II Samuel 15:15 - Sră Goh 2018

¹⁵ Ală cau kwang bơtau dê đơs mơ bơtau lah: “Ală cau dĭ gơna bơtau dê neh rcang sir nàng lơh jat jơh ală bơta cau tòm bol hi la bơtau lơh nền.”

II Samuel 15:15 ပူးပေါင်းရင်းမြစ်များ

II Samuel 15:14

Gen Dabit đơs mơ jơh ală cau kwang khai dê ơm bal mơ khai tòm Jerusalem lah: “Guh tĕ! Bol he pal dô, dilah ò gen ò gơs cau lơi rgơi geh klàs bơh di tê Apsalôm. Mhar, rngòt khai rơp tus nàng kup bol he, mơ cèng bơta rung rài hơđang bol he, mơ ngui đào brồ lơh ƀòn dờng.”

II Samuel 15:16

Behơ̆ bơtau lik lòt mơ jơh hìu nhă bơtau dê lòt jat; mơya khai lòi wơl jơt nă bau ùr cồng nàng sền gàr hìu gơlang.

II Samuel 9:11

Gen Jiba đơs mơ bơtau lah: “Cau duh broă bơtau dê rơp lơh jơh ală bơta bơtau la cau tòm añ jê neh sồr añ lơh.” Mephibôset sa di cơnòng Dabit dê kung be dô nă kòn klau bơtau dê.

Jơnau Pơnđik 18:24

Gơlơh be geh oă bơyô rơp lơh iơh he in; Mơya gơs mìng dô nă bơyô ngan đềt mềr rlau mơ oh mi tòm.

Jang 15:14

Dilah bol mê lơh jat bơta Añ bơto sồr, gen bol mê la bơyô Añ jê.

I Samuel 14:7

Cau ling àñ phan tòmlơh khai dê đơs lah: “Lơh tĕ jơh ală bơta jat be ồng kơlôi kòñ, añ ơm bal mơ ồng; bơta kơlôi sơnơng ồng dê la bơta kơlôi sơnơng añ jê sơl.”