II Samuel 14:3 - Sră Goh 2018

³ Gen lòt tus tĕ hơ cau bơtau mơ đơs mơ khai ală jơnau do.” Mơ Jôap ơn tòm bơr khai ală jơnau khai pal đơs.

II Samuel 14:3 ပူးပေါင်းရင်းမြစ်များ

II Samuel 14:19

Bơtau lùp lah: “Ngan sơl la tê Jôap neh lơh broă do bal mơ ai ơ?” Cau ùr ho lah: “Di ngan kung be bơtau kis, ơ cau tòm añ jê la bơtau, ò gơs cau lơi rgơi pơrlac đah ma hala đah kiau bơh di jơnau lơi mơ cau tòm añ jê neh đơs. Ngan, hơ̆ la Jôap, cau duh broă bơtau dê neh bơto añ lơh bơta do, mơ neh ơn ală jơnau đơs do tòm bơr cau duh broă bơtau dê.

II Samuel 14:4

Tòm tŭ cau ùr bơh Tekôa lòt tus hơ cau bơtau, khai tơmbic să tòm ù mơ khoai, mơ đơs lah: “Khoai bơtau, dan dong kòl añ!”

Ejra 8:17

mơ añ sồr bol khai lòt tus hơ Idô la cau at bồ tòm tiah sơnđan Kasipha, sồr bol khai mbe pal đơs mơ Idô bal mơ ală gơp bơtiàn khai dê la ală cau duh broă tòm hìu duh khoai tòm Kasipha, tồ bol khai lam ală cau duh broă tòm hìu Yàng Tom Trồ bol he dê tus mơ bol he.

Lik Ejiptơ 4:15

Mê rơp đơs mơ khai, mơ ơn ală jơnau đơs tòm bơr khai dê. Añ rơp dong kòl bàr nă bol mê tòm tŭ đơs, mơ rơp bơto mê bơta pal lơh.

Esai 51:16

Añ neh ơn ală jơnau đơs Añ jê tòm bơr bol mê, mơ neh pồn bol mê tòm mƀur mpàng tê Añ jê. Añ neh lì ală tap trồ, mơ neh lă ală mơnàng plai ù dê, mơ đơs mơ Siôn lah: ‘Bol mê la làng bol Añ jê.’”

Esai 59:21

Yàng Jehôwa đơs lah: “Đah mơ Añ, do la bơta ho bal Añ neh bơt bơtào mơ bol khai. Hwềng Añ la Bơtau ơm hơđang bol mê, mơ ală jơnau Añ neh ơn tòm bơr bol mê rơp ò lik bơh di bơr bol mê, hala bơh di bơr kòn sau bol mê, hala bơh di bơr kòn sau bol khai dê bơh tŭ do jơl tus sùm sùm,” Yàng Jehôwa đơs behơ̆.

Jeremi 1:9

Gen, Yàng Jehôwa pò tê ƀư di bơr añ, Yàng Jehôwa đơs tai mơ añ lah: “Do, Añ rơp ơn ală jơnau Añ tòm bơr mê.

Khà Làng Bol 23:5

Yàng Jehôwa ơn dô jơnau sồr tòm bơr Balaam dê mơ đơs lah: “Rê wơl tĕ mơ Balak mơ yal khai in git jơnau sồr do.”

Yal Wơl 18:18

Añ rơp bơtào tơngguh bol khai in dô nă cau gơnoar hwơr tòm toh kung be mê bơh digùl ală oh mi bol khai dê; Añ rơp ơn ală jơnau đơs Añ jê tòm bơr khai dê, mơ khai rơp yal bol khai in kòp jơnau Añ sồr khai.