II Samuel 14:25 - Sră Goh 2018

²⁵ Tòm jơh Israel ò gơs dô nă cau lơi geh jòng ro bơh bơta niam klau be Apsalôm. Bơh hơđang bồ tus di kơndòl jơng khai dê ò gŏ jòi bàn dô nơm tềl sồt lơi tòm să khai.

II Samuel 14:25 ပူးပေါင်းရင်းမြစ်များ

I Ală Bơtau 1:6

Bèp khai ò tŭ lơi kơryan hala lùp khai lah: “Ñchi bơh tài mê lơh bơta be do taih?” Mơ tai, Adônija kung hàng klau ngan, deh tơnơ̆ mơ Apsalôm.

Sră Jop 2:7

Behơ̆ Satan lik lòt bơh di đap Yàng Jehôwa, mơ lơh Jop in jê sồt toh sa mồr gơlik bơh kơndòl jơng tus di cồng bồ khai dê.

Jơnau Pơnđik 31:30

Bơta hèr niam la ma blac, bơta hàng mơnĕ la roh lơm; mơya cau ùr lơi duh rngòt di Yàng Jehôwa rơp geh Jòng ro.

Esai 1:6

Bơh kơndòl jơng jơl tus di bồ, ò gơs tiah lơi gam niam, mìng gơs tềl sồt, tềl brơp, mơ tềl sồt mhàm ur pù lơh, òhềt rañ, hala pồt sơm, hala bong mơñà nàng geh rài bơta jê sồt.

Ejekiel 23:15

gơs ală che gơltau kơt di but mơ ală chèo pùt di bồ, jơh ală bol khai sền gơlơh be ală cau kwang, be ală cau Babilôn lơgar tòm la Kalde.

Daniel 1:4

ală cau pơnu gơs să jan ò sồt rmàñ, muh mat hàng mơnĕ gơs tơl ală bơta jak chài, àng loh, git wă, chài rgơi duh broă tòm gơlang bơtau, mơ bơto bol khai in cih mơ đơs jơnau Kalde dê.

Mathiơ 23:27

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê be bơtô ƀồc pih cùr bò, đah bơdìh hàng mơnĕ, mơya tòm dơlam bềng ntìng cau chơt mơ jơh ală bơta ƀơ̆ ƀơl.

Ephesô 5:27

nàng Kơnràñ ràng tơlik di đap Kơnràñ Hìu Jum Goh la gơklŏ, ò gơs tềl ƀơ̆, ò gơkrồn, ò gơs phan lơi tòm toh behơ̆, mơya sàng goh, ò gơs tiah geh lah pơrhơng.

Yal Wơl 28:35

Yàng Jehôwa rơp ngui toh kiat jê sồt ngan gơlơh bòl glar di gơltang mơ jơng bol mê mơ bol mê ò geh sơmbòi, gơ rơp sa rì bơh di kơndòl jơng bol mê dê tus hơ cồng bồ bol mê dê.

I Samuel 16:7

Mơya Yàng Jehôwa đơs mơ Samuel lah: “Bañ sền di rùp să hala bơta dờng jơnhoa khai dê, tài bơh Añ neh ò dòp khai; bơh Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.”

I Samuel 9:2

Khai gơs dô nă kòn klau sơnđan la Sol, gam pơnu mơ niam klau. Ò gơs dô nă cau lơi digùl làng bol Israel niam klau rlau mơ khai; khai ntào bồ khai mơ pơnì jơnhoa rlau mơ jơh ală cau ndai.