II Samuel 14:19 - Sră Goh 2018

¹⁹ Bơtau lùp lah: “Ngan sơl la tê Jôap neh lơh broă do bal mơ ai ơ?” Cau ùr ho lah: “Di ngan kung be bơtau kis, ơ cau tòm añ jê la bơtau, ò gơs cau lơi rgơi pơrlac đah ma hala đah kiau bơh di jơnau lơi mơ cau tòm añ jê neh đơs. Ngan, hơ̆ la Jôap, cau duh broă bơtau dê neh bơto añ lơh bơta do, mơ neh ơn ală jơnau đơs do tòm bơr cau duh broă bơtau dê.

II Samuel 14:19 ပူးပေါင်းရင်းမြစ်များ

II Samuel 11:11

Uria đơs mơ Dabit lah: “Đài Bơta Ho Bal mơ Israel mơ Juda gam ơm tòm sàl, mơ cau tòm añ jê la Jôap bal mơ ală cau duh broă cau tòm añ jê, gam sơntơp sàl tòm ƀlàng, mbe añ rgơi mut tòm hìu añ jê, ñô sa mơ bic mơ bau ùr añ jê taih? Di ngan kung be bơtau kis, mơ hwềng soàn bơtau kis, añ rơp ò lơh dô bơta behơ̆!”

II Samuel 14:18

Gen cau bơtau ho mơ cau ùr lah: “Bañ pồn mơ añ bơh bơta añ rơp lùp ai.” Cau ùr đơs lah: “Dan cau tòm añ jê la bơtau đơs tĕ.”

II Samuel 14:3

Gen lòt tus tĕ hơ cau bơtau mơ đơs mơ khai ală jơnau do.” Mơ Jôap ơn tòm bơr khai ală jơnau khai pal đơs.

II Samuel 18:13

Mơ dô đah tai, dilah añ lơh ò song tòmdră mơ bơta kis khai, mơ ò gơs bơta lơi rgơi pồn ndơp bơh bơtau, gen să tòm ồng la cau rơp ntào yă añ.”

II Samuel 3:27

Tòm tŭ Apner neh rê wơl hơ Hebrôn, Jôap cèng khai is dô đah tòm mpồng ƀòn dờng dê, khai lơh be kòñ đơs is mơ khai. Mơ tềng hơ̆ Jôap srơp khai di kơndul mơ tơnchơt tơn, nàng sal tê bơh mhàm Asael, oh Jôap dê.

II Samuel 3:29

Dan mhàm hơ̆ tuh wơl hơđang bồ Jôap mơ hơđang jơh hìu bèp khai dê! Dan hìu Jôap dê ò tŭ lơi siơ̆u cau jê toh mồr gơrề hala cau kòp dun, cau đơng gai tàñ, cau gơpừ chơt bơh đào, cau ò gơs phan sa!”

II Samuel 3:34

Tê mê ò kòl kơt, jơng mê ò dò che sreng; Mê gơpừ chơt be dô nă cau gơpừ chơt di đap cau iơh bơsak.” Mơ jơh làng bol ñìm tai.

II Ală Bơtau 2:2

Eli đơs mơ Elise lah: “Ơm tĕ tềng do; bơh Yàng Jehôwa sồr añ lòt tus hơ Betel.” Elise đơs lah: “Añ sơnio Yàng Jehôwa gam kis sùm mơ bơta kis ồng dê lah, añ ò tŭ lơi lik lòt bơh ồng.” Behơ̆, bol khai lòt tus hơ Betel.

Lik Ejiptơ 4:15

Mê rơp đơs mơ khai, mơ ơn ală jơnau đơs tòm bơr khai dê. Añ rơp dong kòl bàr nă bol mê tòm tŭ đơs, mơ rơp bơto mê bơta pal lơh.

Jơnau Pơnđik 25:2

Pồn ndơp bơta lơi hơ̆ la bơta gơklŏ Yàng Tom Trồ dê; Mơya sền sơwì bơta lơi, hơ̆ la gơklŏ ală cau bơtau dê.

Jơnau Pơnđik 4:27

Bañ cah gùng mơ lòt đah ma hala đah kiau, Jơng kòn pleh tĕ ngài bơh di bơta iơh.

Khà Làng Bol 20:17

Dan ai bol hi in lòt gan lơgar bơtau dê. Bol hi rơp ò lòt gan ƀlàng sre hala suơn ño lơi, hala hùc dà bơh di tơrlung lơi. Bol hi rơp lòt jat gùng dờng mơ ò dah đah ma hala đah kiau jơl tus di tŭ bol hi neh lòt gan lơgar bơtau dê.”

Luka 21:15

Bơh Añ rơp ai bol mê in jơnau đơs mơ bơta jak chài mơ ală cau sò tơm di bol mê ò rgơi tòmdră hala đơs tơrwơl.

Yal Wơl 28:14

mơ dilah bol mê pơrlac sang bơh di jơnau sồr lơi tòm ală jơnau sồr mơ añ ai bol mê in tòm ngai do mơ sĕ đah ma hala đah kiau, lòt jat ală yàng ndai mơ duh broă bol gơ.

Yal Wơl 5:32

Behơ̆ kơrhia tĕ lơh jat ală bơta mơ Jehôwa Yàng Tom Trồ bol mê dê neh sồr bol mê; bañ pơrlac wèt đah ma hala đah kiau.

Jôsue 1:7

Mìng lơh tĕ pràn kơldang mơ khin cha, kơrhia lơh jat jơh ală bơta boh lam mơ Môise la cau duh broă Añ jê neh sồr mê; bañ wèt hơ đah ma hala đah kiau tồ tiah lơi mê lòt kung rơp gơlik cồng nha.

I Samuel 1:26

Mơ Anne đơs mơ Heli lah: “Ơ yàng añ jê, di ngan kung be ồng kis, yàng añ jê, añ la cau ùr neh ơm ntào tềng do di đap ồng mơ hòi dan mơ Yàng Jehôwa.

I Samuel 17:55

Tòm tŭ Sol sền gŏ Dabit lik lòt tòmlơh mơ cau Philistin hơ̆ gen khai lùp Apner la cau kwang at bồ mpồl ling lah: “Ơ Apner, cau pơnu hơ̆ la kòn ñcau taih?” Apner ho lah: “Ơ cau bơtau, di ngan kung be bơtau kis, añ ò git.”

I Samuel 20:3

Mơya Dabit kung srat să lah: “Bèp bi git loh làng lah bi kòñ gơboh di añ, mơ khai kơlôi is lah: ‘Bañ lòi Jônathan in git bơta do nàng moat jrùng.’ Mơya di ngan kung be Yàng Jehôwa kis sùm mơ kung be bi kis, gơs mìng dô cơnđòa lơm digùl añ mơ bơta chơt.”

I Samuel 25:26

Tŭ do, ơ cau tòm añ jê, kung be Yàng Jehôwa kis sùm mơ kung be să tòm ồng kis sùm, tài bơh Yàng Jehôwa neh tơnruc ồng bơh glài lơh gơhòr mhàm mơ sal tê bơh tê tòm he dê; tŭ do lòi ală cau sò tơm ồng dê bal mơ jơh ală cau kòñ lơh iơh di cau tòm añ jê rơp gơlik gơs kung be Nabal.