II Samuel 15:24 - Sră Goh 2018

²⁴ Abiatha lòt lài, kung gơs Jadôk bal mơ jơh ală cau Lebi tùng Đài Bơta Ho Bal Yàng Tom Trồ dê. Bol khai ơn Đài Bơta Ho Bal Yàng Tom Trồ dê hơđang ù jơl tus di tŭ jơh làng bol neh lik bơh di ƀòn dờng.

II Samuel 15:24 ပူးပေါင်းရင်းမြစ်များ

II Samuel 15:27

Bơtau kung đơs mơ Jadôk cau gơnoar ơn phan duh khoai lah: “Rê wơl tĕ lơngap lơngai tòm ƀòn dờng, mê bal mơ Abiatha bal mơ bàr nă kòn klau mê dê, Ahimas kòn klau mê, mơ Jônathan kòn Abiatha.

II Samuel 15:35

Ală cau gơnoar ơn phan duh khoai Jadôk mơ Abiatha ò di rơp ơm tềng hơ̆ bal mơ mê ò ơ? Yal bol khai in git jơnau lơi mê kơno tòm hìu gơlang bơtau dê.

II Samuel 20:25

Seba lơh gơs cau gơnoar cih; Jadôk mơ Abiatha lơh gơs cau gơnoar ơn phan duh khoai;

II Samuel 6:13

Tòm tŭ ală cau tùng Đài Yàng Tom Trồ dê lòt prau cơnđòa gen Dabit ơn dô nơm kơnrồ dam mơ dô nơm kơnrồ lơmă.

II Samuel 8:17

Jadôk kòn klau Ahitup, mơ Ahimelek kòn klau Abiatha la ală cau gơnoar ơn phan duh khoai; Jeruyah la cau gơnoar cih;

I Ală Bơtau 1:8

Mơya Jadôk cau gơnoar ơn phan duh khoai mơ Benayah kòn klau Jehôyada, Nathan cau gơnoar hwơr, Simei, Rei, mơ ală cau ling gàr să Dabit, ò jat đah Adônija.

I Ală Bơtau 2:26

Gơwèt hơ cau gơnoar ơn phan duh khoai Abiatha, cau bơtau đơs lah: “Rê wơl tĕ hơ sre brê mê dê tòm Anatôt. Mê di pal kong chơt, mơya añ rơp ò tơnchơt mê tòm ngai do tài bơh mê neh tùng Đài Bơta Ho Bal Jehôwa Yàng Tom Trồ di đap Dabit bèp añ jê, mơ neh kong jơh ală bơta bòl glar bal mơ bèp añ jê.”

I Ală Bơtau 2:35

Cau bơtau pồ bơtào Benayah kòn klau Jehôyada lơh gơs kwang dờng at bồ mpồl ling ala Jôap, mơ Jadôk lơh gơs cau gơnoar ơn phan duh khoai ala Abiatha.

I Yal Yau 15:2

Gen Dabit ò ai gơnoar sồr cau lơi rlau mơ cau Lebi nàng tùng Đài Yàng Tom Trồ dê, tài bơh Yàng Jehôwa neh sac rwah bol khai nàng tùng Đài Yàng Jehôwa dê mơ duh broă di đap Kơnràñ gam sùm sùm.

Ejekiel 48:11

Hơ̆ la pơnah ơn is ală cau gơnoar ơn phan duh khoai in la kòn sau Jadôk, la ală cau dòn song duh broă Añ jê mơ ò gŏ lòt tìs nrah kung be ală cau Lebi neh lòt tòm tŭ làng bol Israel lòt tìs nrah.

Khà Làng Bol 4:15

Tơnơ̆ mơ tŭ Arôn mơ ală kòn klau khai dê neh sir jơm tiah sàng goh mơ ală phan ngui sàng goh sir rau, tŭ hơ̆ sàl ơm neh rcang sir nàng tă cèng, ală cau Kôhat pal tus nàng tùng ală phan do. Mơya bol khai ò di ƀư ală phan sàng goh rngòt bol khai pal kong chơt mòn. Ală cau Kôhat pal tùng ală phan tòm Sàl Tòm Mat.

Khà Làng Bol 7:9

Mơya Môise ò gŏ ai rơndeh lơi ală cau Kôhat in, tài bơh bol khai pal tùng hơđang pơnì bol khai dê ală phan sàng goh mơ bol khai gơs broă tòm rcang gàr.

Jôsue 3:3

mơ ai jơnau sồr làng bol lah: “Tòm tŭ bol mê gŏ ală cau gơnoar ơn phan duh khoai bal mơ ală cau Lebi tùng Đài Bơta Ho Bal Jehôwa Yàng Tom Trồ bol mê dê, gen bol mê pal tă sàl bol mê dê mơ lòt jat gơ,

Jôsue 3:6

Jôsue đơs mơ ală cau gơnoar ơn phan duh khoai lah: “Tùng tĕ Đài Bơta Ho Bal lòt lài mơ làng bol.” Behơ̆, bol khai tùng Đài Bơta Ho Bal mơ lòt lài mơ làng bol.

Jôsue 6:4

mơ poh nă cau gơnoar ơn phan duh khoai at poh nơm kơlwòk ngke belàt dam lòt hơđap Đài Bơta Ho Bal. Tòm ngai poh bol mê lòt tĕ gùt dar ƀòn tòm poh dơ̆, mơ ală cau gơnoar ơn phan duh khoai uh kơlwòk.

Jôsue 6:6

Behơ̆ Jôsue kòn klau Nun hòi ală cau gơnoar ơn phan duh khoai mơ đơs mơ bol khai lah: “Tùng tĕ Đài Bơta Ho Bal Yàng Jehôwa dê mơ gơs poh nă cau gơnoar ơn phan duh khoai at poh nơm kơlwòk ngke belàt dam lòt hơđap Đài Yàng Jehôwa dê.”

I Samuel 22:20

Mơya Abiatha, dô nă kòn klau Ahimelek kòn klau Ahitup dê dô klàs mơ lòt tus jat Dabit.

I Samuel 4:11

Đài Bơta Ho Bal Yàng Tom Trồ dê gơkòl kup cèng, mơ bàr nă kòn klau Heli dê la Hôpni mơ Phineas kong tơnchơt.