II Samuel 16:1 - Sră Goh 2018

¹ Tòm tŭ Dabit neh lòt sơrlèt ngài dô êt đah ne mơnơm, gen Jiba cau duh broă Mephibôset dê, ơm gơn nàng tìp mat bơtau. Khai gơs bàr nơm alàng pơdiang bàr rhiang nơm piang lă, dô rhiang nơm piang lă dềt mơ plai ño, dô rhiang nơm piang lă dềt mơ plai ƀal, mơ dô nhồng gơltau tơrnòm ño.

II Samuel 16:1 ပူးပေါင်းရင်းမြစ်များ

II Samuel 15:30

Mơya Dabit kư̆ hào mơnơm Ôlibe, lòt ndang ñìm ndang, bồ gòm mơ lòt jơng gòi. Jơh ală cau lòt bal kung gòm bồ mơ ñìm tòm tŭ guh mơnơm.

II Samuel 15:32

Tòm tŭ Dabit neh tus hơđang bồ mơnơm, di tiah cau òs pơjum duh khoai Yàng Tom Trồ, gen Husai cau Arkit gơs tềng hơ̆ nàng tìp mat mơ bơtau, ào khai neh gơcrè sèt mơ bồ khai bềng thul ơmul.

II Samuel 19:17

Gơs dô rbô nă cau Benjamin lòt jat bơtau. Mơ Jiba la cau duh broă hìu Sol dê, bal mơ jơt pram nă kòn klau khai dê, mơ bàr jơt nă cau duh broă khai dê. Bol khai lòt mhar tus di hiòng Jordan lài mơ bơtau.

II Samuel 19:32

Barjilai neh jòng sơnam ngan, khai neh phàm jơt sơnam. Khai neh rcang phan sa bơtau in tòm ală ngai bơtau ơm tòm Mahanaim, bơh khai la cau pas gơs ngan.

I Yal Yau 12:40

Ală cau gơp ƀòn bol khai dê ơm ngài kung be cau Issaka, Jebulun mơ Neptali kung tus mơ cèng bal phan sa pơdiang hơđang ngkòi ală alàng, làkđa, alàng ơseh mơ kơnrồ. Gơs lìu làc ală phan neh rcang kung be kơmbuh kòi mi, ƀañ plai ƀal, ƀañ plai ño, tơrnòm, mơñà, kơnrồ mơ belàt, bơh gơs bơta hòn chò tòm Israel.

Jơnau Pơnđik 18:16

Phan pà cau dê pò mpồng khai in, Lam khai tus di đap cau dờng ryŭ.

Jeremi 40:10

Đah mơ añ do, añ rơp ơm tòm Mispa, nàng ala mat bol mê tìp mơ ală cau Kalde rơp tus tềng do. Mơya ală bol mê tơrgòm tĕ tơrnòm ño, plai đo kơnhai prang mơ mơñà; ơn tĕ tòm gri bol mê dê, mơ ơm tòm ală ƀòn he neh tòmpìt geh.”

Jeremi 40:12

Ală cau Juda hơ̆ bơh ală tiah he neh kong bơtrơh tus rê wơl tòm lơgar Juda, lòt tus mơ Gedalia tòm Mispa, tơrgòm tơrnòm mơ plai đo tòm kơnhai prang oă ngan.

Amôs 8:1

Do la bơta mơ Jehôwa Yàng Tom Trồ neh sơnio añ in sền gŏ: dô nơm bài ơn plai chi kơnhai prang duh.

Mice 7:1

Bòl glar añ in! Bơh añ be dô nă cau dòñ plai tơnơ̆ mơ kơnhai prang, tơnơ̆ mơ tŭ cau neh pic plai ño neh dòñ plai ño; ò gơs dô dơrkum lơi nàng sa, plai ƀal bồ sơnam mơ hwềng nùs añ kơp kòñ kung ò geh.

I Samuel 10:3

Gen mê rơp lòt bơh tềng hơ̆ mơ tus hơ tòm cha tòm Thabôr. Tềng hơ̆ mê rơp tìp pe nă cau klau lòt gùng guh hơ Yàng Tom Trồ tòm Betel, dô nă cèng pe nơm be kòn, dô nă cèng pe nơm piang lă, mơ dô nă tai cèng dô nơm nhồng gơltau tơrnòm.

I Samuel 16:20

Behơ̆ Jese ai piang lă, dô nhồng gơltau tơrnòm, mơ dô nơm be kòn, mơ pơdiang hơđang dô nơm alàng mơ pơyoa bal mơ Dabit kòn klau khai dê tus hơ Sol.

I Samuel 25:18

Gen Abigail sơrbac sơrbang mơ ai bàr rhiang nơm piang lă, bàr nhồng gơltau tơrnòm, pram nơm belàt neh lơh poac, pram thùng gar ceh, dô rhiang nơm ƀañ plai ño mơ bàr rhiang nơm ƀañ plai ƀal ro. Khai dap jơh hơđang ngkòi alàng