II Samuel 16:22 - Sră Goh 2018

²² Behơ̆, cau bơtào Apsalôm in dô nơm sàl hơđang rkàng ring hìu gơlang dê, mơ khai bic mơ ală bau ùr cồng bèp khai di đap mat jơh Israel.

II Samuel 16:22 ပူးပေါင်းရင်းမြစ်များ

Sơnròp Gơlik Gơs 35:22

Tòm tŭ Israel ơm tòm lơgar hơ̆, gen Ruben lòt bic mơ Bilha, bau cồng bèp khai dê, mơ Israel git bơta hơ̆.

II Samuel 11:2

Gơlik gơs tòm dô mho ne, tòm tŭ Dabit guh bơh cơnòng bic khai dê mơ lòt yơng hơđang rkàng gơlang bơtau, mơ khai gŏ dô nă cau ùr ơm um; cau ùr hơ̆ hàng mơnĕ ngan.

II Samuel 15:16

Behơ̆ bơtau lik lòt mơ jơh hìu nhă bơtau dê lòt jat; mơya khai lòi wơl jơt nă bau ùr cồng nàng sền gàr hìu gơlang.

II Samuel 20:3

Dabit neh rê wơl hơ gơlang khai dê tòm Jerusalem, khai kup jơt nă bau ùr cồng mơ khai neh lòi wơl nàng sền gàr gơlang, mơ ơn bol khai tòm dô nơm hìu gơs cau kơp gàr, mơ ai phan ròng siam bol khai, mơya ò lòt tus mơ bol khai; bol khai gơkòl krơ̆ jơl tus di ngai chơt, mơ kis be ùr bơnrau.

Esai 3:9

Muh mat bol khai lơh cơng tòmdră wơl mơ bol khai; bol khai ràng tơlik tồi glài bol khai dê be Sôdôm neh lơh; bol khai ò rgơi pồn gơ. Bòl glar bol khai in! Bơh bol khai neh cèng bơta rung rài hơđang să tòm bol khai.

Jeremi 3:3

Behơ̆ tàng mìu nhàc neh kòl krơ̆ wơl, mơ mìu bồ sơnam kung ò tus. Mơya mê gam pò bìng liang kung be cau ùr dri tơlàr; Ò git ƀàssìl.

Jeremi 8:12

Bol khai neh lơh broă ƀàssìl ngan, bol khai tìs bơta cù kìr, mơya bol khai ò git ƀàssìl ƀàsso bol khai ò gơlơh dum mat sơl. Behơ̆ gen tàng, bol khai rơp gơpừ bal mơ ală cau gơtup pừ. Tus di ngai Añ lơh glài bol khai, bol khai rơp kong tuh tơlup.’” Yàng Jehôwa đơs behơ̆.

Ejekiel 24:7

Bơh mhàm mơ khai neh lơh gơhòr gam ơm tòm dơlam gơ; Khai neh ơn gơ hơđang dô pơnai lŭ mpòl; khai ò tuh gơtòm ù nàng bồr gơ mơ ù.

Khà Làng Bol 25:6

Tŭ hơ̆, dô nă cau klau Israel cèng tơmut tòm hìu nhă khai dê dô nă cau ùr Midian di đap mat Môise mơ jơh dô mpồl jơnum Israel dê, tòm tŭ bol khai ơm ñìm rac di tiah mpồng mut Sàl Tòm Mat dê.

Philip 3:19

Bơta lồi dut bol khai dê la bơta roh rui, yàng bol khai dê la kơndul, bơta gơklŏ bol khai dê hơ̆ la bơta ƀàssìl ƀàsso bol khai dê, bol khai mìng kơlôi bơh broă dunnia dê lơm.