II Samuel 13:29 - Sră Goh 2018

²⁹ Behơ̆ ală cau duh broă Apsalôm tơnchơt Amnôn jat be jơnau Apsalôm neh sồr. Gen jơh ală kòn klau bơtau ñă ntào, hào alàng bol khai dê mơ ntoat dô.

II Samuel 13:29 ပူးပေါင်းရင်းမြစ်များ

Sơnròp Gơlik Gơs 36:24

Do la ală kòn Jibeôn dê: Aiah mơ Ana. Hơ̆ la Ana mơ neh bàn dà cat duh tòm ƀlàng bràs, tòm tŭ khai ê alàng Jibeôn, bèp khai dê.

II Samuel 12:10

Gen tàng tŭ do, đào rơp ò tŭ lơi lik ngài bơh di hìu mê, tài bơh mê neh sền òsơp di Añ, neh kup bau ùr Uria cau Hetit lơh gơs bau ùr mê dê.’

II Samuel 13:30

Tòm tŭ bol khai gam ơm rò gùng, gơs jơnau yal tus hơ bơtau Dabit lah: “Apsalôm neh tơnchơt jơh ală kòn klau bơtau rau, ò gam dô nă cau lơi ò.”

II Samuel 14:6

Cau duh broă bơtau dê, gơs bàr nă kòn klau, bol khai neh tòmlơh bal tòm ƀlàng sre, mơ ò gơs cau lơi tềng hơ̆ nàng kơryan bol khai. Dô nă kòn do lơh kòn ne mơ tơnchơt khai.

II Samuel 18:9

Nisơna Apsalôm tìp mơ ală cau duh broă Dabit dê, Apsalôm hào alàng khai dê, mơ tòm tŭ alàng ntoat hơđơm ală ntê tòm chi cha, bồ Apsalôm dê gơkwă di ntê chi, mơ khai gơyồng hơđang pah wah trồ mơ ù; tòm tŭ alàng hơđơm khai kư̆ ntoat.

I Ală Bơtau 1:33

gen bơtau đơs mơ bol khai lah: “Cèng tĕ ală cau duh broă cau tòm bol mê dê lòt jat bal mơ bol mê, mơ yò Salômôn kòn klau añ hào hơđang alàng ơseh tòm añ jê, mơ jun khai mù tus hơ Gihôn.

I Ală Bơtau 1:38

Behơ̆, Jadôk cau gơnoar ơn phan duh khoai, Nathan cau gơnoar hwơr, Benayah kòn klau Jehôyada, ală cau Keret mơ cau Phelet gen lòt tus, yò Salômôn hào hơđang alàng bơtau Dabit dê, mơ lam khai tus hơ Gihôn.

Jơnau Pơnđik 29:12

Dilah cau bơtau ơn tồr iat jơnau ma blac, gen ală cau duh broă khai gơlik gơs iơh bơsak.

Lebi 19:19

Prap gàr tĕ ală bơta sồr lam Añ jê. Bañ lòi ală phan poan jơng jơi krơi tòmjă bal. Bañ tam bàr bơta gar sơntìl is tòm dô nơm ƀlàng sre. Bañ soh ồi ào tàñ mơ bàr bơta che brài krơi is.

Mice 7:3

Jơh bàr đah tê bol khai chài rgơi lơh bơta iơh. Kwang at bồ mơ kwang cahrña lùp ală phan sa loă, cau gơs gơnoar pràn sồr ai phan lơi bol khai kòñ; bơta song ring bol khai dê la bơta rkwet rkwe.