II Samuel 14:11 - Sră Goh 2018

¹¹ Cau ùr đơs lah: “Behơ̆ dan bơtau hòi dan tĕ mơ Jehôwa Yàng Tom Trồ bơtau dê nàng kơryan cau sal tê bơh mhàm bañ bơtơl tai bơta tơnroh, tồ kòn klau añ rơp ò kong tơnroh.” Bơtau đơs lah: “Di ngan kung be Yàng Jehôwa kis, ò gơs dô dang che sŏ lơi hơđang bồ kòn klau ai dê rơp dùh tòm ù.”

II Samuel 14:11 ပူးပေါင်းရင်းမြစ်များ

Sơnròp Gơlik Gơs 14:22

Abram ho wơl lah: “Añ pò tê di đap Jehôwa Yàng Tom Trồ Hơđang Rlau Jơh, Bơtau crơng gơs trồ mơ tiah, mơ ho lah:

Sơnròp Gơlik Gơs 31:50

Dilah mê lơh iơh di ală kòn ùr añ mơ mê jòi bau ndai, gen kơrhia tĕ, ò di la cau òs cahrña he ò, mơya hơ̆ la Yàng Tom Trồ lơh cơng digùl añ mơ mê.”

II Samuel 14:10

Bơtau ho wơl lah: “Dilah gơs cau lơi đơs jơnau lơi mơ ai, lam tĕ khai tus hơ añ, gen khai rơp ò lơh dơrcul ai tai.”

II Samuel 14:12

Gen cau ùr đơs lah: “Dan ai gơnoar cau duh broă bơtau dê đơs dô jơnau mơ bơtau la cau tòm añ jê.” Bơtau ho lah, “Đơs tĕ!”

II Samuel 14:21

Gen bơtau đơs mơ Jôap lah: “Di rau, añ rơp lơh bơta do, lòt tĕ cèng brê cau pơnu Apsalôm.”

I Ală Bơtau 1:52

Salômôn ho lah: “Dilah khai yal tơlik be dô nă cau kas màng, gen ò gơs dô dang che sŏ lơi khai dê rơp rung tòm ù; mơya dilah gơs bơta iơh lơi tòm khai gen khai rơp chơt.”

Jeremi 4:2

Mơ dilah mê srat să ‘Kung be Yàng Jehôwa kis sùm!’ Tòm jơnau song, tòm bơta song ring, mơ song ngan, Gen ală lơgar rơp geh lơngai bơh Kơnràñ, Mơ bơh Kơnràñ bol khai jòng să.”

Khà Làng Bol 35:19

Cau sal tê bơh mhàm rơp tơnchơt cau neh tơnchơt cau; tòm tŭ khai tìp cau tơnchơt cau hơ̆, khai pal tơnchơt cau hơ̆.

Khà Làng Bol 35:21

hala dilah tòm bơta gơjrañ mañ khai kơndap tê lơh cau hơ̆ chơt, cau hơ̆ pal kong tơnchơt; khai la dô nă cau tơnchơt cau. Cau sal tê bơh mhàm rơp tơnchơt khai tòm tŭ tìp khai.

Khà Làng Bol 35:27

mơ cau sal tê bơh mhàm tìp khai đah bơdìh ƀòn dờng, cau sal tê bơh mhàm rgơi tơnchơt cau kong yă hơ̆ mơ ò gơkòl glài tơnchơt cau.

Mathiơ 10:30

Sŏ hơđang bồ bol mê kung neh kòp jơh rau.

Broă 27:34

Behơ̆, añ bơto pơndòm ală ồng sào tĕ, nàng gàr bơta kis ală ồng dê, mơ ò gơs cau lơi tòm ală ồng rơp roh dô dang che sŏ bơh dê bồ he dê ò.”

I Samuel 14:45

Mơya ală cau Israel đơs mơ Sol lah: “Jônathan la cau neh lơh Israel in pha lin dờng behơ̆ mơ pal kong chơt sơl ơ? Nền cê ngan la ò! Ngan be Yàng Jehôwa gam kis sùm, bulah dô dang che sŏ hơđang bồ khai kung rơp ò rung di ù, tài bơh ngai do khai neh lơh broă bal mơ Yàng Tòm Trồ.” Behơ̆ la làng bol neh dong tă Jônathan mơ khai ò pal chơt.

I Samuel 20:42

Gen Jônathan đơs mơ Dabit lah: “Lòt tĕ lơngap lơngai, bơh bol he neh ai sơnđan Yàng Jehôwa mơ srat să tòmho lơh yô bal mơ gơp lah: ‘Yàng Jehôwa lơh cơng digùl bi mơ añ, mơ digùl kòn sau añ mơ kòn sau bi dê sùm sùm.’”

I Samuel 28:10

Sol srat să mơ khai ai sơnđan Yàng Jehôwa mơ lah: “Di ngan kung be Yàng Jehôwa kis sùm, ai rơp ò kòl lơh glài bơh bơta hơ̆.”