II Samuel 16:23 - Sră Goh 2018

²³ Mơ tai, tòm ală ngai hơ̆, jơnau bơyai Ahitôphel dê la kung be jơnau đơs Yàng Tom Trồ dê. Behơ̆ jơh ală jơnau bơyai Ahitôphel la pal sền dờng màng, Dabit mơ Apsalôm kung sền gŏ behơ̆ sơl.

II Samuel 16:23 ပူးပေါင်းရင်းမြစ်များ

II Samuel 15:12

Tòm tŭ Apsalôm ơn ală phan ơn pơdơng, khai kung sồr jà Ahitôphel cau ơm tòm ƀòn Gilôn la cau chài bơyai broă Dabit dê tus bơh Gilô. Kai gơrmơ̆i tòmdră gơguh pràn ngan, mơ mpồl làng bol jat Apsalôm sơlo ngai sơlo bơtơl gal ngan.

II Samuel 15:31

Gơs cau tus yal mơ Dabit lah: “Ahitôphel ơm bal mơ mpồl bơtào tòmdră Apsalôm dê.” Behơ̆ Dabit hòi dan lah: “Khoai Yàng Jehôwa, dan lơh ală jơnau bơyai broă Ahitôphel dê gơlik ò kwơ.”

II Samuel 17:1

Rlau mơ hơ̆ tai, Ahitôphel đơs mơ Apsalôm lah: “Lòi añ sac rwah jơt bàr rbô ling nàng ting jat Dabit tòm mang do.

II Samuel 17:14

Apsalôm mơ jơh Israel đơs lah: “Jơnau bơyai Husai cau Arkit dê la niam rlau mơ jơnau bơyai Ahitôphel dê.” Mơ tai, Yàng Jehôwa neh lơh nền tơnroh jơnau bơyai niam Ahitôphel dê nàng tơndùh bơta rung rài hơđang Apsalôm.

II Samuel 17:23

Tòm tŭ Ahitôphel gŏ cau ò lơh jat jơnau bơyai khai dê gen khai kơt ừn alàng mơ rê wơl hơ hìu khai tòm ƀòn tòm khai dê. Khai rơndap niam hìu khai dê, mơ yồng is să khai. Behơ̆ khai chơt mơ tơp tòm bơtô ƀồc bèp khai dê.

Sră Jop 28:28

Gen Kơnràñ đơs mơ kòn mơnus lah: ‘Duh rngòt di Yàng Jehôwa, hơ̆ la bơta jak chài, mơ pleh ngài bơh bơta iơh, hơ̆ la bơta git wă.’”

Sră Jop 5:12

Kơnràñ tơnroh kai gơrmơ̆i ală cau lac lèo dê, Nàng tê bol khai ò rgơi tòmpìt geh cồng nha.

Đơs Crih 19:7

Bơta boh lam Yàng Jehôwa dê la wil tơl, nàng bơtơl pràn tai hwềng soàn in; Jơnau sồr kràñ cê Yàng Jehôwa dê la kơ̆ nền, lơh cau ò hoan git in gơlik jak chài.

Đơs Crih 28:2

Dan iat jơnau rac dan añ jê, Tòm tŭ añ hòi dan Yàng dong kòl añ, mơ añ pò tê añ jê wèt hơ tiah sàng goh ngan Kơnràñ dê.

Cau Bơto 10:1

Dô nơm rhài chơt lơh ƀô ồm mơñà ƀô bơlhu cau chài crài gơ, kung behơ̆ sơl dô êt bơrngơl lơh ƀơ̆ sơnđan cau jak chài ryŭ ryơm.

Jeremi 4:22

“Bơh làng bol Añ jê tùl gơla, Bol khai ò đal git Añ. Bol khai la kòn sau bơrngơl gơla, Bol khai ò gơs bơta git wă, Bol khai chài rgơi lơh bơta iơh, Mơya ò git mbe lơi lơh bơta niam.”

Jeremi 8:9

Ală cau jak chài rơp gơkòl ƀàssìl, bol khai rơp gơdô nùs, mơ gơkòl kup cèng. Bơh di tŭ bol khai neh sang lòi jơnau Yàng Jehôwa dê; ñchi bơta jak chài gam ơm tòm bol khai taih?

Khà Làng Bol 27:21

Khai pal ntào di đap Eleajar cau gơnoar ơn phan duh khoai, la cau rơp dòp geh jơnau lơh nền bơh khai kơnòm di bơta hòi lùp Urim di đap Yàng Jehôwa. Jat jơnau gơnoar sồr khai dê mơ khai mơ jơh dô mpồl jơnum làng bol cau Israel dê rơp lik lòt, mơ kung jat jơnau gơnoar sồr khai dê mơ bol khai rơp mut wơl.”

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Luka 16:8

Cau tòm jòng ro cau at bồ hìu ò song ring hơ̆, bơh khai neh lơh chài rgơi. Bơh ală kòn rài do dê chài rgơi rlau mơ ală kòn bơta àng dê gơwèt hơ cau tòm pah rài bal mơ bol khai.

Rôma 1:22

Bol khai sơnđan is să he la jak chài, mơya gơlik gơs tùl gơla.

I Pier 4:11

Dilah gơs cau lơi bơto, gen bơto tĕ be bơto yal jơnau Yàng Tom Trồ dê; dilah gơs cau lơi duh broă, gen duh tĕ broă kơnòm di pràn Yàng Tom Trồ ai, nàng Yàng Tom Trồ geh àng sơnđan tòm jơh ală bơta kơnòm di Yàng Jesu Krist. Dan bơta gơklŏ mơ gơnap gơnoar gơrê bal mơ Kơnràñ sùm sùm ò lồi. Amen.

I Samuel 30:8

Mơ Dabit hòi lùp Yàng Jehôwa lah: “Añ pal ting jat mpồl phà kơñau do sơl? Añ rơp bàn bol khai sơl?” Yàng Jehôwa ho lah: “Ting jat tĕ, ngan mê rơp bàn bol khai mơ rgơi dong tă ală cau kòl kup.”