho wơl mơ Pharaôn lah: “Ală cau ùr Hebrơ ò di kung be ală cau ùr Ejiptơ; bơh bol khai pràn rlau mơ deh kòn lài mơ tŭ tus cau đơng deh.”

Lebi 19:11

Bañ ntung kơñau. Bañ đơs blac. Bañ pơrlồm bal mơ gơp.

Ală Kwang Cahrña 4:20

Sisera đơs mơ khai lah: “Ntào tĕ di mpồng sàl, dilah gơs cau lơi tus lùp lah: ‘Tềng do gơs cau lơi sơl?’ gen ho tĕ: ‘Ò gơs.’”

I Samuel 21:2

Dabit ho Ahimelek la cau gơnoar ơn phan duh khoai lah: “Cau bơtau neh sồr añ lơh dô nơm broă mơ neh đơs mơ añ lah: ‘Bañ lòi dô nă cau lơi in git bơh broă añ sồr mê mơ bơh jơnau sồr mbe kòñ lơh broă hơ̆.’ Ai pơnah ală cau añ jê gen añ neh sồr bol khai tìp mat mơ añ tòm dô bă tiah ne.