II Samuel 17:14 - Sră Goh 2018

¹⁴ Apsalôm mơ jơh Israel đơs lah: “Jơnau bơyai Husai cau Arkit dê la niam rlau mơ jơnau bơyai Ahitôphel dê.” Mơ tai, Yàng Jehôwa neh lơh nền tơnroh jơnau bơyai niam Ahitôphel dê nàng tơndùh bơta rung rài hơđang Apsalôm.

II Samuel 17:14 ပူးပေါင်းရင်းမြစ်များ

Sơnròp Gơlik Gơs 32:28

Cau hơ̆ đơs lah: “Sơnđan mê ò di la Jakôp tai, mơ rơp sơnđan la Israel, tài bơh mê neh tòmpơt mơ Yàng Tom Trồ mơ kòn mơnus, mơ mê neh geh pha.”

II Samuel 15:31

Gơs cau tus yal mơ Dabit lah: “Ahitôphel ơm bal mơ mpồl bơtào tòmdră Apsalôm dê.” Behơ̆ Dabit hòi dan lah: “Khoai Yàng Jehôwa, dan lơh ală jơnau bơyai broă Ahitôphel dê gơlik ò kwơ.”

II Samuel 15:34

Mơya dilah mê rê wơl hơ ƀòn dờng mơ đơs mơ Apsalôm lah: ‘Ơ bơtau, bơh lài añ la cau duh broă bèp bơtau dê,’ gen mê rgơi dong añ mơ lơh roh kai gơrmơ̆i Ahitôphel dê.

II Samuel 16:23

Mơ tai, tòm ală ngai hơ̆, jơnau bơyai Ahitôphel dê la kung be jơnau đơs Yàng Tom Trồ dê. Behơ̆ jơh ală jơnau bơyai Ahitôphel la pal sền dờng màng, Dabit mơ Apsalôm kung sền gŏ behơ̆ sơl.

II Yal Yau 10:15

Behơ̆, bơtau ò iat làng bol, bơh bơta gơpơrlac tòm broă do tus bơh Yàng Tom Trồ nàng Yàng Jehôwa lơh gơlik wil tơl jơnau Kơnràñ neh đơs bơh Ahija cau Silô dê; tòm broă Jerôbôam kòn klau Nebat in.

II Yal Yau 10:8

Mơya Rôbôam sang lòi jơnau bơto sơnio ală cau kra neh yal khai in, mơ lùp bơyai mơ ală cau pơnu dô rơh mơ khai mơ tŭ do duh broă khai in.

II Yal Yau 25:16

Tòm tŭ cau gơnoar hwơr ơm đơs, cau bơtau đơs mơ khai lah: “Bol hi neh pồ bơtào mê lơh gơs dô nă cau bơto sơnio cau bơtau in sơl ơ? Ơm tĕ mŏ mŏ! Ñchi bơh tài mê kòñ chơt taih?” Behơ̆ cau gơnoar hwơr ơm ò đơs tai, mơya đơs bơtơl lah: “Añ git la Yàng Tom Trồ neh lơh nền tơnroh bơtau, tài bơh bơtau neh lơh ală bơta do mơ ò bài iat jơnau bơto tơngkah añ jê.”

II Yal Yau 25:20

Bulah behơ̆, Amajiah ò bài iat, bơh Yàng Tom Trồ lơh tồ jào phi bol khai Jôas in, tài bơh bol khai jòi jat ală yàng Edôm dê.

Nehemi 4:15

Tòm tŭ ală cau sò tơm bol hi dê git bol hi neh git kai gơrmơ̆i bol khai dê, mơ Yàng Tom Trồ neh lơh roh gơprah kai gơrmơ̆i bol khai dê, gen jơh tơl nă bol hi rê wơl hơ dơrñang, kòp nă lơh wơl broă tòm he.

Sră Jop 12:17

Ală cau kwang bơyai broă, lòt jơng gòi; Lơh ală cau kwang cahrña gơlik bơrngơl gơla.

Đơs Crih 9:15

Ală làng bol neh dùh tòm tơrlung bol khai tò. Jơng bol khai neh yar tòm dă bol khai pơt.

Đơs Crih 9:16

Yàng Jehôwa neh yal tơlik să tòm Kơnràñ mơ lơh bơta cahrña; Cau iơh bơsak gơkòl kơt tòm broă tê he lơh. (Higaion. Selah)

Lik Ejiptơ 9:16

Mơya tơnggume Añ lòi mê in gam kis, hơ̆ la nàng sơnio mê in gŏ gơnap gơnoar Añ jê, mơ bơh hơ̆ sơnđan Añ geh pơnro làm jơh plai ù.

Jơnau Pơnđik 19:21

Tòm nùs kòn mơnus gơs oă kai gơrmơ̆i; mơya nùs kòñ Yàng Jehôwa dê rơp gơlik gơs.

Jơnau Pơnđik 21:30

Ò gơs bơta jak chài, bơta git jak, hala kai gơrmơ̆i, mơ rgơi tòmdră jai mơ Yàng Jehôwa.

Esai 8:10

Tòmbơyai tĕ bal mơ gơp, mơya gơ rơp gơlik roh lơm; Đơs tĕ dô jơnau, mơya gơ rơp ò ntào jai; bơh Yàng Tom Trồ ơm bal mơ bol he.

Ñìm Rac 3:37

Ñcau rgơi ai gơnoar sồr mơ bơta hơ̆ geh lơh gơs, dilah ò di Yàng Jehôwa rơndap lơh nền taih?

Amôs 9:3

Bulah bol khai pồn să bol khai dê hơđang bồ mơnơm Karmel, tềng hơ̆ Añ rơp jòi bàn mơ kup bol khai, mơ bulah bol khai pồn bơh di đap mat añ tòm kơnàng dàlềng, tềng hơ̆ Añ rơp sồr bơs dờng tòm dàlềng mơ gơ rơp kap bol khai.

Luka 16:8

Cau tòm jòng ro cau at bồ hìu ò song ring hơ̆, bơh khai neh lơh chài rgơi. Bơh ală kòn rài do dê chài rgơi rlau mơ ală kòn bơta àng dê gơwèt hơ cau tòm pah rài bal mơ bol khai.

I Kôrintô 3:19

Bơh bơta jak chài dunnia dê gơwèt mơ Yàng Tom Trồ la tùl gơla. Be Sră Goh neh cih lah: “Kơnràñ kup ală cau jak chài tòm bơta lac lèo bol khai dê.”

Yal Wơl 2:30

Mơya Sihôn bơtau Hesbôn ò bài lòi bol hi lòt gan lơgar khai dê. Bơh Jehôwa Yàng Tom Trồ bol mê dê neh lơh hwềng khai tòmdră mơ nùs khai kră kơldang tồ jào khai tòm tê bol mê dê tòm toh jat be Kơnràñ neh lơh rau.

Jôsue 11:20

Bơh Yàng Jehôwa neh lơh bol khai in kơldang nùs, nàng bol khai tus tòmdră mơ Israel tòm bơta lơh kơlìn, tồ bol khai pal kong tơnroh jơh, mơ ò rgơi dòp bơta nđàc; mơya pal tơnroh jơh jat be Yàng Jehôwa neh sồr Môise.