II Samuel 15:31 - Sră Goh 2018

³¹ Gơs cau tus yal mơ Dabit lah: “Ahitôphel ơm bal mơ mpồl bơtào tòmdră Apsalôm dê.” Behơ̆ Dabit hòi dan lah: “Khoai Yàng Jehôwa, dan lơh ală jơnau bơyai broă Ahitôphel dê gơlik ò kwơ.”

II Samuel 15:31 ပူးပေါင်းရင်းမြစ်များ

II Samuel 15:12

Tòm tŭ Apsalôm ơn ală phan ơn pơdơng, khai kung sồr jà Ahitôphel cau ơm tòm ƀòn Gilôn la cau chài bơyai broă Dabit dê tus bơh Gilô. Kai gơrmơ̆i tòmdră gơguh pràn ngan, mơ mpồl làng bol jat Apsalôm sơlo ngai sơlo bơtơl gal ngan.

II Samuel 16:23

Mơ tai, tòm ală ngai hơ̆, jơnau bơyai Ahitôphel dê la kung be jơnau đơs Yàng Tom Trồ dê. Behơ̆ jơh ală jơnau bơyai Ahitôphel la pal sền dờng màng, Dabit mơ Apsalôm kung sền gŏ behơ̆ sơl.

II Samuel 17:14

Apsalôm mơ jơh Israel đơs lah: “Jơnau bơyai Husai cau Arkit dê la niam rlau mơ jơnau bơyai Ahitôphel dê.” Mơ tai, Yàng Jehôwa neh lơh nền tơnroh jơnau bơyai niam Ahitôphel dê nàng tơndùh bơta rung rài hơđang Apsalôm.

II Samuel 17:23

Tòm tŭ Ahitôphel gŏ cau ò lơh jat jơnau bơyai khai dê gen khai kơt ừn alàng mơ rê wơl hơ hìu khai tòm ƀòn tòm khai dê. Khai rơndap niam hìu khai dê, mơ yồng is să khai. Behơ̆ khai chơt mơ tơp tòm bơtô ƀồc bèp khai dê.

II Samuel 17:5

Mơya Apsalôm đơs lah: “Kung jà tĕ Husai cau Arkit tus tồ bol he in iat ñchi jơnau khai đơs.”

II Samuel 17:7

Husai ho mơ Apsalôm lah: “Dơ̆ do, jơnau bơyai Ahitôphel dê la ò niam.

Sră Jop 5:12

Kơnràñ tơnroh kai gơrmơ̆i ală cau lac lèo dê, Nàng tê bol khai ò rgơi tòmpìt geh cồng nha.

Đơs Crih 109:3

Bol khai ai jơnau gơjrañ kơuềng mơ sòdră di añ, Mơ brồ lơh añ ò bồ.

Đơs Crih 3:1

Ơ Yàng Jehôwa! Cau sò tơm dê añ neh gơbơtơl oă ò git nđò! Gơs oă cau bơtào tơngguh sò tơm dê añ!

Đơs Crih 41:9

Tus di cau bơyô đềt mềr añ jê mơ nùs añ dòn kơnòm, La cau neh sa piang lă añ jê, khai kung pò kơndòl jơng sò tơm di añ.

Đơs Crih 55:10

Ngai mơ mang bol khai lòt gùt dar gơ hơđang dơrñang ƀòn; Bơta lơh iơh mơ bơta bòl glar ơm digùl ƀòn;

Đơs Crih 55:12

Bơh ò di la cau sò tơm bơtat bơtròh añ, dilah behơ̆ añ rgơi kong jai; Kung ò di la cau sòdră di añ bơtào tơngguh tòmdră di añ dô bă pơnhừ să, Dilah behơ̆ añ rgơi pồn să bơh di khai.

Esai 19:3

Cau Ejiptơ rơp gơdô nùs, mơ Añ rơp lơh roh tơnggume broă bol khai dê; bol khai hòi lùp ală rùp ràk mơ ală hwềng cau chơt, ală cau bơjơu mơ ală cau sền dà.

Esai 44:25

Añ la Bơtau neh tơnroh ală tềl ală cau gơnoar hwơr ma blac, mơ lơh ală cau đơs hwơr gơlik cau bơrngơl gơla; la Bơtau neh tă sang bơta jak chài mơ lơh cau git wă bol khai gơlik gơs tùl gơla,

Jang 13:18

Añ ò đơs bơh jơh tơl nă bol mê ò, Añ git ală cau Añ neh sac; mơya nàng gơlik di ngan be Sră Goh cih lah: ‘Cau sa piang lă Añ jê yò kơndòl jơng sò Añ wơl.’

I Kôrintô 1:20

Ntềng đah cau jak chài taih? Ntềng đah cau bơtê oă taih? Ntềng đah cau jak pơndang rài do dê taih? Ò di la Yàng Tom Trồ neh lơh bơta jak chài dunnia do gơlik tùl gơla ò ơ?

Jakơ 3:15

Bơta jak chài hơ̆ ò di bơh đang jòng; mơya bal mơ dunnia, òs kòn mơnus dê, cà ràk dê.