II Samuel 16:10 - Sră Goh 2018

¹⁰ Mơya bơtau ho lah: “Ơ ală kòn klau Jeruya, ñchi bơta gơkoă digùl bol mê mơ añ taih? Dilah khai srat rma gen hơ̆ la Yàng Jehôwa neh đơs mơ khai lah: ‘Srat rma tĕ Dabit.’ Behơ̆ ñcau rgơi lùp lah: ‘Ñchi bơh tài mê lơh behơ̆ taih?’”

II Samuel 16:10 ပူးပေါင်းရင်းမြစ်များ

Sơnròp Gơlik Gơs 50:20

Ală bi kòñ lơh iơh di añ, mơya Yàng Tom Trồ lơh wơl bơta kwơ añ in, nàng sền gàr bơta kis oă làng bol in, kung be neh gơlik gơs ngai do.

II Samuel 19:22

Dabit ho lah: “Ơ ală kòn klau Jeruyah dê, ñchi bơta añ pal lơh mơ bol mê taih? Mơ ngai do bol mê neh gơlik gơs cau lơh bòl glar di añ, dô nă cau tòm Israel ngai do pal kong tơnchơt sơl ơ? Añ ò git lah ngai do añ la bơtau at bồ Israel ò ơ?”

II Samuel 19:23

Behơ̆, bơtau đơs mơ Simei lah: “Mê rơp ò chơt.” Mơ cau bơtau srat să ho bal mơ khai.

II Samuel 3:39

Mơ tòm ngai do añ ò tơl pràn, bulah añ neh geh bong mơñà nàng lơh gơs bơtau, mơ ală cau do la kòn klau Jeruyah bol khai jàñ bơsak ir añ in. Dan Yàng Jehôwa tơm wơl cau lơh bơta iơh in jat ală broă iơh khai dê!”

I Ală Bơtau 17:18

Gen cau ùr đơs mơ Eli lah: “Ơ cau Yàng Tom Trồ dê, ñchi bơta ồng tòmdră mơ añ taih? Ồng neh tus tòm hìu añ nàng tơngkah wơl ală tồi glài añ jê nàng tơnchơt kòn añ sơl?”

I Ală Bơtau 2:5

Rlau mơ hơ̆ tai, kòn git ñchi bơta Jôap kòn klau Jeruya neh lơh di añ, mbe khai neh lơh di bàr nă cau kwang at bồ ling Israel dê, la Apner kòn klau Ner, mơ Amasa kòn klau Jether. Khai la cau tơnchơt cau, sal tê tòm tŭ gơs ring lơngai, bơh mhàm neh gơhòr tòm bơta kơlìn gơtoă, mơ lơh mhàm bơta kơlìn gơtoă gơđềt di che kơt but mơ di khŏ di jơng khai dê.

II Ală Bơtau 18:25

Rlau mơ hơ̆, ò di jat gơnoar sồr Yàng Jehôwa dê mơ añ neh tus nàng tòmdră mơ phà tơnroh tiah do ò ơ? Yàng Jehôwa neh đơs mơ añ lah: Guh tĕ nàng tòmlơh mơ lơgar do, mơ phà tơnroh gơ.”

Sră Jop 9:12

Dilah Kơnràñ sơmbat kup, ñcau rgơi kơryan Kơnràñ taih? Ñcau rơp đơs mơ Kơnràñ lah: ‘Ñchi Yàng lơh taih?’

Đơs Crih 39:9

Añ lơh be kloat, ò pò bơr, Tài bơh Yàng neh lơh broă hơ̆.

Cau Bơto 8:4

Bơh jơnau đơs cau bơtau dê gơs gơnoar ngan; mơ ñcau khin đơs mơ khai lah: “Ñchi mê lơh taih?”

Ñìm Rac 3:37

Ñcau rgơi ai gơnoar sồr mơ bơta hơ̆ geh lơh gơs, dilah ò di Yàng Jehôwa rơndap lơh nền taih?

Daniel 4:35

Jơh ală làng bol tòm ù kòl sền be ò gơs bơta lơi. Kơnràñ lơh jat nùs kòñ Kơnràñ dê digùl ală gơnoar hơđang trồ, mơ digùl ală làng bol tòm ù; Ò gơs cau lơi rgơi kơryan tê Kơnràñ Hala lùp Kơnràñ lah: “Ñchi bơh tài Kơnràñ neh lơh behơ̆ taih?”

Mathiơ 16:23

Mơya Kơnràñ wơlke đơs mơ Pier lah: “Ơ cà Satan, ruc tĕ tơnơ̆ Añ! Mê lơh kai gơtup tìs Añ in, bơh nùs kơlôi mê ò gơwèt hơ broă Yàng Tom Trồ, mơya gơwèt hơ broă kòn mơnus dê.”

Mathiơ 8:29

Chòp bol khai hòi driau lah: “Ơ Kòn Yàng Tom Trồ, gơs ñchi jơnau digùl bol hi mơ Kơnràñ taih? Kơnràñ tus nàng lơh bòl glar bol hi lài mơ tŭ tus di tơngai lơh nền ơ?”

Jang 18:11

Behơ̆ Yàng Jesu đơs mơ Pier lah: “Srồm tĕ đào mê tòm sơmprồm; mơngàn mơ Bèp neh ai Añ in, Añ ò di ñô ò ơ?”

Rôma 9:20

Mơya, ơ cau ne, mê la ñcau mơ khin pơndang wơl mơ Yàng Tom Trồ taih? Dô nơm gri mơ ù rgơi đơs tơrwơl mơ cau mòn gơ lah: “Ñchi bơh tài mê neh mòn añ be do sơl ơ?”

I Pier 2:23

Tòm tŭ Kơnràñ kong cau lah sơrpah, gen Kơnràñ ò lah sơrpah wơl; tòm tŭ kong bòl glar jê sồt, gen ò đơs pơhìn, mơya Kơnràñ kư̆ jào phi să tòm Kơnràñ dê Bơtau cahrña dô bă song ring.

I Samuel 26:19

Tŭ do, dan cau tòm añ jê la bơtau ơm iat ală jơnau cau duh broă bơtau dê. Dilah Yàng Jehôwa neh chồl bơtrut bơtau tòmdră mơ añ, gen dan Kơnràñ dòp dô nơm phan ơn. Mơya dilah hơ̆ la kòn mơnus neh lơh bơta hơ̆, dan bol khai kòl srat rma di đap Yàng Jehôwa! Bơh bol khai neh bơtrơh tơlik añ ngai do bơh di pơnah añ jê tòm sre brê Yàng Jehôwa dê. Bol khai đơs lah: ‘Lòt tĕ, duh broă ală yàng ndai.’