II Samuel 17:16 - Sră Goh 2018

¹⁶ Behơ̆ tŭ do sồr mo dô nă cau kong sồr lòt yal mơ Dabit lah: ‘Bañ ơm mang đah ƀlàng ngềt ngơt dê; tiă tĕ đah ne bañ lơh òbat, rngòt bơtau mơ ală cau jat bơtau pal kòl sơbơng roh jơh.’”

II Samuel 17:16 ပူးပေါင်းရင်းမြစ်များ

II Samuel 15:14

Gen Dabit đơs mơ jơh ală cau kwang khai dê ơm bal mơ khai tòm Jerusalem lah: “Guh tĕ! Bol he pal dô, dilah ò gen ò gơs cau lơi rgơi geh klàs bơh di tê Apsalôm. Mhar, rngòt khai rơp tus nàng kup bol he, mơ cèng bơta rung rài hơđang bol he, mơ ngui đào brồ lơh ƀòn dờng.”

II Samuel 15:28

Añ rơp ơm gơn đah ƀlàng ngềt ngơt jơl tus di tŭ gơs cau bơh bol mê cèng jơnau yal añ in.”

II Samuel 15:35

Ală cau gơnoar ơn phan duh khoai Jadôk mơ Abiatha ò di rơp ơm tềng hơ̆ bal mơ mê ò ơ? Yal bol khai in git jơnau lơi mê kơno tòm hìu gơlang bơtau dê.

Đơs Crih 35:25

Dan bañ lòi bol khai đơs is lah: “Ha ha, hơ̆ la bơta bol he kơp kòñ!” Dan bañ lòi bol khai đơs lah: “Bol he neh sa loan khai rau.”

Đơs Crih 55:8

Añ rơp sơrbac sơrbang jòi tiah kìng crŭ añ in, bơh di càl dờng Mơ bơh di rbut dờng.”

Đơs Crih 56:2

Jơh ngai mho cau sò tơm jă trơm hơđang añ, Ơ Bơtau Hơđang Rlau Jơh, bơh gơs oă cau tòmlơh tòmdră mơ añ.

Đơs Crih 57:3

Bơh đang trồ Kơnràñ rơp sồr mơ dong klàs añ, Kơnràñ rơp lơh ƀàssìl di ală cau in jă trơm hơđang añ. (Selah) Yàng Tom Trồ rơp sồr bơta kòñ gơboh kơ̆ dơn mơ bơta dòn song Kơnràñ dê tus.

I Kôrintô 15:54

Tòm tŭ să jan òs ồm lề do neh soh să jan ò ồm lề, mơ să jan òs chơt do neh soh să jan ò tŭ lơi chơt, gen rơp gơlik di ngan be jơnau neh cih lah: “Bơta chơt neh kòl bơta pha lin rlau sa loan.”

II Kôrintô 5:4

Bol he rac ròc mơ kơnjơ̆ kơnjut tòm tŭ gam ơm tòm hìu ing do, bơh bol he ò di kòñ hồ bơta do mơya kòñ soh bơta ne tai, nàng bơta lơi òs chơt gơkòl bơta kis sa loan.

I Samuel 20:38

Gen Jônathan đơs dờng lah: “Mhar tĕ! Lòt mhar tĕ! Bañ ơm dơh wơl!” Cau kơnòm dòñ ală kam mơ rê wơl hơ cau tòm khai dê.